مقارنه بين الشباب والبنات

سلام عليكم
ايواااااااااا

مقارنة بين الولد والبنت بس فى اطار مختلف تماما
وتعالوا نشوف ونحكم

هنبدأ من أول الرأس .....!!

*** البنت ***

الادوات المستعملة

اغلى انواع الشامبوهات
اغلى وانقى انواع الكريمات والزيوت
الصبغة بشكل شبه دائم
البكر او السيشوار او المكوه او ما شابه ذلك
120 نوع من الكابات والطواقى البناتى
لو محجبة يبقى حوالى 3500 طرحة بمختلف الاشكال والالوان
حوالى 90 دبوس لربط التحجيبة بالشكل المطلوب
15 مرايا فى البيت عشان تشوف راسها من 15 زاوية مختلفة

*** الولد ***

صابون بأنواع واسامى غريبة اول مرة نشوفها فى حياتنا
جيل مثبت
كريم شعر من ابو 2.5
كاب شيكاغو بولز او نايك

الوجه

*** البنت ***

كريمات اساس
ايلاينار
ايشادو
ريميه
مسكرة
بودريرة
عدسات لاصقة
روج
كحل
رموش فى بعض الحالات
حلق فى ودنها قطره حوالى 25 سم
تحط حسنة فى المكان اللى هى عاوزاه ( سبحان الله )
فص فى احدى جوانب المناخير
كريمات تفتيح البشرة
اشياء تانية صعب ذكرها ( عيب شوية يعنى )

*** الولد ***

ماكينة الحلاقة
فرشة الحلاقة
كريم الحلاقة
الشابة
الكولونيا

الرقبة

*** البنت ***

مجموعة سلاسل من كل الاصناف والانواع
منهم سلسلة عليها حرف اسمها
سلسلة عليها حرف اسمها حبيبها او خطيبها او اى حد والسلام
سلسلة فيها قرن فلفل
سلسلة فيها كام لعبة كده يجوا بالف جنية
سلسلة فيها خرزة زرقا
وطبعا مش بتلبسهم كلهم على بعض

*** الولد ***

سلسلة جلد فيها جمجمة
سلسلة جلد فيها حرف العين ( بتاع عمرو دياب فى اكتر واحد بيحبك )
سلسلة فيها حرف اسمه بس المونيا
سلسلة فضة مفهاش حاجة
سلسلة فضة فيها حرفه وحرف البت بتاعته

الملابس

*** البنت ***

بادى تمنه حوالى 250 جنيه
فوقيه جاكيت تمنهة حوالى 1500 جنية
بنطلون تمنة حوالى 400 جنيه
حزام ع الوسط
جزمة ( سورى فى اللفظ ) كعب طوله متر وربع
شراب فيليه بحوالى 50 جنية
او جيبه طولها 11 سم ومفتوحة من ورا كمان
جاكيت ع الكمر
بادى ع الكمر ( يعنى الكمر ده بيتعب اوى والله )
فورير جلد تعلب ومش هقول تمنة عشان مانحرقش دمنا
جاكيت طويل اوى اوى لحد اخر القدم وممكن يبقى على شورت من تحت

*** الولد ***

اشيك قميص فى الوكالة بـ 25 جنيه
بنطلون باله ب 30 جنيه ساقط من ورا والبوكسر باين
بادى عليه صورة باتيستا او جلود بيرج
حزام فيه توكه بس وزنها حوالى 2 كيلو مع الرأفة
شراب فردة وفردة
جزمة ( سورى فى اللفظ ) لو فصلوها هدوم تلبسه لمدة عشرين سنة قدام
جاكت بزعبوط ويلبسه فى الصيف
يفتح خمس زراير من القميص ويقفل واحد بس
فانلة داخليه بالوان غريبة

الاكسسوارات

*** البنت ***

تاتو على الدراع
خاتم بفص لولى
انسيال ب 300 شكل ونوع ولون
خواتم باغ او زجاج باحجام للديناصورات فقط
اصغر موبايل فى العالم
ارق نغمات فى العالم
شنطة يد تقريبا كل يوم وحدة جديدة
ومحتويات الشنطة دى عبارة عن فلوس وموبايل ومكياج ومناديل و ... ( عيب بقى كفاية )
اجود انواع البرفانات

*** الولد ***

انسيال فضة فى ايدة
دبلة فضة بتاعة ( المدام ) اللى هى الموزّة بتاعته جابتهالة هدية
خاتم فى الصوباع الصغير بفص زجاج
مفتاحين متعلقين فى 4 كيلو جنزير
موبايل صينى ونغمات لليثى وشفيقة والدنيا خربانه والمولد الجديد
علبه السجاير والولاعة او الكبريت ( وطبعا السجاير لازم يكون فيها سجاير محشية )
الكوفية اللى بيلبسها فى الصيف ( سبحان الله بردو )
النضارة اللى واكلة نص وشة ( على راى محمد هنيدى )

مقارنه رائعه فعلا دا الموجود

كده برده يا توتي
كده تخلي شكلنا وحش ادام البنات
بس تسلم ايدك

يا فؤش اكيد مش بتنطبق على كله اكيد
فيه ناس بتخرج عن القاعده

الحقيقة هو ده اللي بيحصل

وهو ده الواقع

ربنا يصلح الحال

» مقارنه بين الرجل و المراه........!!!!!!!!!!
» اسرار عن الشباب ؟
» سؤال هام للشباب والبنات ؟
» عفة الشباب..درس مهم
» تخلص من حب الشباب