الفاتحه علي قله الاصل.....!!!!

بسم الله الرحمن الرحيم
الفاتحة على قلة الأصل
-جايز ناس كتير تستغرب من عنوان الموضوع وتسأل هو فى حد بيقرا الفاتحه على قلة الأصل والنداله ؟؟!!
-أيوه فيه.....طب ازاى؟؟؟؟
-أقولكم....لما يكون ربنا
مديلك صاحب بيخاف عليك اكتر من نفسك... عمره ما بيتأخر عنك فى حاجه وهو
متعمد كده...لما بتيجى سيرتك وانته مش موجود بكلام كويس بيأكد وبيزود بكل
خير عنك....ولما بتيجى سيرتك بكلام مش كويس بيدافع عنك برجوله.....معاه كل
اسرارك وعمره ما فكر يفضحك...عارف معظم عيوبك وعمره ما فكر يجرحك..... لو
غلطته فى حقه بيسامحك وينسى فى ثانيه ولو غلط فى حقك وعاتبته عمره ما
يسيبك وانته زعلان منه......
-وهنلف وندور ليه عندنا
الرسول الكريم سدينا محمد عليه افضل الصلاة والسلام لما ربنا امره بالهجره
من مكه للمدينه اختار مين يكون رفيقه؟؟؟؟؟؟؟؟
اختار سيدنا ابو بكر الصديق رضى الله عنه صديقه...
طب ليه ما اخدش زوجته طيب وهى كانت مهدده بالقتل ولا اخد عمه او ابن عمه؟؟
وسيدنا ابو بكر كان مستعد يفدى الرسول الكريم عليه افضل الصلاة والسلام بروحه........ شوفوا أعظم مثال للوفاء للصديق والصداقه....
لكن ازاى؟؟؟؟؟؟؟؟ صداقة ايه يا عم ؟؟
انا اخد اللى انا عاوزه
منه وفكك بقى مصلحتى اهم وهو يولع بجاز .. اضحك فى وشه ليل نهار واتظاهر
بالوفاء ومن وراه لما حد يجيب سيرته بكلام مش كويس اضحك واكدب وازود كمان
ما هو المغفل مش موجود ..بس المغفل ده احسن واطهر واكبر وارجل من اى كلمه
فى حقه...
-ما
اقدرش انكر انى شخصيا قصرت فى حق ناس كتير وفى نفس الوقت عملت خاطر
واحترمت ناس مش اهل للأحترام والتقدير....... لكن ربنا شاهد عليا ان عمرى
ما اتخليت عن صاحب وانا عارف انه محتاجلى حتى لو عامل فيا ايه... لازم
وقتها افتكرله اى حاجه ان شالله لو حتى ابتسامه صغيره ابتسمها ليا فى يوم
من الأيام....وربنا وكيلى فى كل كلمه...
لانه له حق عليا ...
-ياريت يا جماعه لو فى حد
شايل من صاحبه حتى ولو هو غلطان يرمى الكبرياء المزيف والكبر وحب النفس
والغرور فى اول صفيحة زباله ..لان صدقنى هو اللى باقى ليك وانته اللى باقى
ليه مش حد تانى وكله فاهم قصدى كويس ولو حد مش فاهم كلامى يقولى وانا
اوضحله بالفم المليان...
اسف للأسلوب الموضوع لكن اللى بيحصل ده بقى دمه تقيل اوى وبايخ اوى اوى اوى........ .

معك كل الحق
يافؤش
بس فعلا في ناس
كتيييييييييييير
جدا خاينين بالذات
من اصدقائك
تبقي انت عطيلهم
المان والثقه
وهما بيطعنوك من وراك
تقبل جزيل شكري علي هذا الموضوع
الرائع