نــــــــــائر ونئيـــــــــــــــر ( انتظرونا في رمضان )

السلام عليكم ورحمة الله وبركاته









نــــــــــائر ونئيـــــــــــــــر

عندهم مواضيع كتيـــر

هيتناقشـــوا فيــها قدامكـم

وانتم معاهم مشـــــــاهديــــــــن

وبتعليقاتكم مشــــــاركيــــــن

همــا دايـــما مختلفين..

أصلهم نـــــــائر ونئيــــــــــــر

هايعرضولكم وجهة نظرهم من طريقين مختلفين

و أوعوا تكونوا مستغربيـــن


هدفهم في الاخر يوصلوا معلومه


لكن بطريــــــقة شويـــــة مجنونــــــــة


بس طريـــفة حبتـيــــــن


هيتكلموا في كل حاجـــة


في أي حاجة ، دنيـــا وديــــن


هاا مستعديــــن ؟؟؟


__________________________



A list of topics


الحلقة الاولى المستقبل ايه





انتظرونى

اعداد \ اميره الحب

اخراج اسماء دوت كوم

المشرف العام علي البرنامج

العفريته

هى الحلقه هتتذاع على قناه ايه
WAITNG


بس عاوزين ضرب نار للصبح الباكر

فكره جميله
وخاصه انها جى من مجموعه مع بعضها

والعمل دائما على تقدم المنتدى
نتمنى لكم التوفيق دائما

فكره كتير هايله وربنا يستر

فكرة بجد توووووحفة

تسلم اليور هاند يا هموسة

نايس يا جميل

ويتنج فور يوووو

مثبت

بسم الله الرحمن الرحيم

السلام عليكم ورحمه الله

مشاهدينا الكرام

اهلا بيكم

وكل عام وانتم بخير

وسنه سعيده عليكم يارب



[b]نــــــــــائر ونئيـــــــــــــــر

عندهم مواضيع كتيـــر
هيتناقشـــوا فيــها قدامكـم
وانتم معاهم مشـــــــاهديــــــــن
وبتعليقاتكم مشــــــاركيــــــن
[size=16]
همــا دايـــما مختلفين..
أصلهم نـــــــائر ونئيــــــــــــر

هايعرضولكم وجهة نظرهم من طريقين مختلفين
و أوعوا تكونوا مستغربيـــن

هدفهم في الاخر يوصلوا معلومه
لكن بطريــــــقة شويـــــة مجنونــــــــة
بس طريـــفة حبتـيــــــن

هيتكلموا في كل حاجـــة
في أي حاجة ، دنيـــا وديــــن

مستعديــــن ؟؟؟[اعداد \ اميره الحب

اخراج اسماء دوت كوم

المشرف العام علي البرنامج

العفريته

أول حلقات نــــــــــائر ونئيـــــــــــــــر
..........
المستقبل .. ايه
بين نائر ابوشريف
ونئير توتي محمود
1....
2....
3....

اكشن

نائر ابو شريف \ عارف ان الزمن غدار , و حاسس ان الحياة قلابه , و ان الدنيا يوم فوق ويوم تحت , اناكمان عارف وكلنا عارفين وكلنا حاسين . المهم هنعمل ايه ونتعامل ازاى هو ده المهم


نئير\ توتي محمود : اخيرا آخر سنة فى الجامعة هتبدأ الواحد نفسه يخلص من زمان بقى لنا زمان هنا .

نائر\ ابوشريف : و هتعمل ايه يعنى لو طلعت من هنا .

نئير\ توتي : ده انا بينتظرنى مستقبل باهر و حاسس كده انى هبقى حاجة كبيرة.

نائر \ ابو شريف : باهر جارنا اتخرج من سنتين و لسة قاعد على القهوة من ساعتها . ابقى قابلنى .

نئير \ توتي : معلش هو ظروفه صعبة شوية انما انا حاسس ان اللى جاى هيبقى أحسن من اللى فات .

نائر \ ابوشريف : ما هو باهر كان بيقولى نفس الكلام من سنتين .

نئير\ توتي : انت متشائم جدا و ده مش كويس تبدأ حياتك كده .لازم يكون فى قلبك شعاع نور ينورلك جسر الامل .

