جيرل ايجيبت مراقب عام
الابراج : عدد المساهمات : 1119 تاريخ الميلاد : 01/01/1991 تاريخ التسجيل : 09/06/2010 العمر : 33 الموقع : فى رعاية الله العمل/الترفيه : الكومبيوتروالركت
| موضوع: كل ما ببقي مدايقه بأقرأ المقال ده الأحد يوليو 17 2011, 04:45 | |
| إشتري علبة شوكولاتة مستوردة غالية و كلها.
إلعب لعبة مالعبتهاش من و إنت صغير.
إعرق و إنهج و حس إنك عايش.
إطفي نور أودتك شغل التكييف إسمع أكثر انشوده بتحبها واسرح فيها
بص لأهلك و عرفهم قد إيه بتحبهم.
بص للي تحتك و إعرف قيمة كل حاجة معاك.
بص للي فوقيك و إعرف إن رغبتك إنك تبقى زيهم هي اللي مدية طعم لحياتك.
إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..
روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..
في الشتا إنزل تحت البطانية و حط كوباية الشاي السخنة جمبك.. إبتسم و غمض عينيك و نام.
إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.
إعرف إنك كائن مهم و في كل لحظة بتغير إتجاه التاريخ.
بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”
سلم على واحد صاحبك و خدوا بالحضن.. و زود مدة الحضن ثانية زيادة
بص لبنت مغرورة و إضحك من جواك.
بدون سبب إبعت رسالة لأي حد بتحبه قوله حاجة حلوة.
إفتح شباك العربية و إطلع على طريق سريع خلي الهوا “يخبط في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.
إضربها جزمة.
خلى اللي يكره يكره و اللي يشتم يشتم وإعرف إنهم مضيعين وقتهم.
إتأكد إنك لو عارف إنك هتموت بكرة هتعمل نفس اللي بتعمله دلوقتي.
ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.
بطل خمرة و مخدرات.. و إتعلم إزاي تستمتع بحتى أوحش الحاجات حوليك.
أكسب نفسك و حب حد بيكرهك.
إكسب نفسك ثاني و حب حد بتكرهه.
إكسب نفسك ثاني و إنسى حد لسه بتحبه من غير ما تكرهه.
إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.
إنزل شجع مع الزملكاوية لما يكسبوا.. حتى لو إنت مش زملكاوي.
لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..
جرب أكلة جديدة في مطعم فخم.. ثمنها يخرب بيتك.. و روح و إنت مبسوط.
إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.
إفتكر قبل ما تنام كل الكلام الحلو اللي سمعت الناس بتقوله عنك.
كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.
كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.
شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.
فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب. ولازم ترضي ربك
جيب لنفسك هدية و إستنى لحد عيد ميلادك و إديها لنفسك.
جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجه غريبه إشرب مية كثير.
ماتغضبش مهما حصل.
أشكر كل الناس بسبب و من غير سبب.
لو حد إتريق عليك إضحك.. حتى لو من جواك بتضحك عليه.
لو حد شتمك حط ده في تانك البنزين بتاعك علشان يبقى طاقة تحركك لقدام.
لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاه
بص لإمبارح.. و شوف إتعلمت منه قد إيه..
حط لنفسك تختم القران في عشر ايام ونفذه خطتك وشوف هتحس بأيه مع اخر ايه هتقراها
خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحد في الدنيا يقدر يعرف إيه اللي هيحصل فيها..
إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح.. إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.
اصحي صلي الفجر حاضر وبص من البلكونه واستمتع بهوا الصبحيه
إتبسط.. و لو مش عايز تتبسط.. مش هتعرف تعكنن عليا. (منقول) | |
|
سكر هانم عضو جديد
عدد المساهمات : 31 تاريخ التسجيل : 05/07/2010
| موضوع: رد: كل ما ببقي مدايقه بأقرأ المقال ده الأحد يوليو 17 2011, 15:20 | |
| إنزل شجع مع الزملكاوية لما يكسبوا.. حتى لو إنت مش زملكاوي.
هههههههههههههههههه
جامده
| |
|
رومية مشرفة
الابراج : عدد المساهمات : 533 تاريخ الميلاد : 05/11/1991 تاريخ التسجيل : 25/04/2010 العمر : 32
| موضوع: رد: كل ما ببقي مدايقه بأقرأ المقال ده الأحد يوليو 17 2011, 23:01 | |
| | |
|