الامتحانات مسببة مشكلة لنا

السلام عليكم ورحمة الله وبركاته

الله يخرب بيت الامتحانات

تخيل كده لو انت عندك امتحان بكره
وعندك ماده زفت وهباب وانت ماشاء الله
مذاااااااااكر واكل الكتب اكل (انت حتقولى مانا عارفك)
تيجى الست الوالده او الوالد مفرقتش يعنى
ويقولك
اصحى يابنى عندك امتحان عشان متتأخرش
ماشى حصحى ثوانى اخطف حلم سريع واصحى
حخطف ايه وهباب ايه قوم يلا عندك امتحان
تقوم انت متنرفز وقايل فى سرك
يييييييييي يادى اليوم الاسود ارحمنى ياعم بئه عايز انام
مهو اليوم بيبان من اوله


وبعد ماتقوم بطلوع الروح وبالضرب بالجزم والشباشب
وتلبس هدومك ونازل والدنيا مسقعه لما السما تكون بتنجانى
وانت حراااااان وايدك متلجه (متقوليش ازاى)
وانت بقى داخل اللجنه ... ااااه
ومش مذاكر وااعد جمبك واد تعبان خالص مالص
والمراقب راجل غتت
وفجأه دخل المراقب
ويقول
اللى حسمعه بيتكلم مع اللى جنبه ولابيفكر يتكلم مع اللى حنبه
ولابيحاول يبص على اللى جنبه
حطرده هو واللى جنبه وحيبقى ذنبه على اللى جنبه
تقوم انت قايل للى ااعد جنبك
ايه ياعم المستر ده تعبان ده ولا ايه روح اديله حبايه فيجاسكين عشان يهدى
فكك ياعم منه ده شكله بيحب فوازير رمضان ولا ايه


وفجأه وقف معاك سؤال وعايز تغش (اه ياغشاش)
والمستر افشك
وراح قالك
يابنى يابنى انا خولقى ضيق وممكن اضربك
عليا الطلاق بالتلاته الغيلك الامتحان
تقوم انت قايل للواد اللى جنبك بعد ماالمستر يمشى من ادامك
ايه ياعم المستر ده
طالما خولقه ضيق ما يفصل واحد مقاسه
اه والله عندك حق انا مره كان خولقى كان واسع ركبتله استك ههههههههههه
لا وبيقولك عليا الطلاق ياعم روح نام ولا اعد فى حته ناشفه
تلاقي مراته مطلعه عين امه ونفخاه وحيطلع غله فينا


وفجأه كده وانت اااعد بتحل فالامتحان
والوله اللى وراك مخنووووووق من اللى جنبه وعمالين يتعاركو
وفجأه الواد اللى وراك قال
لا صنع اليبان ولاصنع الصين ده صنع بلدنا وبجنيه ونص
ومبيترئعش
وااام ضرب الواد اللى جنبه حتته افه
طااااااااااااااااااااااااااااااااااااااخ
تا ترات ترا تا تا .. تا ترات ترا تا تا ( اديني عقلك )
قام المستر سمع صوت الافه
جرى علي الواد ااام الواد مدبسها فيك
والمستر لغالك الامتحان
وتروح البيت وانت مش حالل حاجه وساقط ومتبهدل
ومامتك تقولك
ها عملت ايه يابنى ؟
تقولها تمام ياماما ده انا حطلع الاول عالمدرسه
ده كل العيال بتعيط فاللجنه وانا اللى ااعد عمال ااااضحك ااااضحك
لابجد شاطر ياحبيبى طالعلى


تقوم قايل فى سرك
احلى حاجه في الست دى انها بتصدق بسرعه
الست دى امى غلبانه طول عمرها ال طالعلها ال


وتفضل انت بقى مقضى اليوم مكالمات فى التليفون
والفاتوره كل شهر تيجى عاليه وابوك يطلع عين امك
شتيمه وقله ايمة


ويجى الوقت اللى طلعت فيه النتيجه
واوبااااااا النتيجه مليانه كحك يا معلم والعيد ارب يا معلم
ودا مش اى كحك يا سيدي
ده بالملبن والعجوه وكل اللى تحبه يا باشا
ويجى ابوك يفئعك الم
زوووووووووووووووووووووووووووووووووو
بقى يابن الـتيييييييي*******ييييييييييييت تضحك عليا وتقولى مقفل الدرجات
وحيات امك الغاليه لقتلك
ليه كده بس يابابا ده انا بحبك حب محبوش انسان
(ماشى ياعم تامر حسنى)


وااادى اخره الامتحانات ياعم
شتيمه وبهدله ونذاكر ويطلع عينا
وفالاخر مش عاجب
هههههههههههههههه
بعد كده نشق هدومنا ( وكمان راس حربة هوا انا ناقصة ههههههههههههه

هههههههههههههههههه

رائعه جدا والله

تسلم ايدك

ايام الامتحانات دي بتكون ايام صعبه جدا
ورئيس الجامعه عندنا عامل نفسه الفتك اوي وعامل كل يوم امتحان حتي يوم الجمعه نصلي الظهر ونروح نمتحن والله كلام فارغ جدا

ميرسي