نائر\ ابوشريف : يا عم ارحمنى من الروايات اللى بتضيع فلوسك عليها دى و عيش الواقع و شوف الناس اللى حواليك عيشينه ازاى .

نئير\ توتي : انا عارف ان الفترة الماضية عاشت فيها البلاد فترة عصيبة انتشرت خلالها الرشوة والفساد و المحسوبية و ....

نائر\ ابوشريف (مقاطعا) : يا عم الملك خرج من زمان و سيبك من اللى فات اللى جاى اصلا انيل و اصعب و أو...

نئير\ توتي (مهاجما) : بس بس انت هتسودها فى وشى ليه ,المستقبل مضمون يعنى مضمون يعنى مضمون .يا بنى فى تغيرات حقيقية هتحصل فى مصر فى الفترة الجاية انت مش بتقرا جرايد ولا ايه .

نائر اوشريف : انا آخر خبر قريته كان انسحاب شركة الزبالة من الخدمة ؟!!

نئير \ توتي : يابنى ماعدناش محتاجينها لان البلد هتنضف لوحدها .

نائر\ ابوشريف : انا مش عارف اذا كان ده تفائل ولا سذاجة ؟؟؟

ما رأيكم دام فضلكم..
الي القاء في الحلقه الثانيه

ابن الدلتا


ودي
[b]باقي الحلقــــــات..

التي سيتم عرضها ان شاء الله

لاحقا
ــــــــــــــــــ

- [ندعوك للتسجيل في المنتدى أو التعريف بنفسك لمعاينة هذا الرابط] : انا صحتي زي الفل ... ضار جداً ويسبب الوفاة

- من العجايب اللي بنشوفها .. [ندعوك للتسجيل في المنتدى أو التعريف بنفسك لمعاينة هذا الرابط] فااااشل ولا عظيم؟؟

-[ندعوك للتسجيل في المنتدى أو التعريف بنفسك لمعاينة هذا الرابط] للراحة ولا لتنمية المهارات والشغل؟؟

- ده بومبون او شاى.... مش رشوه خالص

[ندعوك للتسجيل في المنتدى أو التعريف بنفسك لمعاينة هذا الرابط]

- هو [ندعوك للتسجيل في المنتدى أو التعريف بنفسك لمعاينة هذا الرابط] جيل تافه ؟؟

- [ندعوك للتسجيل في المنتدى أو التعريف بنفسك لمعاينة هذا الرابط]

[right][ندعوك للتسجيل في المنتدى أو التعريف بنفسك لمعاينة هذا الرابط]

.....

تابعونا

مع ابن الدلتا كله جديد في جديد

اعداد \ اميره الحب

اخراج اسماء دوت كوم

المشرف العام علي البرنامج

العفريته

[/right]
[/b]

طبعا كعادتك يااجمد منتدي
تختفي وتظهر بموضوع مش عادي
روعه بجد
بس تك كير يجيلك ياسماااء
__________________


۞رمضـــــــــــــــــــــــــــــان كـــــــــــــــــــريـــــــــــــــم۞

ولا احلى ولا اروع ولا اجمل من كدا
بدايه موفقه
بس انا مش قافل قوى كدا

هههههههههههههههههههههه

جميل وحلقه رائعه

في انتظار المزيد منك

برافو يا اميرة انتى كويسة اوى اوى اوى اوى وعقبال القط والفار

بدايه جميله
وحلقه حلوه
هنستنى الحلقات الجايه
لان الموضوع شكله هيسخن

الحلقه الثانيه

ضيوفنا النهارده الادمن وتوتي محمود

نائر هو توتي محمود

نئير الادمن


التدخين : انا صحتي زي الفل ... ضار جداً ويسبب الوفاة





نائر\ توتي : الواحد زهقان من الدنيا مفيش غير السجاير الواحد بيطلع فيها همه

نئير \ الادمن : دة كلام يا راجل علشان عندك مشاكل تنتحر

نائر \ توتي : انتحر مين ياعم انا قولت كدة

نئير\ الادمن : لما تشرب سجاير يبقه انت بنتحر انت ماشوفتش مكتوب ايه علي علبة السجاير التدخين ضار جداً بالصحة ويسبب وفاة شوفت في الدنيا منتج بيقول علي نفسه أنه يسبب وفاة وبرغم من كدة الناس بتشربه فين العقل ؟!

