سي فلفل وست فلفله

سي فلفل وست فلفله

في حوراتهم كل يوم هتعيشو
كل يوم مشكله جديده
في حياتهم الزوجيه السعيده
قولولنا مين الغلطان
وايه الصح ياجدعان
ايامانا كلها جنان
دا جواز ؟ ولا مرستان
ياما نفسي ارجع للخطوبه
وقتها كانت هدومي مفروده
وكنت في الهوي هايص
وهيه كانت اموره
مهتميه بنفسها وغندوره
دلوقتي في الجواز لايص






السلام عليكم و رحمة الله و بركاته
فى تانى تعاون بينى و بين فلفله

احنا اصدقاء

فكرة يارب تعجبكوا

سى فلفل و الست فلفله

كل فترة هنعرض مشكله

ما بين
سى فلفل و الست فلفله

و انتوا هتكونوا الحكم بينا

مين فينا الى غلطان ؟؟؟

و الغلط كان فين ؟؟؟

و ياترى ايه حل المشكله ؟؟؟

و تحطوا كمان عقاب للى غلطان ؟؟

ياريت تكون الفكرة وضحت و عجبتكوا

و دلوقتى منتظرين رايكوا فى الفكرة

و انتظروا اول مشكله قريبا ان شاء الله


ودا علشان نحل نعرف ايه المشاكل الزوجيه ونحاول نحلها

ارجو موافقه الاداره علي الموضوع

فكره حلوه
بس كدا هنكره الناس فى الجواز
هههههههههههههههههههههههههههه
بالعكس لازم يعرفوا ايه الغلط الى بيحصل علشان يتجنبوه
وينجحوا فى حياتهم
فكره جميله ويا ريت تستمر

نايس جدا

تسلموووووووووووووووووووو

شكرا لطاقم الاداره باكمله علي الموافقه

وشكرا ليكم ياحلي اعضاء

المشكله الاولى ( عايزة اشتغل)

سى فلفل راجع من شغله تعبان كالعاده

سى فلفل : السلام عليكم
الست فلفله : انت جيت
سى فلفل :لامجتش لسه بره وبعت العفريت بتاعي ..
قصره هناكل ايه في يومنا دا؟
الست فلفله :يامامى خوفت .. ماعملتش اكل النهاردة اطلبلك دليفرى
سى فلفل :يعني لاشغل ولا وراكي اي حاجه وكمان هاكل دليفري امال قاعده بتعملي ايه؟!
الست فلفله :كنت بتفرج على الفيلم و الوقت جرى منى اطلبك اى حاجة كلها مش شغلانه يعنى
سى فلفل :فيلم !!! صبرني يارب .. زي ماقال ابو الليف دول مجانين
الست فلفله :مجنونه ليه شايفنى بشد فى شعرى ولا بهوهو ولا بنونو
سى فلفل :قصره هبعت البواب يجيب كشري عايزه علبه بكام ؟
الست فلفله :مش عايزة هتطلب المحمر و المشمر ياخى انا عامله ريجيم
سى فلفل :وراث انا ؟ يعني المفروض يبقي في دم قاعده في البيت ومبتعمليش حاجه وانا شغال اليوم كله وكمان ادفع فلوس عايزه جيبي علي حسابك ياختي انا اخري الكشري
الست فلفله :ما قولتلك 100 مرة انا عايزة اشتغل و انت الى مش موافق اتحمل بقى
سى فلفل : ايوه قليلي كده وفهميني لوي دراع يعني عشان تشتغلي انا قلت مفيش شغل يعني مفيش شغل
الست فلفله :هو ايه الى لوى دراع و ايه الى مافيش شغل هى اسطوانه و خلاص.. نفسى اعرف انت ليه مش موافق انى اشتغل ؟؟ بتغير عليا ولا ايه ؟؟
سى فلفل :تشتغلي ازاي يعني ؟ عايزه تخرجي كل يوم برا 8 سعات تقعدي مع راجل لوحدك في مكتب واتقرطس انا
الست فلفله :هو انا لازم اشتغل مع راجل فى مكتب و ليه ماتكونش ست اعترف.. انك بتغير عليا
سى فلفل :اغير ايه يابنتي ؟ انتي فاكره نفسك زي الخطوبه وبعدين افرضي الي اتشغلتي معاه رجال الاختلاط اصلا حرام
الست فلفله :و انت لما بتقضى طول اليوم برة مع ستات فى مكتب واحد دة مش اختلاط و مش حرام ..و بعدين ايه الى فاكرة نفسك فى ايام الخطوبه دى ؟؟
سى فلفل:قصره انا قلت مفيش شغل يعني مفيش شغل انتي عايزه كمان تناقشيني ! انتي شغلك بيتك و ولادك الي هيجو
الست فلفله :طب انا بقعد طول اليوم لوحدى و بزهق و بمل و حفظت التليفزيون و كرهت كل المجلات و فى الاخر كمان عايز تأكلنى كشرى.. انا لو اشتغلت ظروفنا كلها تتحسن قولت ايه ؟؟
سى فلفل :انا كلمه قولتها و خلاص و مش عايز نتناقش تانى فى الموضوع دة مافيش شغل يعنى مافيش شغل





المشكله اهه قدامكوا

ها ياتى مين الى غلطان ؟؟

و الغلط فين ؟؟

و ايه حل المشكله ؟؟

و ايه العقاب الى هتنزله على الى غلطان ؟؟

فى انتظار حكموكوا

كما يقال
الجواب واضح من عنوانه
مشكله كبيره فعلا
بس من الواضح ان الست فلفلهمش نافعه فى اى حاجه خالص
حتى لو اشتغلت وده باين من المنظر العام
ممكنتفكروا ان ضد شغل المراءه بالعكس
بس لازم الاول بموافقة جوزها وانه ما يكونش على حساب بيتها واسرتها

ابو شريف كتب:

كما يقال
الجواب واضح من عنوانه
مشكله كبيره فعلا
بس من الواضح ان الست فلفلهمش نافعه فى اى حاجه خالص
حتى لو اشتغلت وده باين من المنظر العام
ممكنتفكروا ان ضد شغل المراءه بالعكس
بس لازم الاول بموافقة جوزها وانه ما يكونش على حساب بيتها واسرتها

صحيح كلامك

نورتني

هههههههههههههههههههه هايل بجد اللى بتققدموه ويارب دائما للافضل

انا رأى ان كانت ظروف المعيشه مش مساعده للدرجه دى

فى الحاله دى مفيش مانع انها تساعده وتشتغل بس اذا كانت هى مش قادره تعمله

اكل يبقى هتقدر تشتغل لازم فلفله تتغير طبعا

حلوه اووووووووووووووووي الفكره دي ومشكله جامده
وانا مع محمد في رايه لان بدل الزوج مش عايز مراته تشتغل خلاص وبدل قادر يعشها كويس ومخليها مش محتاجه حاجه يبقي لزمته ايه الشغل
الاهم بيتها وعيلها تربيهم وتحسن تربيتهم احسن بكتير من انها تشتغل وتتقلد مناصب ومهما كانت هذه المناصب دا رايي قد نختلف وقد نتفق
ولكن في النهايه الاختلاف في الراي لا يفسد للود قضيه

انا معاكم ان طالما ظروفه الماديه تسمح ملهوش لازمه الشغل

واهم حاجه البيت لازم يكون له الاولويه