علشان السناره تغمز

هاااااااااااالووووو




الكتاب ...ده عباره..عن قوانين لازم كل بنت تعمل بيها...يشبك في سنارتها ...ولازم كل ست تطبقها في حياتها الزوجيه لو لو عايزه تعيش سعيده وتصطاد جوزها تاني ..وتالت من اول وجديد..! ..انا

بصراحه عجبني الكتاب ده وحبيت اقولكم محتواه

لانه كتاب ظريف وحفيف وواقعي جدا جدا

ياااااااااااااااااااارب يعجبكم


EVery OnE,.......
1

اول واهم نقطه

لازم تعرفي ان انتي كائن فريد من نوعه

ملكه متوجه نجمه في السماء علشان يوصل لك لازم يتعب اوي اوي اوي

والا ***يروح بيتهم *** آه يا بنتي

انتي بترمي السناره وتصطادي

لكن هو اللي لازم يتقطع نفسه

علشان يلقط الطعم










2


_ حبي نفسك _

لانك لو حبيتها

هتخليها الاحسن والاجمل والاصلح

والاشطر والاذكى والاجدع

وبالتالي كل الناس هتحبها

وسمكك هيكتر







3




بصي في المرايه

قومي بصي في المرايه

لو اللي انتي شايفاه عاجبك

يبقى هيعجب كل الناس

خلي بالك الناس بتشوفك

بعنيكي انتي









4




لو بتقعدي مع الناس ..مكسوفه ومش لاقيه حاجه تقوليها ..يبقى ده معناه انك لازم تقري ..تتفرجي

على برامج مفيده في التليفزيون

تتابعي الاحداث المهمه

عصر الست امينه ...راح بلا رجعه

ودلوقتي عصر المعلومات والفضاء

ابوس ايدك سايري العصر






5


الانسان بيتعود على الشكل بسرعه

يعني لو كنتي هيفاء وهبي لكن لما ..بتعقدي اودامه بتتقلبي ابو الهول

وبتبقي ..بارده يبقى كام خروجه.وابقى سلملي على جوزك يا اسماعيل بيه

هو مش محتاج انتيكه ..محتاج انسانه ..!!!

يعني لو كان شكلك عادي جدا

لكن شخصيتك دافيه وجذابه هيشوفك


مارلين مونرو








6



مش اي نظره عين توقع

ده فن ..في بنات بتتقنه بالفطره

وفي بنات بتبص بسذاجه

اجمد نظره هي والوش نازل لتحت شويه

والعين بتبص في عين اللي اودامها ..مباشره

مع ابتسامه خفيفه ...واوعاااا

لكن بتتكسفي وتبصي في الارض

هتديله انطباع انك مش واثقه في نفسك

وهتفضلي في خانه الاخت

العزيزه








7


لو ماعندوش اهتمامات ..اصلا

يبقى مانصحكيش تماما

مش معقول هتتجوزي ورقه بيضه ممله

عرضه لان اي حد ممكن يشخبط عليها ..او يكتب عليها ..حاجات ..تودي في داهيه

الا اذا كنتي انتي كمان ماعندكيش

اهتمامات..وصباح الناس

اللي عايشيين

على وش الفته









8



لازم يحس انك عندك لامبالاه من ناحيه

الرجاله ..ولو جه كلام عن الارتباط قولي له

" انا مبفكرش خالص في الموضوع ده كده هتخليه ..ينتحر علشان يقنعك بالعكس

وهيبتدي هو اللي يقرا عن برجك "


وصلتي للنقطه دي ؟؟؟؟

يبقى ادعيلي بقى ..!!!








9


الراجل بيحب ..يحس دايما ..انه سيد الموقف

فلما يشتكي اديله ابتسامه حلوه وجميله

وجمله : انا واثقه انك هتعرف تحل الموقف ده ...وانا موجوده لو في حاجه اقدر اعملها

ياريت ماتترددش في انك تقولي لي

كده

هيحس انك شايفاه عنتر زمانه

وفي نفس الوقت ..واقفه جنبه

ولو كان نصاب داخل راسم على فلوس

هيعرف ان مفيش امل فيكي فيخلع ...من

غير مايئزيكي

خليكي

ناااصحه





وأخيــــــــــــــــــــــــــ ــــــــرا

ماترميش السناره ابدا ..وانتي متوقعه ..ان يطلع لك السمكه اللي في بقها

خاتم دهب...لكن ياريت تتوقعي ان اللي هيطلع فرده جزمه..الى ان يثبت العكس ....

