tottimahmoud نائب المدير
الابراج : عدد المساهمات : 1812 تاريخ الميلاد : 17/09/1990 تاريخ التسجيل : 07/01/2010 العمر : 33 الموقع : totti_lbn2000@yahoo.com العمل/الترفيه : طالب
| موضوع: حتى ابليس هاجر الأربعاء أبريل 06 2011, 21:32 | |
| حتى ابليس هاجر *على باب سفارة كندا.. لمحت ابليس و ف ايده استماره..** بقول له على فين.. قاللي بص .. يا هجره يا اعاره... يا عم زهقت.. كفرت .. الاقيش معاك سيجاره.. انا انتهيت خلاص .. لا نافع وسواس ولا خناس ولا ليا عيش وسط الناس.. دي عالم مجرمين.. عندكوا فائض ف الفساد... في كل البلاد.. ومش محتاجين شياطين .. مليش عيش ف دي البلاد.. بقالي سنين عاطل . و انتوا بتعرفوا تقلبوا الحق باطل.. و تسلكوا القاتل .. و تمشوا ف جنازة المقتول.. ومفيش مشاكل.. يا عم ده انا بقيت أوسوس بالمقلوب.. و أقول للحرامي .. كفايه بقى .. توووووب.. انت ايه . لوحدك هاتعمل كل الذنوب.. و أنا ابليس أشتغل واعظ ... ولا كمساري فى اتوبيس.. يا عم ده انا زمان كنت استنى حد ينسى يسمي وهو بياكل لقمته.. دلوقتي كل اكلكم ملوث .. و بصرا حه الواحد خايف على صحته.. ده مفيش ضمير اساساً عشان اموته.. و كل واحد بمزاجه .. خربانه ذمته.. يا عم ده كل حاجه اتسرقت.. وكده الاجيال الجديده من الحراميه اتظلمت.. يا راجل ده من كتر ما لطشت معايا.. خرجت ف مظاهره مع الناس اللي بتقول كفايه.. و برضه ......... مفيش فايده
| |
|
احلام فتاه عضو جديد
الابراج : عدد المساهمات : 5 تاريخ الميلاد : 27/11/1991 تاريخ التسجيل : 22/11/2010 العمر : 32
| موضوع: رد: حتى ابليس هاجر الأربعاء أبريل 06 2011, 21:34 | |
| ههههههههه
ايه التشاؤم دا
ياتوتي
تسلم ياجميل | |
|
محمد طاهر Admin
الابراج : عدد المساهمات : 1936 تاريخ الميلاد : 25/09/1977 تاريخ التسجيل : 04/12/2009 العمر : 46 الموقع : https://ibneldelta.ahlamontada.com العمل/الترفيه : الانترنت
| موضوع: رد: حتى ابليس هاجر الخميس أبريل 07 2011, 10:03 | |
| نايس توبيك تسلم يامحمود | |
|