نــــــــــائر ونئيـــــــــــــــر ( انتظرونا في رمضان )

تذكير بمساهمة فاتح الموضوع :

السلام عليكم ورحمة الله وبركاته









نــــــــــائر ونئيـــــــــــــــر

عندهم مواضيع كتيـــر

هيتناقشـــوا فيــها قدامكـم

وانتم معاهم مشـــــــاهديــــــــن

وبتعليقاتكم مشــــــاركيــــــن

همــا دايـــما مختلفين..

أصلهم نـــــــائر ونئيــــــــــــر

هايعرضولكم وجهة نظرهم من طريقين مختلفين

و أوعوا تكونوا مستغربيـــن


هدفهم في الاخر يوصلوا معلومه


لكن بطريــــــقة شويـــــة مجنونــــــــة


بس طريـــفة حبتـيــــــن


هيتكلموا في كل حاجـــة


في أي حاجة ، دنيـــا وديــــن


هاا مستعديــــن ؟؟؟


__________________________



A list of topics


الحلقة الاولى المستقبل ايه





انتظرونى

اعداد \ اميره الحب

اخراج اسماء دوت كوم

المشرف العام علي البرنامج

العفريته

الحلقه السادسه






هى الحكومة عندها حق فى غلو الأسعار ولا لأ؟؟

هل الحكومة عندها حق فى زيادة الأسعار؟

نائر \ توتي : الحكومة عندها ميت طريقة تانية تجيب منها فلوس؟

نئير\ فؤش : لاحظ أن عدد السكان بيزيدوا ولازم الأسعار تزيد طبيعى؟

نائر\ توتي : بص .. الحكومة بتغلى الأسعار علشان تشغل الناس فى لقمة عيشهم علشان ينسوا السياسة واللى بيحصل فى البلد.

نئير\ فؤش : الحكومة عندها ألتزامات كتير لازم تقوم بيها وغير كدة الأسعار غليت فى العالم كله حتيجي علينا.

نائر \ توتي : الدليل على ان الحكومة بتغلى الأسعار لأسباب سياسية أن الحكومة بتعوض غلو الأسعار بزيادة المرتبات يعنى ولا كأنها عملت حاجة ولكن علشان تغلى الأسعار وزيادة المرتبات فتشغل الشعب بلقمة عشهم وعيشة عيالهم.

نئير \ فؤش : أنا لو شوفنا حنلاقى إن كل الحكومات غلت الأسعار مش مصر بس يعنى لو فى سرقة فى مصر مش حتكون كل الدول حرمية ولا أية؟؟

نائر \ توتي : تقدر تقول كل موارد البلد بتروح فين عندك قناة السويس والسياحة والضرائب بترووووووووووح فين كل الفلوس دى بتروح فين؟؟

نئير\ فؤش : احنا 80 مليون وتقول الفلوس بتروح فين أنت غريب أوى

دة كان رأى نائر ونئير، أنتم رأيكم أية؟؟؟

تسلموووووووووووووووو

جميل جدا

حلقات جميله

ياسماء

تسلمووووووووو

ميل جدا تسلم افكاركم

بجد انتم اضفتم للمنتدي الكثير والكثير

الحلقه السابعه





هو احنا جيل تافه ؟؟



الادمن نائر

فؤش الجيل نئير





نائر \ الادمن : أنا عاوز اكلمك يا نئير في موضوع من مواضيع النقد الذاتي

نئير \ فؤش الجيل : أزاي يعنيياعم المثقف ؟

نائر\ الادمن : أنا شايف اننا اتفه جيل جه البلد دي

نئير\ فؤش الجيل : ايه يا عم ؟؟ براحة علينا احنا ملنا يعني ما أحنا شباب زي الفل؟

نائر \ الادمن : لا انا حاسس ان الشباب اليومين دول تافه جداً

نئير\ فؤش الجيل : لا دي مشكلة الشباب على مر العصور من حاجة خاصة بالجيل ده يعني و بعدين بطل تردد كلام الأجيال اللي قبلينا دول بيقولوا كده عشان كان اللي اكبر منهم بيقولوا كده عليهم معقدين يعني ،نفض يا عم

نائر\ الادمن : خلينا نتكلم بموضوعية الشباب دلوقتي ثقافته محدودة جداً و ده في منهم في الجامعة و مبيعرفوش يكتبوا عربي كويس

نئير\ فؤش الجيل : بالعكس بقى الجيل ده أحسن من اللى قبله دلوقتي في مصر حوالى 12 مليون مستخدم انترنت معظمهم شباب يعني مستوى الثقافة في ارتفاع

نائر \ الادمن : انته بتشتغل نفسك ، اغلب الشباب بيدخلوا على النت عشان الشات و الفيس بوك و بيحملوا أغاني و افلام أو حتى بيدخلوا مواقع اباحية ده اللي اغلب الشباب بيعملوا ، ده ممكن يكون النت سبب تخلف الجيل ده

نئير \ فؤش الجيل : يا بني ده حال الشباب في اي وقت ، لما كنا صغيرين كان كل الشباب مثلاً بيلبس تشيريت اسود عليه صورة واحد أجنبي كنيش كده مش عارف اسمه ايه

نائر \ الادمن : يخرب بيت الجهل اللي انته فيه ، قصدك جيفارا؟!!