نائر \ توتي : ياعم سبها علي الله ايه الاعمار مكتوب عند ربنا

نئير \ الادمن : بس ربنا هيحاسبنا علي صحتنا وشبابنا وتعالي هنا قولي إزي تقف تكلم ربنا في الصلاة وتقرأ قران وأنت رائحتك سجاير ؟! دة الواحد المفروض يكون رائحته حلوة

نائر\ توتي: انا نفسي ابطلها بس حاسس أن الموضوع صعب عليه

نئير\ الادمن الموضوع لا هو صعب ولا حاجة كل ما في الامر إن الموضوع عايز منك إرادة وعزيمة ياعم روح مستشفي الامراض الصدرية شوف المرض اللي هناك واسالهم علي السجاير شوف هيقولوك ايه فكر في الفلوس اللي انت بتولع فيها بسجارة فكر في كلام المكتوب علي علبة السجاير كلة مع الاستعانة بربنا

نائر \ توتي : كل دة كلام كويس بس أنا عايز مساعدة علشان ممكن أبطلها وأرجع تاني

نئير \ الادمن : تابع موقع - بقوة إرادتي هاهزم سيجارتي - هما هيجبوا دكاترة هتكلم إزي تبطل تشرب سجاير بسهولة وهيكون في إستشارات طبية كمان

نائر \ توتي : انا من اللحظة ديه قررت أبطل شرب سجاير

نئير \ الادمن : ايوة كدة ياعم دوس علي سجارتك ... ارضي ربك


ما رأيكم دام فضلكم..
__________________

<SPAN class=Apple-style-span style="WORD-SPACING: 0px; FONT: medium 'Times New Roman'; TEXT-TRANSFORM: none; COLOR: rgb(0,0,0); TEXT-INDENT: 0px; WHITE-SPACE: normal; LETTER-SPACING: normal; BORDER-COLLAPSE: separate; orphans: 2; widows: 2; webkit-border-horizontal-spacing: 0px; webkit-border-vertical-spacing: 0px; webkit-text-decorations-in-effect: none; webkit-text-size-adjust: auto; webkit-text-stroke-width: 0px"><SPAN class=Apple-style-span style="FONT-WEIGHT: bold; FONT-SIZE: 15px; COLOR: rgb(72,64,6); FONT-FAMILY: arial, verdana, geneva, lucida, 'lucida grande', arial, helvetica, sans-serif">
<DIV align=center><FONT size=5><FONT color=#8b0000><SPAN style="FONT-SIZE: 21px; LINE-HEIGHT: normal"><IMG alt="" src="http://www.imageurlhost.com/images/9mm09m941tq1eiuv03xi.jpg" border=0></SPAN><BR><BR><SPAN style="FONT-SIZE: 21px; LINE-HEIGHT: normal">دا شعار البرنامج</SPAN><BR><BR><SPAN style="FONT-SIZE: 21px; LINE-HEIGHT: normal"><IMG alt="" src="http://www.imageurlhost.com/images/9mm09m941tq1eiuv03xi.jpg" border=0></SPAN></FONT></FONT></DIV>
<DIV align=center><FONT size=5><FONT color=#8b0000></FONT></FONT>&nbsp;</DIV>
<DIV align=center><FONT size=5><FONT color=#8b0000>جميلة جداااا ياسماء</FONT></FONT></DIV>
<DIV align=center><FONT color=#8b0000 size=5></FONT>&nbsp;</DIV>
<DIV align=center><FONT size=5><FONT color=#483d8b>وبتعبر عن الحياة اللي عيشينها<SPAN class=Apple-converted-space>&nbsp;</SPAN></FONT><BR><BR><FONT color=darkred>مبدع دايما</FONT><BR><BR><FONT color=darkslateblue>وفي الانتظار الباقي باذن الله</FONT></FONT></DIV>
<DIV>__________________</DIV></SPAN></SPAN>

