اكيد هيجيلكوا صداع من الكلام دا

[size=21]بسم الله الرحمن الرحيم

معلش يا جماعة انا عايزة اصدعكم شوية فى الموضوع ده

نفسى اعرف اللى يفكر فى حجات زى انا كدة:

1/ مشكلة المياه والخطورة العالمية اللى هنكون فيها
بعد 20 او 30 سنة بيقولوا مصر مش هيكون فيها مية نهائى
اثيوبيا عملت سد بيحجز كام مليار متر مكعب من المية واحنا واقفين نتفرج
وعمالين نهدر فى المية شمال ويمين
لا والانيل كمان اننا بنلوث المية الموجودة .. ده تخلف بعيد عن السامعين

2/ طوابير العيش .. والخناقات الللى بيموت فيه كتير عشان رغيف عيش
كليان مسامير وقش وخشب وتراب ورمل ودبان .. حد يقولى كمان 50 سنة ايه اللى
هيحصل .. هيبقى العيش ده كارثة .. ممكن نموت من الجوع
لا وشوف الناس اللى هيدخلوا النار حتف .. يروحوا يشتروا 20 او 30 رغيف
ليه هو والعائلة 5 او 10 وينشف الباقى ويرميه للخرفان اللى عنده

3/ العشوئيات .. هم اللى عايشين فيها دول مصريين ولا يهود
ولا يمكن كفرة .. ده حتى لو كفرة لازم نشوف ليهم حل .. الناس دى
عايشة تحت خط الصفر بمليون مرحلة .. احمد ربك انك لاقى لقمة تكلها وسريرتنام عليه
واحنا كمان بنيجى عليهم وعايزين نهدم العشوائيات دى على اللى فيها .. ده عدم الوعى بواقع الحياة

4/ الناس اللى عايشة فى قصور وكل يوم حفلات ورقص
نسيوا ان فيه غلابة نص عشاهم نوم وفيه ناس عشاها كله نوم
ده لو كل 5 رجال اعمال من اللى معاهم مليارت استلموا محافظة من محافظات
مصر هنبقى احلى دولة فى العالم والله .. لكن رجال الاعمال ما شاء الله
نازلين مص فى دم الغلابة وخلاص

5/ الشباب التافه اللى حياته بقت هيلبس ايه وياكل ايه
وهيدخل فيلم ايه .. والسجاير بتاعته نوعها ايه , والكليب ده حلو وده وحش
والاغانى الهابطة .. بالشباب دول اضمنوا اننا هنرجع 100 سنة وغيرنا يسبقنا ب 100 سنة تانية , ده شباب يودى السجن

6/ازاى هتتجوز .. الشبكة .. المهر .. الفرح
الهدايا .. العزومات .. الخروجات .. الفساتين
مفيش حد بيرحم .. اهل العروسة بيدبحوا العريس , بيتفقوا ان العريس
لازم يكون ملك عشان يتجوز بنتهم .. بس يتبقى ملك ازاى
هو انت اصلا لقيت شغل
( وبيسألوا ليه الحرامية بيكتروا فى البلد )

7/لما يكون التعليم فى الحضيض والطلبة فى المدارس مش فاهمين
حاجة ومن كام يوم برنامج القاهرة اليوم يجيب ناس فى التليفزيون فى اعدادى وفى شمال سينا .. مش عارفين يستهجوا كلمة جمهورية ولا كليمة سيناء ولا عارفين حتى يستهجوا اسميهم وفى اعدادى .. يبقى احنا فى الهاوية

8/ لما العلاج يبقى ملوث والمستشفيات تبقى قبور
والمجان يبقى بالفلوس .. والدكاترة مش فاضيين كل واحد فى العيادة
اللى بتجيب الفلوس .. والمستشفيات تبقى مليانة قطط وكلاب
ودبان لدرجة ان العيان بيتمنى انه يموت عن دخول المستشفى الحكومى

9/ عايز تشتغل هات واسطة .. عايز تركب هات واسطة
عايز تسافر هات واسطة .. عايز تتعلم هات واسطة
عايز تنجح هات واسطة .. عايز تتعالج هات واسطة
عايز توصل لازم واسطة .................................
انا خايف ندخل الحمام بعد كده بواسطة

10/ البنات بقوا شياطين .. بقى فيه بنات خارجين عن النص نهائى
ومش عارف فين اهليهم .. الواحد كل يوم بيشوف مناظر
سبحان الله .. والله انا لو شوفت بنتى _ فى المستقبل يعنى _
خارجة قدامى بابيض واحمر واديها عليها التاتو ووشها مش عارف ايه
والمحزق والملزق والله اهون عليا ادبحها من انا اللى رايح واللى جاى يتفرج عليها
ومش عارف البنات اللى زى كده مش بيتكسفوا .. ولا هم عشان شياطين بيتبسطوا

[size=21]اكيد لو فكرت فى ده كله لازم يجيلك صداع

[/size][/size]صح انتم معايا ولا كلامى غلط

كلامك صح جدا
بس معتش حد بيفكر فيه عشان زى ماقولتى الصداع ربنا يتولانا برحمته
مفيش فى ادينا غير الدعاء ربنا يرحمنا
شكرا لطرحك المشاكل المهمه دى ويارب تنصلح الاحوال

» صوم بلا صداع
» حينما يعز الكلام
» زمن يصعب فيه الكلام
» ملعقه عسل علي الكلام
» رش السكر علي الكلام