نئير \ فؤش الجيل : الله ينور عليك ، انا عاوز اقولك ان معظم الشباب اللى كانوا عاملينه البب بتاعهم مكنوش يعرفوا هوه مين

نائر \ الادمن : مع التحفظ ان يكون قدوة الشباب اي شخص مش نابع من تاريخنا و حضارتنا و اسلامنا ، بس لما يبقي جيفارا قدوتك انته متعرفش هوه مين بالظبط و عمل ايه لشعبه ، احسن بكتير لما يبقي قدوتك واحد زي نجم الجيل اللي انته عارف كويس هوه مين و ايه التفاهه اللي هوه فيها و انه هربان من التجنيد

نئير\ فؤش الجيل ؟ انته بتتكلم بسواد زي بتاع جرايد المعارضة، مش عيب ان الشباب يكون له اهتمامات كتير زي الفن و الرياضة ، قعد مع اي شاب و شوفه فاهم ازاي في الحاجات اللي بيحبها

نائر\ الادمن : المشكلة ان الشباب مبقاش بيتابع غير الكورة و اللي انته بتقول عليه فن ده فن هابط أو مش فن أصلاً الشباب حالته في الضياع

نئير \ فؤش الجيل : مفيش فايدة فيك مش ناوي تقلع النضارة السودة ابداً

مشكلتنا دايما الاجماع

اكيد طبعا فى شباب تافه ودى حاجه مفروغ منها
بس فيه بردو شباب مثقف
ومثال على كده المنتدى ده مثلا
لو بصيت هتلاقى فيه موضوعات كتير فيها افكار حلوه
وهتلاقى هنا ناس بتقول أراء كويسه
وفى ناس هنا أراءها بتعجبنى جدا

وده فى المنتدى ده بس وطبعا فى منتديات تانيه كتير جدا

وطبعا الفن والرياضه وخلافه ده ترفيه
وكل واحد فينا اكيد بجتهد فى شغله او فى دراسته
ونفسه انه يبقى حاجه كويسه فى المستقبل
بس الحياه طبعا مش كلها جد لازما يكون فيها شويه مرح
المرح ده طبعا فيه ناس بتقول عليها تفاهه

فبجد الجيل ده مظلوووووووم جدا
بالاجيال اللى قبله وهستعير جمله اتقالت فى فيلم ليله سقوط بغداد
انتو مسلمنا الرايه عامله كده (مايله يعنى) وعايزنا فى يوم و ليله تبقى كده (عاليه)

واخيرا انهى كلامى بحديث سيدنا النبى
"الخير في وفي أمتى إلى يوم الدين" قالها رسول الله صلى الله عليه وسلم منذ أكثر من 1400 عام وصدق رسول الله وما كان ينطق عن الهوى صلى الله عليه وسلم

وشكرا على الحلقه يا بنات
__________________

اكيد طبعا عندك حق يا اسراء
فى كل اللى قولتيه
بس برده الظروف اللى حوالينا ومجتمعنا ليه دور كبير جدا فى اللى بيحصل
واللى لسه هيحصل

جميل جداااااااااااااااا


الي الامام

مرسي لكم

نكمل ان شاء الله الحلقات

هي عباره عن وجهات نظر

مفيش مشاكل

ان شاء الله

أحلى تحيــة لأحلى جيـــل
....
كانت مناقشة جميلة جدا منكم
ارائكم وافكاركم وجهات نظركم ، كلها سليمة
ويارب منتحرمش من تفاعلكم الطيب ده

جزاكم الله كل خيـــــــــر
...

طبعا شكر خاص للمشرفه العامه العفريته

علي التعليق




عفــــــــــــــوا.....!! دا مش حجابــــــ !!!


مش هنذكر اسماء اعضاء علشانمحدش يزعل في حلقه النهارده



نائر:ايه ده انتي هتخرجي كدا

نئير :ايه مالك وفيها ايه ماله كدا

نائر:جينز وبدي قصير والاسم لابسة حجاب

نئير :والمفروض البس شوال مثلا ولا ايه انا بلبس كل الي بيلبسه بنات سني معملتش كارثة يعني

نائر: وهو ده لبس حجاب هي جات علي تغطية الشعر يعني المفروض الحجاب لا يشف ولا يوصف والي انتي لبساه ده واصف جسمك كله

نئير:كفاية اوي اني مغطية شعري اساسا خساره اغطيه طويل وناعم وهيقع اساسا من الايشارب الي لبساه ده

نائر: ربنا يهديكي يا بنتي هتعملي ايه بشعرك الطويل اما تقابلي ربنا وهو غضبان عليكي وتبقي نهايه شعرك ده النار

نئير : يا بنتي انا لسة صغيره وحلوة اما اتجوز واعيش حياتي اما اكبر ابقي البس اسدال ونقاب كمان سبيني اعيش يومين

نائر: وانتي ضامنه حبيبتي تعيشي عشر دقائق كمان هو الموت ليه سن معين كام طفل بيموت في اليوم كام شاب صغير نعرفهم ماتو واحنا مكناش نتخيل ان يحصل كدا فوقي وارجعي لربنا ...