جميل

جميل جدا

رائع

رائع جدا


حاجه كويسه

حاجه كويسه جدا

في انتظار الافضل

والافضل جدا

جميل جدا يا احلى اعضاء ابداع ماله حدود دمتم مبدعين

المواضيع كتير هايله وبجد دا الواقع بتاعنا ومشاكل بتمس حياتنا كلنا

اكتر الشباب عنده احباط وتشائم

غير مشكلة السجائر اللى بدمر مجتمعنا كل يوم عن يوم

بس كل ده بيكون ضعف نفوس وضعف ايمان وضعف ثقه بالنفس

ايه الجمال دا

مبدعين وابداعكم ليس له حدود

الحلقه الرابعه

من العجايب اللي بنشوفها .. نظام الامتحانات فااااشل ولا عظيم؟؟



ضيوفنا هم انجل تيرز \نائر

ساره \ نئير




نائر \ انجل تيرز : نظام الامتحانات فاشل

نئير\ ساره : أنت بتبدأ الكلام كده ليه؟

نائر\ انجل تيرز : لأنه فاشل

نئير\ ساره : لأ مش فاشل .. أنا شايفه معقول جدا

نائر \ انجل تيرز : أنت دايماً كده .. متفائهل لدرجة بتخليك مش بتشويف الغلط.

نئير\ ساره : وأنت متشائم لدرجة بتخليك بتشوف كل حاجة غلط.

نائر \ انجل تيرز : لأ يا نئير أنا مش متشائهم بس دي الحقيقة .. كل سنة نلاقي لخبطة وارتجال من أول جدول الامتحانات و ورق الامتحان ولجان الامتحان ومكان الامتحان و...

نئير \ ساره : حيلك .. حيلك .. إيه كل السواد اللي جواك ده .. أنا شايف إن إدارة الامتحانات في الجامعة كويسة جداً .. ومليش تعليق على كل ده.

نائر \ انجل تيرز : ليه أنت مشفتش اللي حصل في كلية تجارة .. نزلوا جدول الامتحانات وبعدين شالهو ونزلوا واحد تاني قبل الامتحانات بكام يوم

نئير\ ساره : أنت بتتكلمي عن كلية واحدة بس حصل فيها كده.

نائر \ انجل تيرز : أنا بتكلم عن سيستم .. عن نظام .. ليه جداول الامتحانات متبقاش محددة قبل الامتحانات بقترة طويلة .. زي مبارايات الدوري مثلاً يا أخي .. ولا بلاش دي .. يعني أنت بيعجبك الهيصة والدوشة اللي بتحصل جوة كل لجنة وفلان بيزعق وفلان رايح وفلان جاي ..

- بيعجبك توزيع أوراق الامتحانات متأخر ..
- بيعجبك الغلطات الإملائية أو في وضع الأسئلة اللي بتتصحح في آخر 10 دقايق في الامتحان ..
- بيعجبك الامتحانات التعجيزية .. أو الأسئلة التعجيزية .. اللي محدش يعرف يحلها .. ويرجعوا يقولوا حنلغي السؤال الفلاني .. حنضم درجة السؤال الفلاني على درجة السؤال العلاني..
- بيعجبك تأخير النتايج لأجل غير مسمى ..

نئير \ ساره : أنا شايفه إن دي حاجات عادية .. وأخطاء فردية .. مممكن تحصل في أي مكان

نائر \ انجل تيرز :أخطاء فردية؟؟!!!! .. حرام عليكي .. دي أمور بتحصل بقالها عشرات السنين .. من ساعة ما ما واعينا على الدنيا

نئير:\ ساره : ياستي بكرة الدنيا تتغيير .. مش في وزير تعليم جديد .. بكرة يحصل الجديد

نائر \ انجل تيرز : آه طبعاً أنتي حتقولي؟!! .. السيد/ أحمد زكي بدر .. أول من استخدم البلطجية في الجامعة .. الامتحانات بعد كده حتبقى بالمطاوي

نئير \ ساره : يا اختي بطل النظرة السوداوية دي

نائر \ انجل تيرز : ربنا يستر على التعليم وعلى البلد كلها


.......
__________________

مجهووووووووووود

رااائع في انتظار الافضل وكل مالديكم

الحلقه الرابعه





الأجازة للراحة ولا لتنمية المهارات والشغل؟؟

مع ضيوفنا
نائر \ فؤش الجيل

نئير \ ريد فلور

نائر \ فؤش الجيل : الواحد مش عارف يعمل أية فى الأجازة
نئير \ ريد فلور : لالالا عندك ... الأجازة دى عملنها للراحة وبس

