قصة غريبة ....

بلغنى ايها الملك السعيد ذو الرأى الرشيد
أن رجلا أحدب كان ضيفا على أحد كبار التجار.وجاءت زوجة التاجر وحشرت سمكة فى حلق الرجل الاحدب....
طبعا الاشواك وقفت فى حلقه ومات يلا بالسلامة ماعلينا
المهم تخلص التاجر وزوجته من الجثة
ازاى!!!!!!!!؟؟؟؟؟؟؟؟؟؟؟
القوها فى عيادة الطبيب
جاء الطبيب واصطدم بجثة الاحدب فمن ذكائه ظن انه هو اللى قتله
فيعمل ايه
طبعا زى ما غيره عمل
القاها فى بيت الخياط
ولان الخياط خياله واسع ظن انه لص هجم عليه وضربه مات
طبعا خاف وعمل زى اللى سبقوه والقاه فى بيت الحلاق
لالالالالالالالالالالا الحلاق معملش زيهم
راح للبوليس بنفسه
واعترف انه هو اللى قتله عشان ظن انه ضربه فمات
اتحكم على الحلاق بالاعدام
فى لحظة تنفيذ الحكم

الكل ضميره صحى
اصل الضمير ده بيبقى واخد منوم قوووووووى وبيصحى على الاوقات الحرجة ياسلااااااااااام عقبال ما كل ضمائر الناس كلها تصحى نشوفلها بقى مفوق مش منوم......ماعلينا
المهم
تقدم الخياط واعتفر انه هو اللى قتله ...فانتقل حبل المشنقة اليه
فعلم الطبيب...فطلع جدع واعترف انه هو اللى قتله
فعرف التاجر فقال لالالالالالالالالالالالالالا
دى زوجتى هى اللى قتلته
فإذ فجأة عررررررف الملك بالقصة
فاستدعاهم جميعا عشان يعرف ايه حكاية الناس دى الكل بيتسابق انه يعترف بانه القاتل بدل ما يهربوا
فعندما واجههم الملك .تقدم طبيب غريب ولمس عنق الرجل الاحدب فانتفض الرجل وقفزت السمكة من فمه وتنفس ونهض واقفا
فقاااااااال الملك
انها معجزة يجب ان تكتب بماء الذهب فى كل مكان ليتعظ بها الناس

طبعا دى القصة اللى حكيتها شهر زاد ونقلها كاتبنا انيس منصور فى كتابه
الحائط والدموع
وانا نقلتهلكم بطريقتى هنا
القصة فيها اسئلة كتير وممكن متكونش اصلا واضحة من الاول
لكن المعنى اللى طلع به استاذ انيس منصور
ان الناس اذا تسابقت فى حمل المسئولية ومتسابقوش فى انهم يهربوا منها
حدثت المعجزة
بس اللى عنده ضمير بس هو اللى يقدر يتحمل المسئولية ويعيش عشان ينصر الحق مهما كان التمن حتى لو التمن روحه
طبقوا القصة دى على واقعنا وشوفوا
بس فى كام سؤال جه على بالى وانا بقراها
ليه من الاول التاجر وزوجته معترفوش؟
ولا الضمير بيصحى بمزاجه؟
وليه الناس البريئة متكونش واثقة ن برائتها
زى الخياط والطبيب والحلاق؟
ولا اخطائنا احيانا ممكن تخلينا نتصور اننا ممكن نرتكب ما هو اكبر؟
ولا يمكن الناس البريئة بتخاف محدش يصدقها فبتحاول تهرب؟
مين الايام دى يستحق ان ربنا يكرمه بمعجزة؟
مش عارفه القصة عجبتنى وعايزة اسمع ارائكم

جمليله اوى القصه بجد تسلم ايدك وكتير مفيده ومهمه ممكن نستفاد منها

ميرسيه على مروركم اللى شرفنى

وعلى كلامكم الجميل

بتمنى ان كلنا نستفيد منها