نئير:معاكي حق والله انا ساعات ضميري بيئنبني بردو وحاسة اني بعمل جرم كبير بس الدنيا والموضه والناس كلها حاجات بتغريني اعمل ايه

نائر:ولا صحابك ولا الدنيا ولا الناس ولا الموضه ولا الحاجات دي كلها هتنفعك
فوقي كدا وارجعي لربنا حاولي تعدلي من لبسك وتلبسي ملابس ترضي بيها ربك لان رضا الرب هو غاية كل مسلم

قال تعالى : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الأِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ) النور/
صدق الله العظيم





اتمني تكون الحلقة عجبتكم

__________________

يا جاااااامد يا جاااااااااااااامد
لأ بجد مش فيه كلام يتقااااااااااااااااال
دايمـــــاً متألقه
روعه يا اسمااااء

حلقه جميله اوى ومهمه جداً
وده فعلاً حال معظم فتايات المسلمين ربنا يهديهم
وانا مع نائر فى كل اللى قالته مسابتلناش حاجه نقولها
ومفيش رد يتقال افضل من كلام ربنا
تسلم ايدك يا ميرنا
وربنا يحفظك من كل سوء
دمتِ متألقه

كالعادة متألقة في كل ما تطرحينه من موضوعات يا بنات

طبعاً أنا مع نائر في كل كلمة قالتها

ربنا يحفظك ويسترك وبنات المسلمين جميعاً

أمهات الغد لعلكن تخرجن لنا جيلاً يحرر الأقصى من أسره

شكراً يا ميرنا على الحلقة الجميلة

وشكراً يا بنات أنكم مواصلين

جزاكم ألله خيراً وأعزكم أجمعين
__________________

هههههههههههههههههه

انتى خليتى نائر ونئير بنوتين المره دى

موضوعك فكـــرتــه كويسه

وماظنش ان فى مجال للنقاش

لانك قولتى كل ما فى الموضوع

نيـــــــــس

الحلقه التاسعه




توتي محمود \ نائر

فؤش الجيل \ نئير

الدش يبقى قنوات دينية بس ... ولا لازم شويه دراما ومنوعات...




نائر \ توتي محمود : ياما نفسى الدش ده يبقى قنوات دينية بس والقرف بتاع قنوات الدراما والمسلسلات ده يتشال.


نئير\ فؤش الجيل : بالعكس ياعم ... مفيش أحسن من قنوات المنوعات ... تلاقى كل فيها ... يعنى مسلسلات وبرامج دينية وأخبار.. قناة كده فيها كل حاجة.


نائر \ توتي محمود : ياعم ده اسمه ازدواج .... يعنى أيه قناة تجيب مسلسل فى حاجات زى الزفت ومناظر .... وبعديها عادى خالص تلاقى عم الشيخ طالع مع الأخت المذيعة يتكلموا فى الدين ... ده اسمه هبل.


نئير\ فؤش الجيل : ياعم أهدى شويه ... مفهاش حاجه لما القناة تكون فيها كل حاجة .... يعنى الأخبار وبرامج علمية وبرامج دينية ودراما .. عاى يعنى ... هو كل حاجة عندك أبيض وأسود.


نائر \ توتي محمود : لأ مش ابيض واسود .... بس أزاى الشيخ يقبل على نفسه أنه يطلع بعد فيلم أو مسلسل مليان مناظر وبلاوى .... أزاى أنا كمتفرج ح سمع كلامه ...لكن لما تكون القناة دينية بس حتقدر تستفيد بأكبر قدر ...و كمان القنوات الدينية أمان .. مفهاش أى حاجة وحشة.


نئير \ فؤش الجيل : أمان ماشى ... بس معلش يعنى مملة جدا .. ماشى أشوف برنامج دينى كويس ... برنامجين تمام ... لكن طول اليوم قاعد على القنوات الدينية ده شئ ممل ... لازم أشوف مسلسل أو فيلم مش لازم يكون وحش ...


نائر\ توتي محمود : هو لازم قلة الأدب والأفلام والمسلسلات ... أتفرج على أخبار أو برنامج علمى ... ودلوقتى فى قنوات مخصصة لكل حاجة ...


نئير \ فؤش الجيل : ومين قالك أن كل المسلسلات والأفلام وحشة فى حاجات كويسة وتاريخية وهادفة .... وبعدين أنا ح فضل طول اليوم ما بين برامج وأخبار ده حاجة تنفخ.


نائر\ توتي محمود : والله أنا شايف أن التليفزيون والدش تتقرج فيه على الأخبار والقنوات الدينية بس ...أما باقى القنوات تعتبر قنوات واطية.


نئير \ فؤش الجيل : أنا مش معاك ... كل إنسان رقيب على نفسه .... ومش لازم تكون القناة بتتكلم فى الدين أو السياسة علشان تكون قناة كويسه .... والقنوات الدينية ده مملة جدا ...عادى جدا أنى أشوف قنوات منوعات ودراما.


...
_________________

حلقة جميلة كالعادة

هو نائر عنده حق في معظم الحلقة ما عدا آخر جملة

أنا مع نئير فيها النص الأول بس من الجملة

يعني في بعض القنوات الإخبارية بتبقى هادفة لأهداف مش كويسة

وبتزرع الفتنة بين الناس أكتر من قنوات الهلس بكتير

وفي قنوات مش إخبارية لكن بتقدم برامج هادفة وبرامج إخبارية وحوارية كويسة

أنا مع آخر جملة في الجزء ده وهي دي وجهة نظري إن كل إنسان رقيب

على نفسه لكن ما فيش حاجة إسمها القنوات الدينية مملة بالعكس

وهذا رأيي وليس حجة على غيري

تسلم إيدك يا محمد ويشرفني أكون أول من يرد على هذه الحلقة

وفي إنتظار باقي الحلقات إن شاء ألله

نيس توبيك كالعاده
والتليفزيون يعتبر سلاح ذو حدين
الحد الاول : اننا أكيد بنستفيد منها كتير من خلال مشاهده البرامج والافلام والمسلسلات الهادفه
التى بتناقش قضايا هامه وخطيره ف المجتمع
والتى من خلالها يمكننا رؤيه الدنيا وما يحدث فيها
الحد التانى : طبعا الافلام التى لا تجدى بل ربما تضر بأسلوبها المتدنى
لكن كل شخص رقيب على نفسه وتصرفاته
وليس كل القنوات الدينيه مجديه هناك بعض القنوات التى تثير الفتن والتى أحيانا تنقل معلومات خاطئه وهناك القنوات الرائعه جداااااا
فالدش سلاح ذو حدين وكل شخص رقيب على تصرفاته ليس أمام المجتمع وانما أمام الله
__________________