نائر \ فؤش الجيل : لابجد .. يعنى تعلب وتخرج وتتفسح بس
نئير \ ريد فلور : طبعا

نائر \ فؤش الجيل : الأجازة دى ممكن تعمل فيها حاجات كتير كتير من الشباب يظن انها للراحة من المذاكرة ودة صحيح ولكن لازم أنك تاخد كورسات فيها أوتشتغل.
نئير \ ريد فلور : كورساااااات وأشتغل كمان أنت راجل طيب أوى

نائر فؤش الجيل: طيب تعالى كدة نحسبها مع بعض لو الواحد أخد أجازة 3 شهور كل سنة فى أربع سنين
يعنى 12 شهر ضايع كدة ويتخرج بقى يقول يلا بقى أخد كورسات لا حيكون عنده الوقت ولا الفلوس
لأن أهله حيكون خلاص صرفوا عليه ومنتظرينه يشتغل والضغط النفسي فى المرحلة دي
انه يدور على شغل كبير جدا ... فالأجازة للكورسات والشغل يا باشا

نئير ريد فلور : بص أنا ممكن أخد الكورسات دة فى الدراسة بعد الكلية فى الايام اللى مبتأخرش فيها فى الكلية أما الأجازة يعنى بحر يعنى روشنة يعنى خروج يعنى مصيف.

نائر \ فؤش الجيل : أنا مبقولش أنك مترفهش عن نفسك بس برضه أعمل حساب لبكرة
نئير = ريد فلور : يعنى أنت عايزينى أذاكر ليل نهار فى الدراسة وكمان فى الصيف عايزيني أذاكر مش ممكن طبعا.

أنتم رأيكم إيه في الموضوع ده؟؟

جميييييييييييل جدا

تسلموووووووووووووو

ياقمراااااااااااااااااااااااات

الله عليكوا
و انا والله طول عمري راي كدا
و علي راي الشاعر
اجري يا بني ادم جري الوحوش يا تلحق المكروباس يا متلحقوش
و انا لو قعدت في الاجازة حاطط ايدي علي خدي اجيب منين
و اصرف منين
و النعمه الناس دي بتقول كلام زي الفل

طبعا
لا بد من العمل
امال اقعد احط ايدى على خدى
واقول تفرج
لا مينفعش
لازم الواحد يشتغل

جميله الحلقه جداااااااا

الحلقه الخامسه

ده بومبون او شاى.... مش رشوه خالص

ضوفنا هم

نائر \ابوشريف

نئير \ كرومبو

نائر \ ابوشريف: ها ايه رايك يا معلم

نئير \ كرومبو: البدله هتاكل منك حته

نائر \ ابوشريف : طول عمرى شيك

نئير \ كرومبو : اهم حاجه انك تكون واثق من نفسك فى الانترفيو عشان تاخد الوظيفه

نائر \ ابوشريف : اكيد اكيد ... بقولك هاتلى الفلوس اللى فى الكمودينوا

نئير \ كرومبو : هتاخد معاك الانترفيوا كل الفلوس دى ليه؟؟؟

نائر \ ابوشريف : لزوم الشاى والبومبون

نئير\ كرومبو : هتجيب بمبون وشاى بالالاف؟؟؟

نائر \ ابوشريف : لا دى حاجه بسيطه كدا للمدير عشان اخد الوظيفه بسهوله

نئير \ كرومبو : رشوه

نائر \ ابوشريف : رشوة ايه يا عم... ايه الكلام الكبير ده ... دى اسمها شاى حلاوه بومبون

نئير \ كرومبو : لا دى كدا رشوه ولعن الله الراشى والمرتشى

نائر \ ابوشريف : اهو كتر القنوات الدينيه اللى انت ببتفرج عليها خليتك معقد

نئير \ كرومبو : يعنى انت عشان معاك تاخد مكان واحد غلبان معهوش

نائر \ ابوشريف : الحياه بقت ماشيه كدا يا صحبى ولو انا معملتش كدا غيرى هيعمل كده ...وليه اسيب الوظيفه لغيرى وانا قادر

