بعض الجمل اللى تحرق الدم

بصوا ياجماعه صلوا علي النبي اولا
عليه الصلاه والسلام
وانا بتمشي علي الفيس شفت
بعض الجمل اللي بتتقال لاخواتنا المنتقبات حبيت انقلها
مع العلم اني مش منتقبه بس اتمني وربنا يرزقنيه قريباا يارب العالمين
وانا مش نقلاه عشان نقول النقاب فرض او لا
انا لست اهلا اني اتكلم في امور فقهيه العلماء نفسهم اختلفوا فيها
يعني حد هيرد عليا دلوقتي ويقولي ع فكره النقاب فرض ودي الادله
وحد تاني هيرد ويقولي لا مش فرض ودي الادله
انا بفضل الله قرات كتير في الموضوع ده
وتوصلت لراي ارجو الله انه يكون صائب
بس مش ده هدفي من النقل
امال ايه؟؟
اول هدف اني حطيت نفسي مكان البنت دي
وقلت ياتري لما هسمع الكلام ده ايه اللي هيحصلي
ولقيت انه بيبقي جرح كبير جداا للبنت
فانا نفسي اقول لنفسي اولا
بلاش سخريه ولا تريقه ع حد طالما مش بياذيك
ثانيا اقول لاختي المنتقبه اثبتي
طالما انتي مقتنعه بيه اوعي تتهزري ولا تتاثري
انا نفسي اقول كلام كتير اوي في الموضوع ده
بس عايزه انقلكم الجمل
ودي بعضها
--------------------------------------------------
هم :كنتي ملكة (بوجه غاضب )ا
هي: وبقيت ايه؟؟؟ ^_^

هم: ضيعت نفسك
هي:متقلقوش ان شاء الله هلاقيها ^_^

هم: ايه الخيمة دي؟
هي: سبحان الله انا شيفاها شيك جدا (ده بجد والله )ا
ايه الناس الغريبه دي ^_^

ازاي مش شايفين شياكتها

هم:السلفيين غسلولك دماغك
هي : الحمد لله هي فعلا كانت محتاجه غسيل ^_^

(من يرد الله به خيرا يفقهه في الدين واسال الله ان يستعملنا قبل الموت)

هم: هتعنسي
هي: يعني هما اللي مش لابسينه معنسوش :)

وكمان الرزق بيد الله جل وعلا

هم : هبلغ عنك
هي: هتقوللهم ايه واحدة لابسه هدومها ؟ ^_^

(قل لن يصيبنا الا ما كتب الله لنا)ا

هم : دفنت نفسك
هي : طيب البقاء لله ^_^

هم : مين هيشوفك دلوقتي ويتقدم لك
هي : يعني اللي ماشيين بوشهم خلصوا خلاص وناقصني انا :)

هم: منتقبه ومهندسه او دكتورة او خريجه كليه ؟؟؟؟
هي: ايه الغريب يعني هو انا لابسه النقاب علي عقلي
ولا النقاب عامل عقد مع الغباوة ^_^

هم: بتتعلمي ليه لما انتي هتلبس نقاب؟؟
هي: لا اله الا الله هو ربنا امرنا اننا ننتقب ونبقي امهات جهل ^_^

ولا كل ما احتاج اتعلم اكتر اشيل شويه من ملابسي ^_^

واكبر حاجة تضحك لما طفل يشوفك ويقول يا مااااااماااااااااا ..هههههههه..تبقي عايزة تقولي ياواد يا....... الله يهديك
وفي نفس الوقت تلاقي طفل تاني امه منتقبه زيك شبطاااااااان فيكي ويطهك لحد ما تبقي في الوقت ده عايزة تقلعيه علشان يبعد عنك شويه ^_^

فعلا الاطفال علي ما يتربوا ويشوفوا
*************************

لما بقي يتقدم عريس غير ملتزم والمنتقبه ترفض ^_^

ماسااااااه طبعا

*************************
هم :مش كفاية انه رضي بيكي بنقابك ده
هي: ليه هو انا عامله عمله ^_^

هم: يعني ايه عيزاه ملتزم ماهو بيصلي اهو
هي: امال يعني هاخدو كافر ما طبيعي اقل حاجة يكون بيصلي :)

هم: خلاص يعني لازم لحيه وتقصير ثياب ايه الشكليات دي
هي: سبحااااان الله ماهو هو كمان مدور اهو علي منتقبه يعني لو اعتبرنا ان اللحيه شكليات يبقي النقاب شكليات هو كمان

هم : تنازلي شوية علشان المركب تمشي
هي: مركب ايه يا جماعه وتمشي ليه ما انا قاعده اهو ومرتاحة ^_^

وبعدين اشمعنا دي اللي هتنازل فيها علي اساس
انه كام الاوصاف ومفيهوش غير المشكله دي يعني ^_^

هم: حد لاقي راجل يرضي بالخيمة دي في الزمن ده
هي: الخيمة دي مش اي حد يفوز بيه ^_^

(حبة غرور كده لرفع المعنويات )ا
*************************
وعادي جدا كل الكلام ده ليه رد شرعي طبعا ممكن
كنت تردي بيه عليهم بس احيانا بيبقي السكوت افضل لان احيانا الناس مش
بتبقي عايز تقتنع فمينفعش معاهم غير الرد اللي فوق ده ^_^

دول ناس تاففه

ربنا يهدي الجميع

هما عاوين متبرجين

وخلاص

شكرااسماء

ربنا يسترها غلينا يارب

جزاكي الله خيرا

شكرا لمروركم العطر
نورتوووووووونى
فاني

» حوش اللى وقع منك ... نـــــداء لكل الأعضاء ( أدخل وحوش اللى وقع منك )
» اجمل الجمل
» اي الجمل هذه ستختار؟
» كيف تحرق همك قبل ان يحرقك ؟
» دعاء الانبياء للقارئ صلاح الجمل