حلقه

جميله

تسلمو

اميره الحب كتب:

الحلقه السابعه





هو احنا جيل تافه ؟؟



الادمن نائر

فؤش الجيل نئير





نائر \ الادمن : أنا عاوز اكلمك يا نئير في موضوع من مواضيع النقد الذاتي

نئير \ فؤش الجيل : أزاي يعنيياعم المثقف ؟

نائر\ الادمن : أنا شايف اننا اتفه جيل جه البلد دي

نئير\ فؤش الجيل : ايه يا عم ؟؟ براحة علينا احنا ملنا يعني ما أحنا شباب زي الفل؟

نائر \ الادمن : لا انا حاسس ان الشباب اليومين دول تافه جداً

نئير\ فؤش الجيل : لا دي مشكلة الشباب على مر العصور من حاجة خاصة بالجيل ده يعني و بعدين بطل تردد كلام الأجيال اللي قبلينا دول بيقولوا كده عشان كان اللي اكبر منهم بيقولوا كده عليهم معقدين يعني ،نفض يا عم

نائر\ الادمن : خلينا نتكلم بموضوعية الشباب دلوقتي ثقافته محدودة جداً و ده في منهم في الجامعة و مبيعرفوش يكتبوا عربي كويس

نئير\ فؤش الجيل : بالعكس بقى الجيل ده أحسن من اللى قبله دلوقتي في مصر حوالى 12 مليون مستخدم انترنت معظمهم شباب يعني مستوى الثقافة في ارتفاع

نائر \ الادمن : انته بتشتغل نفسك ، اغلب الشباب بيدخلوا على النت عشان الشات و الفيس بوك و بيحملوا أغاني و افلام أو حتى بيدخلوا مواقع اباحية ده اللي اغلب الشباب بيعملوا ، ده ممكن يكون النت سبب تخلف الجيل ده

نئير \ فؤش الجيل : يا بني ده حال الشباب في اي وقت ، لما كنا صغيرين كان كل الشباب مثلاً بيلبس تشيريت اسود عليه صورة واحد أجنبي كنيش كده مش عارف اسمه ايه

نائر \ الادمن : يخرب بيت الجهل اللي انته فيه ، قصدك جيفارا؟!!

نئير \ فؤش الجيل : الله ينور عليك ، انا عاوز اقولك ان معظم الشباب اللى كانوا عاملينه البب بتاعهم مكنوش يعرفوا هوه مين

نائر \ الادمن : مع التحفظ ان يكون قدوة الشباب اي شخص مش نابع من تاريخنا و حضارتنا و اسلامنا ، بس لما يبقي جيفارا قدوتك انته متعرفش هوه مين بالظبط و عمل ايه لشعبه ، احسن بكتير لما يبقي قدوتك واحد زي نجم الجيل اللي انته عارف كويس هوه مين و ايه التفاهه اللي هوه فيها و انه هربان من التجنيد

نئير\ فؤش الجيل ؟ انته بتتكلم بسواد زي بتاع جرايد المعارضة، مش عيب ان الشباب يكون له اهتمامات كتير زي الفن و الرياضة ، قعد مع اي شاب و شوفه فاهم ازاي في الحاجات اللي بيحبها

نائر\ الادمن : المشكلة ان الشباب مبقاش بيتابع غير الكورة و اللي انته بتقول عليه فن ده فن هابط أو مش فن أصلاً الشباب حالته في الضياع

نئير \ فؤش الجيل : مفيش فايدة فيك مش ناوي تقلع النضارة السودة ابداً

لا لا مش تقول اتفه والكلام اللى مش ليه لازمه ده

فى كــل زمان فى التافه والناس دى

زى ماهو موجود دلوقتى

اللى موجود دلوقتى فى تفهه وفى ناس محترمه وجميله جدا

انا ضد نائــــر ميه بالميه

شوف مين اللى واقف جمب البرادعى شوف مين اللى نفسه يحارب

عنــدنا شباب زى الفل الا قله

وربنـــا يهديهم ان شاء الله

ونــــيـــس موضوع

__________________

اسماء دوت كوم كتب:

طبعا شكر خاص للمشرفه العامه العفريته

علي التعليق




عفــــــــــــــوا.....!! دا مش حجابــــــ !!!