نئير \ كرومبو : متخليش متاع الدنيا يلهيك عن اتباع اوامر ربنا وتعاليم دينا

نائر \ ابوشريف : انت مكبر المساله قوى....المهم بقى انا همشى عشان متاخر...ادعيلى

نئير \ كرومبو : ادعيلك....ربنا يهديك

تسلم ايدك يا اسماء ا مبدعه دايماً واسلوبك جميل
واحييكم على طرح نقط مهمه جداا فعلا المحسوبيه
والرشاوي هي مشكلة بلدنا فعلا
لاني في ناس بتتعب وتستحق انها تكون في مكان مرموق
بس للاسف مش معاها فلوس ومش معاها واسطه
وفي ناس لا تفقه شئ ولكن تستمتع بالواسطه والفلوس
فمن المنطقي ان اللي لا يفقه شئ هو اللي يكون في المنصب الكبير
وفي ناس ماشاء الله مش بتقبل على نفسها انها تتوظف عن طريق الرشاوي
تحب انها تتوظف لانها تستحق هذا المكان
ربنا يصلح حالنا اللهم اااامين
واسفه على الاطاله تسلم ايدك يا ياسماء

الحلقه السادسه






هى الحكومة عندها حق فى غلو الأسعار ولا لأ؟؟

هل الحكومة عندها حق فى زيادة الأسعار؟

نائر \ توتي : الحكومة عندها ميت طريقة تانية تجيب منها فلوس؟

نئير\ فؤش : لاحظ أن عدد السكان بيزيدوا ولازم الأسعار تزيد طبيعى؟

نائر\ توتي : بص .. الحكومة بتغلى الأسعار علشان تشغل الناس فى لقمة عيشهم علشان ينسوا السياسة واللى بيحصل فى البلد.

نئير\ فؤش : الحكومة عندها ألتزامات كتير لازم تقوم بيها وغير كدة الأسعار غليت فى العالم كله حتيجي علينا.

نائر \ توتي : الدليل على ان الحكومة بتغلى الأسعار لأسباب سياسية أن الحكومة بتعوض غلو الأسعار بزيادة المرتبات يعنى ولا كأنها عملت حاجة ولكن علشان تغلى الأسعار وزيادة المرتبات فتشغل الشعب بلقمة عشهم وعيشة عيالهم.

نئير \ فؤش : أنا لو شوفنا حنلاقى إن كل الحكومات غلت الأسعار مش مصر بس يعنى لو فى سرقة فى مصر مش حتكون كل الدول حرمية ولا أية؟؟

نائر \ توتي : تقدر تقول كل موارد البلد بتروح فين عندك قناة السويس والسياحة والضرائب بترووووووووووح فين كل الفلوس دى بتروح فين؟؟

نئير\ فؤش : احنا 80 مليون وتقول الفلوس بتروح فين أنت غريب أوى

دة كان رأى نائر ونئير، أنتم رأيكم أية؟؟؟

تسلموووووووووووووووو

جميل جدا

حلقات جميله

ياسماء

تسلمووووووووو

ميل جدا تسلم افكاركم

بجد انتم اضفتم للمنتدي الكثير والكثير

الحلقه السابعه





هو احنا جيل تافه ؟؟



الادمن نائر

فؤش الجيل نئير





نائر \ الادمن : أنا عاوز اكلمك يا نئير في موضوع من مواضيع النقد الذاتي

نئير \ فؤش الجيل : أزاي يعنيياعم المثقف ؟

نائر\ الادمن : أنا شايف اننا اتفه جيل جه البلد دي

نئير\ فؤش الجيل : ايه يا عم ؟؟ براحة علينا احنا ملنا يعني ما أحنا شباب زي الفل؟

نائر \ الادمن : لا انا حاسس ان الشباب اليومين دول تافه جداً

نئير\ فؤش الجيل : لا دي مشكلة الشباب على مر العصور من حاجة خاصة بالجيل ده يعني و بعدين بطل تردد كلام الأجيال اللي قبلينا دول بيقولوا كده عشان كان اللي اكبر منهم بيقولوا كده عليهم معقدين يعني ،نفض يا عم

