وحياه ابوكـ يا خلف ترفع راسى لفوق ..

[b]
[size=21][b]اعتقد ان كلنا عارفين الجملة دى

" وحياة ابوك يا خلف ترفع راسي لفوق"

بتاعت فيلم "صعيدى فى الجامعة الامريكية "

لما خلف كان رايح الجامعة الامريكية
وابوه بيوصيه
انه يرفع راسه

ازاى ؟

* انه يذاكر كويس ويجتهد ويتفوق
علشان والده يفتخر بيه

* يكون سلوكه كويس علشان الناس
تدعى لوالده الى عمرهم ما شافوه
" بس هيدعوله لانه ربى ابنه كويس "

* بيوصيه مينساش عاداته وتقاليده وهو رايح لدنيا تانية وناس تانية

* بيوصيه يفتكر والده دايما فى اى موقف يتعرضله ويحسن التصرف
علشان يرفع راس ابوه لفوق

واهم حاجة انه يفتخر بوالده
ويعترف بفضله عليه

العجيب بقى

ان فى ناس فى زمنا ده بتستعر من اهاليها

لانهم مثلا فقرا ...
مش متعلمين .....
فلاحين....
مابيتكلموش انجليزى.. الخ

سبحان الله فعلا
مهو هو نفسه اللى

الي مش متعلم ده
هو اللى صرف عليك وكبرك وخلى ليك شأن بين الناس

الفقير ده
هو اللى بخل على نفسه علشان خاطرك

الفلاح ده
هو اللى فضلك على نفسه واستحمل حاجات كتير علشان يشوفك حاجة كبيرة

علمك علشان تقدر اللى عمله علشانك

تقوم انت اول لما تشم نفسك
تستعر منه

بجد شأنك عجيب

انت عارف ان والدك ده عظيم جدا
اه والله ...... مع انه فقير او غير متعلم
وانت نفسك دليل على عظمته دى
العظمة ليست بالغنى او بالمنصب
العظمة تكون بالافعال
وقد فعل الكثير .......

عارف انك لو استعريت منه

مع انك متعلم .... وهو جاهل
مع انك " دكتور او مهندس ".... وهو فلاح

بتتكلم سبع لغات ... وهو بيتكلم العامية

ف انت الى عار عليه

وعلى فكرة
لو رجعنا للمقولة اللى بدأنا بيها

"وحياة ابوك يا خلف [ندعوك للتسجيل في المنتدى أو التعريف بنفسك لمعاينة هذا الرابط]راسي لفوق"

لو صيغناها بالطريقة الصحيحة
هتبقى

" على فكرة يا خلف انا رفعت راسك فوق
وانت بقى هتعمل ايه ؟ "

بالنسبة لخلف
اعتقد انه رفع راس ابوه لفوق
وافتخر بيه قدام الناس كلها

ياترى احنا هنعمل ايه ...؟؟

[/b][/size]

[/b]

بجد كلام مهم جدااااااااااا

اية يا ريس انتا ناقل الفيلم بالضبط
انتا استاذ