مش هنذكر اسماء اعضاء علشانمحدش يزعل في حلقه النهارده



نائر:ايه ده انتي هتخرجي كدا

نئير :ايه مالك وفيها ايه ماله كدا

نائر:جينز وبدي قصير والاسم لابسة حجاب

نئير :والمفروض البس شوال مثلا ولا ايه انا بلبس كل الي بيلبسه بنات سني معملتش كارثة يعني

نائر: وهو ده لبس حجاب هي جات علي تغطية الشعر يعني المفروض الحجاب لا يشف ولا يوصف والي انتي لبساه ده واصف جسمك كله

نئير:كفاية اوي اني مغطية شعري اساسا خساره اغطيه طويل وناعم وهيقع اساسا من الايشارب الي لبساه ده

نائر: ربنا يهديكي يا بنتي هتعملي ايه بشعرك الطويل اما تقابلي ربنا وهو غضبان عليكي وتبقي نهايه شعرك ده النار

نئير : يا بنتي انا لسة صغيره وحلوة اما اتجوز واعيش حياتي اما اكبر ابقي البس اسدال ونقاب كمان سبيني اعيش يومين

نائر: وانتي ضامنه حبيبتي تعيشي عشر دقائق كمان هو الموت ليه سن معين كام طفل بيموت في اليوم كام شاب صغير نعرفهم ماتو واحنا مكناش نتخيل ان يحصل كدا فوقي وارجعي لربنا ...

نئير:معاكي حق والله انا ساعات ضميري بيئنبني بردو وحاسة اني بعمل جرم كبير بس الدنيا والموضه والناس كلها حاجات بتغريني اعمل ايه

نائر:ولا صحابك ولا الدنيا ولا الناس ولا الموضه ولا الحاجات دي كلها هتنفعك
فوقي كدا وارجعي لربنا حاولي تعدلي من لبسك وتلبسي ملابس ترضي بيها ربك لان رضا الرب هو غاية كل مسلم

قال تعالى : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الأِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ) النور/
صدق الله العظيم





اتمني تكون الحلقة عجبتكم

__________________

جزاك الله خيــــريابنات على طرحك
للموضوع الخطير ده

فعلا الوضع بئى حاجة عريبة جدا ، مستفزة جدا ، سيئة بكل الصور
والأمر بقى عند أغلب البنات هيين
لأن الدين بقى على هامش من حياتهم ، مبقاش دينهم أساس في حياتهم

نتج عن ده سلبيات كتير جدا ،
منها الأستهانة بأوامر الملك سبحانه وتعالى
ولا حول ولا قوة الا بالله

أطراف كتيرة كانت سبب مؤثر جدا في الوضع اللي احنا بنعيشة حاليا
أهمهم الأهل ، واللامبالاة اللي بتعيش فيها معظم الأسر

هما سبب رئيسي في استهانة البنت بـ حجابها
وبقى عندنا كلمة كلنــا أتعودنـا عليها..

عـــــــــــــــــــادي

كلمة في منتهى الخطورة ، أخدنا عليها كتيــر.. للأسف

فـ من باب الاستعانة بالله
نسأل الله الهداية لكل بنات المسلمين
وأن يرزقهم الطهر والعفاف


ومن باب التحرك والأخذ بالاسباب
لينا دور..
نوعي أخوتنا وبناتنا ، وناخد بأيديهم للصح
ننصح ونوعي ونرشد ونوجه ونأمر بالمعروف وننهى عن المنكر

دي فريضة علينا و هنتحاسب عليها..
" كلكم راعٍ وكلكم مسئول عن رعيته "


وجزاكم الله خيــــــــرا

...

اسماء دوت كوم كتب:

الحلقه التاسعه




توتي محمود \ نائر

فؤش الجيل \ نئير

الدش يبقى قنوات دينية بس ... ولا لازم شويه دراما ومنوعات...




نائر \ توتي محمود : ياما نفسى الدش ده يبقى قنوات دينية بس والقرف بتاع قنوات الدراما والمسلسلات ده يتشال.


نئير\ فؤش الجيل : بالعكس ياعم ... مفيش أحسن من قنوات المنوعات ... تلاقى كل فيها ... يعنى مسلسلات وبرامج دينية وأخبار.. قناة كده فيها كل حاجة.


نائر \ توتي محمود : ياعم ده اسمه ازدواج .... يعنى أيه قناة تجيب مسلسل فى حاجات زى الزفت ومناظر .... وبعديها عادى خالص تلاقى عم الشيخ طالع مع الأخت المذيعة يتكلموا فى الدين ... ده اسمه هبل.


نئير\ فؤش الجيل : ياعم أهدى شويه ... مفهاش حاجه لما القناة تكون فيها كل حاجة .... يعنى الأخبار وبرامج علمية وبرامج دينية ودراما .. عاى يعنى ... هو كل حاجة عندك أبيض وأسود.


نائر \ توتي محمود : لأ مش ابيض واسود .... بس أزاى الشيخ يقبل على نفسه أنه يطلع بعد فيلم أو مسلسل مليان مناظر وبلاوى .... أزاى أنا كمتفرج ح سمع كلامه ...لكن لما تكون القناة دينية بس حتقدر تستفيد بأكبر قدر ...و كمان القنوات الدينية أمان .. مفهاش أى حاجة وحشة.


نئير \ فؤش الجيل : أمان ماشى ... بس معلش يعنى مملة جدا .. ماشى أشوف برنامج دينى كويس ... برنامجين تمام ... لكن طول اليوم قاعد على القنوات الدينية ده شئ ممل ... لازم أشوف مسلسل أو فيلم مش لازم يكون وحش ...


نائر\ توتي محمود : هو لازم قلة الأدب والأفلام والمسلسلات ... أتفرج على أخبار أو برنامج علمى ... ودلوقتى فى قنوات مخصصة لكل حاجة ...


