خد ياحماده تعالي اما اقولك ؟

خد يا حمادة تعالى اما اقولك

[ندعوك للتسجيل في المنتدى أو التعريف بنفسك لمعاينة هذا الرابط]

آآآآآآآآآآآآآآآه سناني يا نااااااااااااس

آآآآآآآآآآآآآآآآه الحقووووووووووونى

... دكتووووووووووور

الست الوالدة: حماده...مالك بتصوت ليه؟؟؟

أسكت باباك نايم

نايم ايه و بتاع ايه يا ست الحبايب

بقولك تعباااااااااااااااان

الست الوالدة حبت تعمل فيها دكتورة

و قالتلك : مش أنا قولتلك قبل كده مش تنام فى التكييف

أهو جالك برد أهوه

برد فى سناني يا ست الكل بردو ؟؟؟؟؟

يبقى من مشيك مع البنات طول الليل و النهار

بنات ؟؟؟؟

أيوة يا واد ... إش فهمك إنت فى الحاجات دى

طيب ابقى اكتبيلى يا حاجة روشتة مكتوب فيها...

ممنوع الاقتراب من البنات

يا حاجة ابوس ايدك حرام عليكى...بصى يا حاجة مش أنا ابنك؟؟

ايه يا واد اللطافة دى...لأ أنت مش ابنى أنت ضنايا

ماشى يا حاجة مقبولة منك

طيب نادى لى بس الدكتور اللى قدام شقتنا و مش عايز منك حاجة أكتر من كده

صعبت عليها كالعادة كشف عليك الدكتور

و قرر يديك مجموعة أدوية علشان تخف و قالك إمشى عليه ع طول و إلا ........

المهم أخدت الدوا لمدة يومين

حسيت بتحسن ... فبطلت الدوا

و فجأة تعبت تانى .. و نفس السناريو حصل ما بينك و ما بين الوالدة

و رجعت تانى تاخد الدوا

لأن هو الحل الوحيد اللى بيريحك

بس حضرتك بقى .. أما تخف تسيبه و أما تتعب ترجع له

نفس الكلام بيحصل معانا فى علاقتنا مع ربنا

كل أما نتعب نجرى عليه..لأنه هو الدوا

و فجأة أول أما الأمور تتظبط معانا...تنسى الدوا

تعرفوا إن دى مصيبة فى حد ذاتها ؟؟؟؟؟

أيوة مصيبة

إن علاقتك مع ربنا تتحول من علاقة ربانية بين العبد و ربه و تبقى علاقة مصالح

علاقة المصالح دى نقدر نسميها عليك أنت و صاحبك

أنتى و صاحبتك

انت و مديرك

كده يعنى

إنما علاقتك مع ربنا تتحول لعلاقة مصلحة؟؟؟

ده تهريج

أنا كنت قريت جملة حلوة اوى...من زمان

بتقول: اعرف الله فى الرخاء ... يعرفك فى الشدة

مش اعرف الله فى الشدة و بعدين كبر دماغك

ايه ده يعني ربنا ممكن يتخلى عنى ؟؟؟؟

أنا ماقولتش كده

بس لو إنت اتخليت

يبقى مفيش سبب يخلى ربنا يقف جنبك

من الآخر .. قدم السبت علشان تلاقى الحد

كن لله كما يريد يكن لك كما تريد

يلا كلنا من دلوقتي نقول

راجعلك يارب

بحبك يارب و منايا ترضى عنى

ومش هبعد عنك تاني يارب

منقووول