ربنا يخليكى
موش مصدق نفسى ان الحلم بقى حقيقة
واللى فضلت عمرى أدور عليه دلوقتى بين ايدى حقيقة
خلاص قلبى صدق حب حاسه فيكى لما شافك قدام عينه
بحبك وربنا ليا يخليكى
بحبك وبكره تصدقينى
بكره هتعرفينى .. بكره هتعرفى الفرق بينى وبين غيرى
عارفه انتى ايه ؟
انتى قلبى .. نبضى .. روحى .. عمرى
اللى فات منى فى سنينى ؟
ندمان عليه ونفسى تعوضينى بيكى
ربنا يخليكى منك موش تحرمينى
ربنا يخليكى انا عايش اهو بين ايديكى
ربنا يخليكى هعمل كل اللى يرضيكى
موش عايز منك غير انك تحبينى زى مابحب فيكى
عارفه انتى ايه ؟
موش مجرد ايد لمستها
موش مجرد كلمة حب من شفايفى قولتها
ده احساس عشته ليكى
دموع نازله من عينى فرحانه بيكى
بدعى ربنا يخليكى عشان اعيش العمر كله ليكى
بدمى وبقلبى وروحى هدافع عن حبى ليكى
بكره جاى ولما يجيى حضنى باللى فيه بس ليكى
متغبيش وحياة حبى عن عينى
خليكى جنبى ونسينى .. امحى الخوف من قلبى وطمنينى
هفضل طول الوقت أدعيلك .. ربنا يخليكى
موضوع: ربنا يخلـــــــــــيكي 
الأربعاء مايو 04 2011, 18:43