نئير \ فؤش الجيل : ومين قالك أن كل المسلسلات والأفلام وحشة فى حاجات كويسة وتاريخية وهادفة .... وبعدين أنا ح فضل طول اليوم ما بين برامج وأخبار ده حاجة تنفخ.


نائر\ توتي محمود : والله أنا شايف أن التليفزيون والدش تتقرج فيه على الأخبار والقنوات الدينية بس ...أما باقى القنوات تعتبر قنوات واطية.


نئير \ فؤش الجيل : أنا مش معاك ... كل إنسان رقيب على نفسه .... ومش لازم تكون القناة بتتكلم فى الدين أو السياسة علشان تكون قناة كويسه .... والقنوات الدينية ده مملة جدا ...عادى جدا أنى أشوف قنوات منوعات ودراما.


...
_________________

دايما التوبيك هادف وموضوعات متميزة
ومناقشة لما طابع اخر
ومنتظرين المزيد
وتسلم ايدى كل من شارك فية

__________________

الحلقه العاشره

رمضان شهر طاعات بس .. أم شهر طاعات وشوية مسلسلات؟؟


ضيوفنا هم ابوشريف \ نائر

سيد ابوحفيظه \ نئير

نائر\ ابوشريف : عارف أحلى حاجة ان التليفزيون فى رمضان بيبقى حاجة تانية خالص ، مسلسلات أيه واغانى دينية أيه حاجة جامدة جدا.

نئير \ ابوحفيظه : يا عم أتقى الله مسلسلات أيه وزفت أيه .... رمضان ده شهر طاعة وصوم وصلاة وقرآن ومغفرة ورحمة .. مش مسلسلات وأغانى يا فتك.

نائر\ ابوشريف : يا عم هو الواحد قال حاجة ... هو انا بقول انى مش ح صلى وأصوم ... انا بقول أن فى رمضان بتيجى مسلسلات حلوة وأغانى دينية كويسة .. وبعدين المسلسلات ده بتناقش قضايا اجتماعية مهمة ... وكمان فى السيت كوم حاجة دمها خفيف ومحترمة.

نئير\ ابوحفيظه : محترمة !!! محترمة مين يا بنى ده المسلسل أسوء من المواقع اللى انت عارفها .. يا حبيبى المسلسلات ديه حولت الحاجات المحظورة فى المجتمع لقضايا عادية جدا .. زى الإغتصاب والجواز العرفى وصحوبية الولاد والبنات... المسلسلات ديه يتدمر المجتمع .

نائر\ ابوشريف : ياعم مش أوى كده وبعدين فى مسلسلات كتير اوى ...يعنى ممكن تنقى المسلسل اللى يناسبك ويعجبك ... وبعدين المسلسلات هى الفسحة الوحيدة للناس من الهم اللى هى عيشاه.

نئير\ ابوحفيظه : فسحة سودة .. المسلسل ده بيتفرج عليه الأم والأبن والبنت ... وبيقتنعوا بالكلام الفاضى اللى فيها ... وبعدين المسلسل كله واحد بيحب واحدة ومشيين مع بعض فى الحرام .... مفيشس واحد بيصلى .. او يقرأ قرآن .... ولازم تلاقى الملتزم والمتدين إرهابى ومتشدد ومتخلف ... دول بيكرهوا الناس فى الدين.

نائر \ ابوشريف: بيكرهوا الناس فى الدين أزاى وهما بيجيبوا الممثلين والمغنيين وهما بيقولوا أناشيد دينية وحاجات كويسه تخليك تقرب من ربنا,, وبعدين الممثلين دول قدوات والشباب بيقلدوهم.

نئير \ ابوحفيظه: أناشيد دينية وقدوات !!!! دول شوية راقصيين ... بيقولوا للناس التزموا فى رمضان وبعد رمضان عيشوا حياتكم معصية وفجور .

نائر\ ابوشريف : والله ديه وجهة نظر.

نئير\ ابوحفيظه : على العموم قضى وقتك فى الطاعة أحسن ليك دنيا وأخرة.

...

__________________

والله يااختي كل الكلام اللى قلتيه تمام

والمسلسلات تافه وكتيييييييييييييييير يعنى ممكن تلاقى القناه عامله 6 مسلسلات

والتانيه عامله 5 ايه دا طيب اللى بيتفرج هيتفرج على ايه فى كل دول دا لو اخد النهار كله مش هيخلصهم

احلى حاجه فى النهار انك تقرأ القران

والنت صحيح تمام بيضيع وقت كبيييييييييييير جدا جدا انا كنت ساعات انسى نفسى قدام النت واقدم من 8 الصبح لحد العصر

فى الاجازات

فى النهايه

الشهر دا شهر الرحمه والغفران والعتق من النار

يريت نستغل الشهر دا فيما يرضى الله

وموضوع هايل تسلم ايدك
__________________
!el_JoKeR!

