أحمر علي أبوه يا بطيخ...((بيقول ايه الراجل ده؟))
يعني لما يكون السبب في زياده الاسعار الاستهلاكيه وزياده الاسعار عموما في بلدي هو ان لازم كلنا نقلل الضغط علي مترو الانفاق لان بصرااحه كده الواحد زهق من كتر مالاهلي خد الدوري وبيكسب الزمالك مهي دنيااا انا معاااكوا بس مش لدرجه ان حتي خله السنان متقومش بواجبها معايا..ويطلع واحد يقولك العيب مش في الخله يا حبيب ماما انت اللي كترت من الشات وبالتالي ده ضيع كتير من وقتك فمقدرتش ماما تطبخ النهارده ..مش علشان مفيش اكل ..نتؤنتؤنتؤ السبب كله في جاارتك ام نيااظي والريس لما يطلع يقول مش هنقبل ان مصري يتهاان بره بلده وفي نفس اللحظه مجموعه من المصريين في اااان وااحد بيااخدوا قفااا حكومه ((بس مش حكومه بلدك ))نتؤنتؤ ده سبب رئيسي في بياض غسيلك يا ام مدحت ..ومين قال ان الزيت غلي في ظل ان الحكومه تبذل كل ما في وسعها لتأمين السد العالي ومش غلطته انه مضي لفريق اجنبي مالراجل عايز يأمن مستقبله ..وفي لحظه البلديه في الشارع وبتاع الفجل بيسبق بتاع الكارينا ودي يا جماااعه اكيد عيبها في الحر علشان كده بيطلع كل يوم وااحد ويقول ((متقلقوش الوضع مسيطرين عليه))
طبعا محدش فااااااهم حااجه بس ده يا جمااعه معني بلدنا وحكوومه بلدنا..وهي دي مبررات حكومتنا ونظامنا الديموقراطي الجميل وشعارهم ((احمر علي ابوه يا بطيخ))
وطبعا كلمه ديموقراطيه هنا مش بمعنااها الطبيعي في بلدنا ..لا هنا معناااها
((قووول اللي انت عاايزه...وهنعمل اللي احنا عايزينه!!!!))
بعدها تلاقي مظاهرااات وبلدنا بلد ديموقراطي..وبلدنا بلد ديموقراطي...دج دج طخ طخ((مؤثرات صوتيه))
اي مشكله نقابلها وبتحصل في البلد دي تلاقي رسااله للشعب من الحكومه مضمونها كل اللي قولناه فووق ده((احمر علي ابوه يابطيخ))
وابقي قابلني لو حد فهم اسبااب الغلاء؟ او اسباب الوباء؟ او اسباب البطاله؟او اسبااااب.......الخ
وأحمر علي ابوه يا بطيخ يا((بلدي))
موضوع: احمر علي ابويا بطيخ 
الخميس سبتمبر 02 2010, 21:34