نائر\ الادمن : خلينا نتكلم بموضوعية الشباب دلوقتي ثقافته محدودة جداً و ده في منهم في الجامعة و مبيعرفوش يكتبوا عربي كويس

نئير\ فؤش الجيل : بالعكس بقى الجيل ده أحسن من اللى قبله دلوقتي في مصر حوالى 12 مليون مستخدم انترنت معظمهم شباب يعني مستوى الثقافة في ارتفاع

نائر \ الادمن : انته بتشتغل نفسك ، اغلب الشباب بيدخلوا على النت عشان الشات و الفيس بوك و بيحملوا أغاني و افلام أو حتى بيدخلوا مواقع اباحية ده اللي اغلب الشباب بيعملوا ، ده ممكن يكون النت سبب تخلف الجيل ده

نئير \ فؤش الجيل : يا بني ده حال الشباب في اي وقت ، لما كنا صغيرين كان كل الشباب مثلاً بيلبس تشيريت اسود عليه صورة واحد أجنبي كنيش كده مش عارف اسمه ايه

نائر \ الادمن : يخرب بيت الجهل اللي انته فيه ، قصدك جيفارا؟!!

نئير \ فؤش الجيل : الله ينور عليك ، انا عاوز اقولك ان معظم الشباب اللى كانوا عاملينه البب بتاعهم مكنوش يعرفوا هوه مين

نائر \ الادمن : مع التحفظ ان يكون قدوة الشباب اي شخص مش نابع من تاريخنا و حضارتنا و اسلامنا ، بس لما يبقي جيفارا قدوتك انته متعرفش هوه مين بالظبط و عمل ايه لشعبه ، احسن بكتير لما يبقي قدوتك واحد زي نجم الجيل اللي انته عارف كويس هوه مين و ايه التفاهه اللي هوه فيها و انه هربان من التجنيد

نئير\ فؤش الجيل ؟ انته بتتكلم بسواد زي بتاع جرايد المعارضة، مش عيب ان الشباب يكون له اهتمامات كتير زي الفن و الرياضة ، قعد مع اي شاب و شوفه فاهم ازاي في الحاجات اللي بيحبها

نائر\ الادمن : المشكلة ان الشباب مبقاش بيتابع غير الكورة و اللي انته بتقول عليه فن ده فن هابط أو مش فن أصلاً الشباب حالته في الضياع

نئير \ فؤش الجيل : مفيش فايدة فيك مش ناوي تقلع النضارة السودة ابداً

مشكلتنا دايما الاجماع

اكيد طبعا فى شباب تافه ودى حاجه مفروغ منها
بس فيه بردو شباب مثقف
ومثال على كده المنتدى ده مثلا
لو بصيت هتلاقى فيه موضوعات كتير فيها افكار حلوه
وهتلاقى هنا ناس بتقول أراء كويسه
وفى ناس هنا أراءها بتعجبنى جدا

وده فى المنتدى ده بس وطبعا فى منتديات تانيه كتير جدا

وطبعا الفن والرياضه وخلافه ده ترفيه
وكل واحد فينا اكيد بجتهد فى شغله او فى دراسته
ونفسه انه يبقى حاجه كويسه فى المستقبل
بس الحياه طبعا مش كلها جد لازما يكون فيها شويه مرح
المرح ده طبعا فيه ناس بتقول عليها تفاهه

فبجد الجيل ده مظلوووووووم جدا
بالاجيال اللى قبله وهستعير جمله اتقالت فى فيلم ليله سقوط بغداد
انتو مسلمنا الرايه عامله كده (مايله يعنى) وعايزنا فى يوم و ليله تبقى كده (عاليه)

واخيرا انهى كلامى بحديث سيدنا النبى
"الخير في وفي أمتى إلى يوم الدين" قالها رسول الله صلى الله عليه وسلم منذ أكثر من 1400 عام وصدق رسول الله وما كان ينطق عن الهوى صلى الله عليه وسلم

وشكرا على الحلقه يا بنات
__________________

اكيد طبعا عندك حق يا اسراء
فى كل اللى قولتيه
بس برده الظروف اللى حوالينا ومجتمعنا ليه دور كبير جدا فى اللى بيحصل
واللى لسه هيحصل