كلام جميل جداااااااااااااا

تسلموووووووووووووووو

حلقات جميله وبتناقش مواضيع مهمه
تسلموا

حلقات جميله جدااااااااااا

الحلقه 11


ضيوفنا هم \ الادمن نائر

كابتن هيما \ نئير


هتسحـــر في الحسيــــــن



نائر \ الادمن :البيه بيلبس ورايح فين دلوقت الفجر قرب


نئير \ كابتن هيما :رايح الحسين تيجي معايا

نائر \ الادمن :بارك الله فيك هتصلي الفجر هناك

نئير\ كابتن هيما :لا حبيبي انا معزوم علي السحور وهشيش بئه وهعيش رمضان بئه كل سنه وانت طيب

نائر \ الادمن :وهو رمضان يعني سهر علي الكافيهات وسحور وهزار وعيشة زي ما بتقول

نئير \ كابتن هيما :ايوة يا ابني رمضان يحلي السهر


نائر \ الادمن :غلط يا بني ادم .رمضان يعني صلاه وصوم وعبادة يعني قيام ليل بدل السهر والهزار والكلام الفارغ الي رايح تعمله ده

نئير \ كابتن هيما :اطلع من دماغي انت فلقتني بمواعظك دي

نائر \ الادمن :انا مش بقول ولا حكم ولا مواعظ انا بقول الكلام الي قاله ربنا سبحانه وتعالي

نئير \ كابتن هيما :ونعم بالله خلاص انا هتسحر مع صحابي وهصلي الفجر وباذن الله مش هعمل كدا تاني


حدثنا يحيى بن بكير: حدثنا الليث، عن عقيل، عن ابن شهاب قال: أخبرني أبو سلمة: أن أبا هريرة رضي الله عنه قال:
سمعت رسول الله صلى الله عليه وسلم يقول لرمضان: (من قامه إيمانا واحتسابا، غفر له ما تقدم من ذنبه).
- حدثنا عبد الله بن يوسف: أخبرنا مالك، عن ابن شهاب، عن حميد بن عبد الرحمن، عن أبي هريرة رضي الله عنه
:
__________________

الي القاء في حلقه جديده من يوميات نائر ونئير

الحلقه 12







عاداتنا وتقاليدنا في رمضان صح ولا غلط؟

كلنا كنا بنتأهب لشهر رمضان المبارك ...بس الاستعداد لرمضان فى مصر غير اي حته ...
عشان الاستعداد لرمضان عندنا يعنى تنزل تشترى ياميش وقمر الدين وكنافه واطايف ...
فتلاقى كل واحد طالع من السوبر ماركت او السوق ... ومعاه كياس اد الداهيه ...
ويضيع القرشين اللى معاه فى مشتريات رمضان ...


رأى نائر:

نائر شخص تقليدى مصرى اوى ...
وجهة نظرة ان مشتريات رمضان دى من العادات اللى احنا اتربينا عليها ...
وان هى مظهر من مظاهر الفرحة بشهر رمضان ...

ممكن تكون الناس بتزودها شويتين ... بس هو شايف ان الموضوع مش عامل ازمة ...
وبعدين رمضان بيجى مرة واحدة فى السنة ... سيبوا الناس تفرح برحتها ...

و شايف ان احنا بيتهيألنا ان الناس بيشتروا كتير ... بس هما بيشتروا للشهر كله ...
يعنى بينزلوا نزوله واحدة يظبطوا المسائل ...



رأى نئير:

نئير واد مخلص ... قصة تانية بالنسبه له بقى ... تقوله عادات وتقاليد ...

هو الراجل بيقول ... دلوقتى الغرض من رمضان هو الصيام ... وان الناس تحس بالفقره و يعطفوا على المساكين ...

مش ان كل واحد يضيع القرشين اللى معاه فى حاجات كلها .. ملهاش لازمة ...
وبعديين هو الليل فى رمضان كله كام ساعة؟؟ وجبتين وبس ...


يبقى الناس ها تودى الاكل ده كله فين؟؟ وهاتلحق تاكل امتى؟؟
يعنى بنضيع الفلوس فى كماليات ... و ما بنستخدمش معظمها ...

والله انا مع الاتنين

اى الى فيها لما نشترى حجات على ادنا وبكدا نبقا
جمعنا الفرحه وجبنا الى عاوزينه ويقضينا

وقبل ما نشترى الكلام دا
نشيل جزء ولو النص من التوتل كله نديه للفقراء والمساكين
علشان نقدر نحس بيهم بجد

بس فى الحالتين يا حج دا كلام
والشعب المصرى هيفضل هو الشعب المصرى

وبدل ما رمضان شهر الصيام والقراءن ..... بقا شهر الياميش والمشتريات

ربنا يلطف بينا ويجعلنا من المساكين

نيس ياسماء
متابع ان شاء الله

الحلقه 12

الصلاة فى الشوارع .... شئ إيجابى ... أم مظهر غير حضارى؟؟!!

[center]

نائر - توتي :من أحلى الحاجات اللى فى رمضان لما تلاقى المساجد مليانه بالمصلين، ولا أيه ياعم؟


نئير - ابوشريف : والله هى حاجة كويسه بس فى مشكلة ، أن المصلين لما بيزيدوا فى مسجد معين بيقفلوا الشوارع ، وده بيأثر على حركة المرور .


نائر- توتي : ياعم طز فى المرور المهم الناس تصلى ، وبعدين المرور ح يتعطل ساعة ولا اتنين وبعدين الطريق يرجع تانى .


نئير- ابوشريف : ياعم بس بالراحة ، المفروض أنا رايح أصلى لقيت المسجد أتملى أصلى فى مسجد تانى فاضى ، مش اسكندرية كلها بتصلى فى مسجد واحد .. وبعدين هى الناس ده كلها كانت فين قبل رمضان؟؟!!!


نائر\ توتي : ياعم ربنا يهدى .. وبعدين كل واحد بيرتاح مع امام معين .. يصلى معاه .. المسجد مليان فاضى مش مشكلة.


