كلمه لمن يظن نفسه كبيرا

يا صحبي خلي الكلمه عنوانك
المعنى من الكلمه والمضمون هو عنوانك
كل كلمه وليها معني
معني يدي دمعه
ومعني يدي بسمه
وكل معني بيكون اساسه كلمه
وياصاحبي لو فاكر نفسك كبير فالكبير
كبير بافعاله مش بسلطه وجاه ونفوز ماله
**
يا اللي
ربنا اداك عقل ولسان تقول بيه كلمه
احفظها في قلبك وخلي عندك زمة
وقول الكلام بميزان
لأني بيه تقدر تلم وتجمع شمل الأمة
لمه تقف بكل همه في وش اللي
ال يجور علي صاحب الكلمه
**
وابعد عن التحريف وقول كلام يامه
واوعي تلبس الكلمه عمامه
خليك حر في كلامك صاحب راي ومشوره
وتكون الكلمه الحسنه عنوانك
**
يا صحبي
خلي الكلمه
سلام زي هدؤ البحر
وفي القهر والاستهتار بالراي
تبقي موج عالي
زي غضبة البحر
وأحفر بالكلام علي الصخر
واياك تقول الطريق صعب
ده فيه
كلام من بواخته خساره فيه الرد
وكلام صاحبه دايما بيكون مليان نعر
**
ويا صاحبي
ما يكونشي الكلام للهجص
كله رقص وغنا وبس
وساعت الجد اللسان ينقص

**
يا صاحبي
خلي كلامك صوته عالي
تفر منه التعالب والديابه
ماهو لو قفلت علي الكلام
بابك ها يبقى المر زادك
والصبر و الحنضل هما شرابك
اقولك الحق انت اللي بتجيبه
لنفسك وفاكر اني الناس ممكن تهابك
**
يا صاحبي خلي كلامك
نور يشق العتمه في الضلمه
ليه عند شهادة الحق
تلاقي لسانك سكت وقال لا
ده افضلي اروح للشنق
وما يسكت لساني عن قول الحق
**
ولو لقيت مظلوم في محنه
اجعل في كلامك نغمه
نغمة ناقوس بيدق
هي
نبض لكل قلب رق
للمظلوم
وقرر يقول الحق
**
ويا اخواتي واصحابي
رب العباد ماخلق الكلام
للهجس والقر والنق والنعر
ده اتخلق للسلام
والحب وقول الحق
فاهمين ياناس
ولا نعيدو من تاني

**
يا اللي
ربنا اداك عقل ولسان تقول بيه كلمه
احفظها في قلبك وخلي عندك زمة
وقول الكلام بميزان

يارب يكون ده الصح والكل يعمل بيه

» ومن منا لايعرف نفسه
» اهزم الحب بالحب نفسه..
» برنامج يسحب السرعه من مزود الخدمه نفسه
» فضفضه بعد كلمه وداع
» كلمه بحبـــــــــــــــك