اشهر الكذبات اللى الراجل بيقولها للست .....!!!!!

اشهر الكذبات اللي الراجل بيقولها للست

الراجل في مصر اعتاد الكذب منذ طفولته ( يكذب على امه حتى يهرب من العقاب )

وفي بدايه اى علاقه بفتاه ( يكذب ويبالغ في مشاعره علشان يقربها منه )

يكذب على صديقته ( علشان يبدو متألقا امامها )يكذب على حبيبته ( علشان مايزعلهاش )

واذا اوقعته الظروف في بنت وحشه ( يكذب عليها علشان يخلع منها ) يكذب على خطيبته

علشان ( لو قالها الحقيقه مش هاتصدقه ) يكذب على مراته ( علشان يمشي المراكب السايره )

ومطولش عليكوا في الرغي بقي

اشهر الكدبات اللي بيقولها الراجل للست في مصر

1 _ دى مجرد صديقه ....( يقولها لما مراته تعكوشه بيكلم واحده تانيه )

2_ بصراحه انتى تستاهلى واحد احسن منى...
بيقولها الولد ( وعنيه في الارض وبيبقي عايز يبان بصوره المضحى اللى ممكن يسيب حبيبته لواحد يقدر يسعدها احسن منه ) وده طبعا علشان يصعب عليها وتسامحه

3_ المشكله عندى مش عندك.... انا مش حابب فكره الجواز
( يقولها الولد وهو جواه عارف انه ممكن يروح يتجوز واحده تانيه بكره )

4_ اهلي ضاغطين عليا علشان يجوزونى بنت خالتى ....
( تخيلهى انك ممكن تسمعى الكلام ده سنه 2009 .. يعنى ممكن يكون لسه في ولاد ابوه بيضغط عليهم علشان يتجوزوا واحده هما مش عايزينها .. شباب كول يا مان )
وطبعا بيقولها لما يكون عايز يخلع منك

5_ خلينا صحاب احسن...
( دى برده لما يكون الواد عمل عامله وعايز يخلع من البت دى ... او شافلوا واحد تانيه )

6_ علاقتنا مافيهاش كيميا....

7_ مش هاقدر اكمل معاكى لانى لاقيت الانسانه اللى كنت بادور عليها...

8_ انا مش قادر احبك زى مانتى بتحبينى اوى كده.....

9_ انا هاظلمك معايا لو قعدتك جنبى كده .. انا قدامى وقت كبير على اما اكون نفسي واعمل حاجه مهمه....
( دى كلها مواقف تدل على ان صحبك شافله شوفه تانيه )

10_ انا هاقفل دلوقتى علشان داخل على لجنه...

11_ معلش اصل الشحن فصل...

12_ كنت قافل الموبايل علشان كنت في meeting

13_ ماراديتش علشان كنت عند المدير...

14_ ماراديتش علشان كنت سايق...

15_ انا في الطريق بس الكوبرى واقف...

16_ ماكنتش قافله بس كنت في حته مفيهاش شبكه...

17_ لا والله انا كلمتك امبارح بس موبايلك كان مقفول....
( طبعا دى مواقف معناها ان صاحبك زهق منك ومن كلامك وعايز ياخد break منك او كان بيلعب بديله )

18_ واحد يتصل بيكى ويقولك .. لو سمحتى انا لاقيت ميسد من الرقم ده امبارح..
( واحد عايز يتعرف )

19_ قافل موبايلك ليه ؟ كنت في عزا.. عزا مين ؟ عزا واحد صاحبي في الشغل ...

20_ ماراديتش علشان كان عندى مكالمه وانتى دخلتى في الويتينج فمسمعتكيش...

21_ ولما يحب يقفل معاكى فجأه وانتى كلمتيه من رقم غريب علشان مهوش راضي يرد عليكى يقولك... معلش اصل الشحن هيخلص ولو فصل هاتصل بيكي ... تيت تيت تيت
وطبعا لا الشحن فصل ولا هو هيتصل بيكى

22_ عقلك اكتر حاجه عجبانى فيكى ( غالبا بيقولها لواحده لابسه نظاره )

23_ يا حبيبتى اعملى اللى انتى عايزاه... وغالبا بيكون اللى هي عايزاه .. ( نفسه اللى هو عايزه )

24_ على فكره انتى اكتر واحده فهمتينى يا حبيبتى (وغالبا بيكون قصده انها اكتر واحده عرف يضحك عليها ويلعب بديله من وراها )

25_ لسه جميله زى اول يوم شوفتك فيه ( غالبا بيكون متبوع بكارثه هو عملها )

26_ عمرى ماهزاعلك في حياتى ...

27_ انا مستعد اتجوزك حالا .. قومى بينا نتجوز دلوقتى ( من الاخر كده دى عزومه مراكبيه )
عايزه تكشفيه ( قوليلوا يالا بينا .. هتعرفى انه كداب ) .. خلاص يا حبيبتى نأجلها انهارده
اصل شكلها هتمطر

28_ لما بابص في عنيكي مبقدرش اكدب عليكى.. ( غالبا بيكون الكلام اللى جاى بعد كده كله كدب في كدب )

29_ عندك اجمل عنين في الدنيا....

30_ على فكره الاختلاف اللى بينا هوه اللى هيقربنا من بعض اكتر...

31_ حتى لو عندك 80 سنه .. هتفضلى جميله .. وهافضل احبك

32_ بينا حاجه حلوه مش عارف هيه ايه ....

33_ اما تلاقيه مركز مع شاكيرا في التلفزيون ومش حاسس انك قاعده جنبه.. ولما تساليه في ايه يقولك: على فكره انا ميهمنيش شاكيرا ... المهم عندى جمال الروح

34_ عمرى ماحسيت الاحساس ده قبل كده ( بيقولوا لكل البنات )

35_ صدفه غريبه .. عايز اقولك ان انا كمان مبسمعش غير لفيروز ...
( وتلاقيه مش عارف فيروز ولا عمره سمع عنها اساسا ) يقولك فيروز بالجوافه

زائر

ههههههههههههههههههههه

بجد كلامك جميل ورائع

جزاك الله خيرا

هههههههههه

تسلم ايدك يا فؤش

وافرحوا بقي يا بنات كشفنالكم عن حقيقة الشباب

تسلم فؤش علي المعلومات دي

بارك الله فيك

» حوش اللى وقع منك ... نـــــداء لكل الأعضاء ( أدخل وحوش اللى وقع منك )
» الفرق بين الراجل والمراءة في الحب
» ابوس ايدك ياعز سيب الراجل يتكلم
» و الله الراجل ده بيقول كلااااااااام زي الفل........!!!!!
» اشهر الماكولات