نئير \ ابوشريف: يعنى تصور انت واحد عيان الأسعاف مش عارفه توصل بسبب ان الطريق واقف .. او ان فى حريق .. او أى حاجه تانيه.. المفروض فيه نظام .


نائر\ توتي : انا مش معاك خالص ... ده شهر كريم وجميل أن الناس تصلى فى المساجد .. ولو فى مسجد مميز شويه عادى أن الناس تصلى أمام المسجد .. ورجال المرور عليهم تنظيم المرور بشكل يسمح بسيره بشكل طبيعى.


نئير\ ابوشريف : لأ انا مازلت عند رأيى .. النظام نظام .... والمرور أولوية ... والصلاة لازم تتم بنظام .. مش بهرجلة وعدم نظام.

[/center]
__________________

جميل جدااااااااااااااااااااا

الحلقه 14

ضيوفنا هم


فؤش الجيل \ نائر

توتي محمود \ نئير

فسخ الخطوبة !!

نائر\ فؤش الجيل : شفت احمد احمد اللي معانا في الدفعة ساب البنت اللي كان ماشي معاها دي .. بس البنت منظرها يقطع القلب .. وهو زعلان آ بس مش زيها اعتقد ..

نئير\ ابوشريف : والله انت عارف رأيي من الأول وقلتلك قبل كده العيال دي مش هيكملوا مع بعض .. الموضوع من الأول أصلا غلط .

نائر\ فؤش الجيل : يييييه قولي بقى الحب الحلال والحب الحرام .

نئير \ ابوشريف : هو فعلا موضوع حب حلال وحب حرام بس المرادي مش ده اللي في بالي .. يابني الارتباط مش كده اصلا .. انا يانئير شفت ارتباطات بشعر راسي في الجامعة .. والله ثم والله ما ده شكل الارتباط .. الارتباط ليه شكل واحد بس لا غير .. أمه تكلم أمها في التليفون وتقولها انا ابني عايز يتقدم لبنتكوا وظروفه كيت وكيت ها !! شاوري ابو البنت والبنت وشوفوا تحبوا نيجوا نزوروكوا إمتى ؟؟

نائر\ فؤش الجيل : ياسلاام .. عايز تقول يعني انه قبل كده ما يكونش عرفها ولا كلمها ؟؟

نئير \ ابو شريف : أيييوه .. لإنه لو فتح معاها كلام هيبقى كده دخلوا بقى في موضوع الصحوبية والحب المشعلق وده هيئذيهم همه الاتنين لو ما حصلش نصيب .. وبعدين بالعقل كده هو ليه بيرتبط ؟؟

نائر \ فؤش الجيل: أكيد عشان يحب

نئير\ ابوشريف : الحب حاجه جميله وفعلا هو تاج أي علاقة بس لو فكر فيه لوحده وهو بيرتبط هيبقى غلطان وغلطان جدا .. سيدنا النبي عليه الصلاة والسلام قال لما تيجي تتجوز دور على الدين .. عارف ليه ياسيد نائر !! عشان لو هي بنت هتتقي ربنا فيك يبقى انت بقيت زوج سعيد لبقية حياتك وكذلك الظروف الاجتماعية وخد بالك برضو انك مش بتتجوزها لوحدها انت بتتجوز بيتها كله لإن أهلها دول هيبقى خلان ولادك يعني الموضوع كبير مش مجرد اتنين بيحبوا بعض فهيتجوزوا .

نائر \ فؤش الجيل : كلامك مضبوط ماحدش يقدر حاجه بعد كلام سيدنا النبي (عليه الصلاة والسلام) بس مش شايف ان الشكل ده تقليدي شوية ؟

نئير\ ابوشريف : وماله يعني ؟ ولا فيها ايه ؟ ده الأساس يابني .. الاساس في اي علاقة الشكل التقليدي ده .. يابني الحب ده ورده .. وورده حلوه اوي كمان .. ومستحيييييل الورده دي تكبر وتورق إلا في النور .. مفيش ورده ابدا تنبت في الضلمه ..

نائر \ فؤش الجيل : بس انا مازلت شايف انهم يتكلموا مع بعض ويتعرفوا اكتر بعد كده ياخدوا الخطوه بتاعت دخول البيوت دي .. يابني دي خطوه كبيرة اوي ..

نئير\ ابوشريف : طب ما فيها ايه ؟؟ هو جاد ولا مش جاد ؟؟ راجل بجد يعني بيدور على ارتباط حقيقي بين راجل وامرأه ناضجين عايزين يبنوا حياة ويعملوا اللي بيعملوه في حياتهم بس مع بعض ولا شاب بيلعب ؟؟ والله هو لو جاد هيدخل الباب من بيته .. قصدي البيت من بابه ولو ماحصلش نصيب فيادار مادخلك شر ..

نائر \ فؤش الجيل: يعني قدام الناس يبقى اسمها كانت مخطوبه وفسخت خطوبتها ؟؟

نئير\ ابوشريف : فيها ايه مهو ده هدف الخطوبه اساسا انك تحدد هتكمل مع البنت دي ولا لأ وهي كمان تحدد هتكمل مع الخلقه دي ولا لأ وقدام الناس كلها .. وبعدين لما يبقى قدان اهلها والناس ويتقال فسخت احسن ما يبقى من غير خطوبه ويقولوا سابوا بعض وياعالم ايه اللي كان بينهم وانت عارف الناس ما بتبطلش كلام .

نائر\ فؤش الجيل : كلامك جميل والله ويحترم ..

بس خلينا نشوف الناس هتقول اي