مرور الكرام 000

مرور الكرام

بنسمع كلمة مرور الكرام كتير اوي في حياتنا شبه يومي

فلان عدى عليك ( اه مر مرور الكرام ومشي)

يعني ايه مرور الكرام ؟؟

في حياتنا ناس كتير بتدخل وتخرج محدش بيستقر في حياتك او ياخد اقامة دائمة لانك عارف ان دا طبع الحياة ، ودي سنة كلنا عايشين فيها
بس لاسف احيانا بيكون مرور الكرام ع حساب نفسيتك واعصابك ... مين هما دول :-

الحبيب، الصديق، الجار،الوقت، والحب

:

الحب

لما بيمر عليك الحب مرور الكرام لازم تعرف ان لسة عايش ولسة في نفس بيخرج منك حتى لو مر مرور حسيتو في لحظة ومتكررش بس في الاخر لمسك حسسك بالحياة

من فينا مدقش الحب بابو بس ساب الباب موارب بسبب الدقة الاولى؟؟

:

الحبيب

مينفعش في تاريخ البشر ان يكون في حياتك حبيب هيمر عليك ويمشي مع ان الشكل دا موجود كتير ناس في حياتنا بنحبها وبنعشق تفاصيلها بس مش متواجدة باستمرار صورتنا معاها مش واضحة عشان اختارنا اننا نكون للمرور فقط وليس للسكن والسكنى
الحبيب اللي اتعودنا عليه في قصص الادب والشعر والحياة مبيمرش بس بيستقر، بس لو مر ولظروف ما مشي بدون رجعة فدا بيسيب جوانا حزن وعتاب مبينتهيش كل مانشوفو

لما الحبيب بيمر عليك مرور الكرام تعمل ايه بقلبك؟

:

الصديق

اقسى انواع المرور لان الصديق نبض للحياة يجدد معاك كل معاني الحياة والحب والتفاهم والصراحة والصدق واذا كل دا مشي مبتقدرش ترجعو تاني لان الصديق من بقي معك الى اخر عمرك ودفنك تحت التراب وتمنى ان يلقاك في جنة الله ...

كم منا مر في حياتها اصدقاء تركو اثارهم وغطاها غبار الوقت؟؟

:

الجار

احيانا يسكن قدامك او جنب منك جار ظريف لطيف وروحو حلوة ومجالسته كلها روح ، فاجاة يقرر ينقل لبيت ملك بعيد عن وبعيد عن مشاركتو ليك تفاصيل الحياة في الحي ويمشي وكل مايكن غيرو تفتكرو هو مش الجديد لانك اتعودت ع صوتو وع شكلو وع حياتك معاه ... مبتقدرش تعوضو بس هتقدر تفتكرو حتى لو مشفتوش

كم جار ليك لسة فاكرو مشي ومشفتوش ؟

:

اصعب انواع واشدهم واسهلهم ( الوقت )

الوقت لما بيمر عليك وانت مستفدتش منو باي حاجة مبيرجعش ولا بتقدر لا تعوضو ولا تستبدلو ... ولو استغليتو بحاجة مش مفيدة بردو بيضيع وترجع تدور وسط يومك ع وقت تاني يعوضك بس مفيش فايدة

كم من وقتك عدى عليك مرور الكرام وسابك محتار ازاي تقدر تنجز تاني؟؟

،

دي الاسئلة اكيد كلنا مرينا بيها وشغلتنا

الاهم من كل دا

هو اللي هيعدي عليك دلوقتي هيمر مرور كرام ولا لا؟؟

/

اعذرو شبخطتي

» اهلا باعضاء منتدانا الكرام