اشمعنى انا؟؟؟؟؟؟

اشمعني انا؟؟

ساعات بيخطر ع بالنا كلمه اشمعني انا؟؟
اشمعني انا اللي ربنا لسه ماهدانيش؟؟
وصاحبي كان زيي بالظبط
اغاني وافلام وصحوبيات
دلوقتي ماشاء الله لحيته منوره وشه
وبقي داعيه في الجامعه وحامل هم الدين

طب اشمعني انا؟؟

صاحبتي كنا بنعمل كل حاجه زي بعض
خروجات وميكب ولبس
وهي لبست حجابها الشرعي وبتحفظ قران
ودروس في المسجد وبتعلم غيرها

طب اشمعني انا؟؟؟؟؟؟؟

انا اقولك اشمعني انت

قال تعالي(فمن يرد الله ان يهديه يشرح صدره للاسلام)

معني الكلام ده ان ربنا مش عايزني؟

خلاص بقي مش رايدلي الهدايه دلوقتي

(او تقول لو ان الله هداني لكنت من المتقين57 اوتقول حين تري العذاب لو ان
لي كره فاكون من المحسنين58 بلي قد جاءتك اياتي فكذبت بها واستكبرت وكنت
من الكافرين59

ماتقولش ربنا مش عايزني

قال رسول الله صلي الله عليه وسلم
لله افرح بتوبه عبده من احدكم سقط علي بعيره وقد اضله في ارض فلاه

يعني ايه معني الحديث؟؟

شفت لما يكون واحد تايه في الصحرا
ومعاه اكل وشرب وكل مستلزماته
فاجاه كل ده يضيع منه خلاص هيمووت وفاجاه يلاقي كل ده اد ايه هيبقي فرحان؟؟

ولله المثل الاعلي
ياااااااااااا شفت ربنا بيفرح بيك اد ايه

ربنا بيتوددلك وبيبعتلك رسايل كتير وانت مش فاهم
فاكر لما صاحبك قالك يلا الاذان اذن يلا نقوم نصلي وانت قلتله مش دلوقتي؟؟

فاكر لما كنت بتدور ع اغنيه في التليفزيون وجت قناه دينيه لشيخ رحت مغير ع طول؟؟

فاكر لما شيخ قابلك في الشارع وقالك تعالي احضر الدرس في المسجد وقلتله معلش انا مستعجل؟؟

كل دي رسايل من ربنا انه عايزك عايزك تروحله عايزك تذكره يبقي ماتقولش ربنا مش عايزني

لو مامتك زعلت منك وقفلت ع نفسها الباب هتمشي وتسيبها وتقول براحتها بقي
هي اللي مش عايزه تكلمني؟؟ لااا طبعا دي امي اللي تعبت عشاني كتير واكتر
حد بيحبني في الدنيا

ولله المثل الاعلي

انت ليه مش واقف ع بابه؟
ليه كل ماتسمع حاجه تفكرك بيه تسد
ودانك لانك خايف ضميرك يانبك

ربنا بينادي عليك كتير وانت اللي مش عايز تسمع ربنا بيتنزل كل يوم في الثلت الاخير من اليل وانت اللي مش عايز تستغفر

هااااااااا لسه برضه ماجل التوبه؟؟
لسه برده مش فرحان بصاحبك ونفسك تبقي زيه؟؟

يلااا ياشباب يلا نقوم وانا اولكم
نــصـــلي ركعتين قـــيـــام
ونستغفر ربنا دلوقتي
مش بعد ساعــه
مش بالــيــل
مش بكره

دلوقتي

ونقوله يارب احنا واقفين علي بابك
مش هنزهق ولا هنمل ابداااااا من الوقوف يارب احنا مهما بعدنا احنا عبيدك ومالناش غيرك

يااااااااااالله

بجد توبيك رائع

تسلم يمينك ياسماء

وفي انتظار المزيد من ابدعاتك

جزاكي الله خيرا احسنتي الكلام