واد يا دقدق واحد شاي ياض…وعندك واحد شاي للمعلم احمد عز وصلحة.
سأل القهوجي دقدق :هو لية احمد عز دةكل يوم هنا محدش قال لة ان دي قهوة وزراء بس.
دقدق: ونسبنا الحكومة يا ريس شلفة.
القهوجي : يعني اية ياض.
دقدق : خلاص قفل علي السيرة يا ريس شلفة المعلم احمد نظيف جة.
واد يا دقدق ..القهوة بتاعتي ياض وتعالي شوف المعلم احمد عز يشرب اية.
دقدق: حاضر يا سيد المعلمين .
المعلم نظيف : مالك يا عز مكشر لية .
احمد عز :بص يا عمونا شفلك حل في الصبيان بتوعك دول مش كل شوية يبصلنا في الكام مليار اللي بنكسبهم.
المعلم نظيف:اهداء بس وقلي اية اللي حصل.
احمد عز: مش عارف كل شوية المعلم رشيد يقولي قانون الاحتكار والمعلم مرعي يقولي الرسوم القضائية ومش عارف القيها منين ولا منين.
المعلم نظيف : استني انا حتصلك بيهم واجيبهم يصالحوك.
احمد عز: لا يا عم مش طايق اشوف خلقهم.
السلام عليكم اية يا معلمين شكلكم حتعملوا مصيبة.
المعلم نظيف: اهلا يا محي الدين، تعالي يا عم شوف اصحابك مزعلين الراجل مننا.
محي الدين: اية يا معلم عز مين اللي مزعلك قولي انا اخبطهولك رصية مليحة.
احمد نظيف: قدها وقدود يا حودة..بص يا عز يا حبيبي محمود دة بسترجلة خالص وبينفذ اي حاجة اقولهالة.
محي الدين: قولولي بس اية اللي حصل وليكم عليا اللي انتة عايزينة اعملة.
احمد عز: بص يا حودة الجماعة بتوعكم مش عاجبهم اني انجح واكسب وبيحاربوني في كل حتة.
محي الدين: يا عم بس تلاقيهم واخدين علي خاطرهم علشان معزمتهموش علي فرحك الجديد.
احمد عز : اة تصدق ..نسيت.
المعلم نظيف: ههههههه شفت يا عم الموضوع مش قر ولا حسد شقاوة مراهقة بس.
محي الدين: وبعدين بكرة نعملك خطة باستثمار جديد وتاخدلك تلاتين اربعين مناقصة وتعوض الكام جنية اللي ضاعة من المليارات بس متنساش صاحبك يا حلو.
المعلم نظيف : مش بقلك محمود دة تبعنا.
انا قلت اني هلقيك هنا يا معلم ..يا صباح الفل
احمد نظيف : اهلا يا فاروق يا حسني كنت مستنيك.
فاروق حسني : وانا كمان كنت عايزك.
المعلم نظيف: قولي هي اللوحات اللي لقيتوها بعد ما اتسرقت من القصر ينفع ترجع زي ما كانت.
فاروق حسني: انا ابو الفنون سيبني بس اشقلبها واشرمقها وارجعها فل الفل .
احمد عز: انا عايزلي لوحة يا عم نظيف.
المعلم نظيف: ومالة يا حبيبي خدهم ونعمل غيرهم .
وجاء صوت دوشة وزيطة وزمبليطة من اخر طريق المقهي فارمق الجميع النظر الي اتجاة الصوت الذي كان يرتفع.
المعلم نظيف: ما تجري يا محي تشوف اية اللي بيحصل.
محي الدين :متخدش في بالك يا معلم دة المعلم حبيب بيضرب واحد من صبيانة.
المعلم نظيف:اجري اندهلة.
محي الدين:فريرة.فرررررررررررررررررررررررررررررررر.
وجاء المعلم حبيب العادلي الي المقهي عابثا .
المعلم حبيب: يا ساتر مش عارف بيجبولي الاغبياء دول منين.
المعلم نظيف: اهداء بس اية اللي حصل يا معلم واللي انكسر يتصلح.
المعلم حبيب: بص يا معلم كل يوم حد يجي يشتكيلي ويرفع عليا قضايا حقوق انسان ومش عارف اية والسبب شوية الاغبياء دول.
محي الدين: هما السبب في اية بالظبط.
المعلم حبيب: كل يوم يضربة حد جوة الاقسام بتاعتنا ويطلعوة بعد كدة يروح يشتكينا.
انا ميت مرة اقولهم اللي يدخل جوة ميطلعش وان طلع يطلع اخرس علشان ميتكلمش او اعمي علشان ميوصلش او ميت علشان ميقرفناش كل شوية.
المعلم نظيف: يا نهار اسود ما هو كدة المصيبة حتبقي مصيبتين.
المعلم حبيب: لا يا معلم ما احنا بنعرف نتصرف نقول ان خناقة حصلت بينة وبين مشبوة تاني او انة اتعاطي مخدرات..بنعرف نسلكها..بس لما يطلع سليم تبقي مصيبة..
وجاء صوت المعلم يوسف غالي من الطرف الاخر للمقهي قائلا: ايوة واحنا بقي ندفع في التعويضات يا معلمين ما انتة مش حاسين بالمصيبة اللي انا فيها.
المعلم نظيف: اية يا غالي انت قاعد لوحدك .
غالي : معلش يا معلم كنت بحسب شوية حاجات كدة.
محي الدين: ايوة احسب حساباتك صح يا صاحبي احسن انا مزنوق زنقة سوداء.
غالي: اما انا يا معلمين جاتني شوية افكار كدة نقدر بيها نفلس البلاد والعباد.
المعلم نظيف : عارفك يا بطرس مصيبة ومش بيهمك حد بس اهم حاجة خلي بالك من عز دة حبيبنا.
غالي: في عيبية يا معلم بس قلة يفتح دماغة معاي.
وفجاة اندلق علي الموجودين جردل مية ساقعة وهما يا عيني ميتين من البرد فثار احمد نظيف علي مصدر الدلق وصاح منفجرا: اية يا عائشة مش تخلي بالك.
فاجابتة عائشة عبد الهادي :يلا ياض انتة وهو من هنا خربتة البلد واللي حيجي هنا تاني حجبلوا بتوع البيئة يلموة.
منقووووول
موضوع: علي قهوه احمد نظيف 
الأربعاء أغسطس 25 2010, 15:59