الكتاب الاكثر مبيعا فى مصر و الوطن العربى


علشان السناره تغمز ........ (كلام لازم كل البنات تعرفه)

كلام فعلا لازم كل البنات تعرفه....

مقدمة الكتاب
علشان السناره تغمز، كتاب حطيت فيه خلاصة تجاربى وخبرتى سواء كإنسانة أو ككاتبة متخصصة فى العلاقات الإنسانية ولإن كل يوم بيجيلى مشاكل من بنات كتير كل مشكلتهم إنهم مش عارفين يتعاملوا إزاى أو مش عارفين ياخدوا لا حق ولا باطل مع الرجالة قررت أكتب الكتاب ده عشان يدى كل بنت خبرة ويوفر عليها 10000 تجربة عاطفية على الأقل.
الكتاب ده عباره عن قوانين لازم كل بنت تعمل بيها لو عايزه تلاقيلها حوت، درفيل أو حتى قرموط يشبك فى سنارتها. ولازم كل ست تطبقها فى حياتها الزوجية لو عايزة تعيش سعيدة وتصطاد جوزها تانى وتالت من أول وجديد!

علشان السناره تغمز كتاب مختلف و جديد جدا سواء فى مواضيعه أو فى طريقة كتابته و اسلوبه فهو عبارة عن كتاب للجيب كل صفحة فيها نقطة مستقلة بذاتها مهمة جدا و كوميدية فى نفس الوقت و بلغة عامية بسيطة مع انها وراها حكم و نظريات علمية جامدة جدا، يعنى الموضوع مش بسيط و مش مجرد كتاب بيضحك و بيسلينا لأ ده كمان بيدينا حقائق علمية و واقعية لو عملناها فعلا يبأه الأكيد ان السناره هتغمز و هتغمز صح كمان لان الكتاب مش بس هدفه ان السناره تغمز لأ هدفه انها تغمز صح و مع الناس الصح فى الوقت الصح....
الكتاب ده هيعمل انقلاب فى حياتك على كافة المستويات لان كل نقطة هتساعدك انك تكونى انسانة أحسن و أجمل و أفضل و بالتالى سمكك هيكتر و تختارى انتى براحتك بعد كده اللى تنطبق عليه الشروط و المعايير اللى موجوده فى الكتاب علشان تضمنى انك تعيشى سعيده!
و الكتاب بيقول لك تعملى ايه و تتصرفى ازاى من قبل حتى أول مقابلة و الى ان يصل الموضوع الى التعرف على أهله، يعنى كل اللى عليكى انك تقرى و تتبعى التعليمات و النتائج مضمونة جدا لانه كتاب متجرب
دى بعض أراء القراء (بنات أو رجاله) :
"كتاب جامد جدا و دمه خفيف و بيحارب الملل بجد و مش بس لازم البنات تقراه، لأ و الرجالة كمان لانه بجد مفيد للجنسين و بعيد عن أى عنصرية. اسلوب كتابة الكتاب جديدة جدا بتشيل كل الحواجز ما بين الكاتبة و القارئ، و بتحسسه انها قاعده بتتكلم معاه أو معاها وجها لوجه جنبهم على الكنبة.... و ده بيساعد على استيعاب المعلومة أكتر و حفظها من غير مجهود و بالرغم من كده الا انه كتاب يتقرى مرة و اتنين و مليون"

و علشان تتخيلوا الكتاب أكتر و تفهموا سكته ده مثال حى من الكتاب دى بعض نقطه:

15
النجوم دايما هى اللى بتبان
وتبأه محط أنظار الجميع
لو بتدرسى لازم تبئى الأولى،
لو بتشتغلى لازم تبئى متفوقة فى شغلك،
لو بتلعبى رياضة لازم تاخدى جوايز،
كده تضمنى إنك هتكونى حلم حياة
كل الرجالة اللى حواليكى
ومحور إهتمامهم......
وإختارى إنتى براحتك بأه.

45
مفروض تعرضى
إنك تدفعى فى أول خروجة،
والمفروض إنه يرفض
لو عمل غير كده فى مجتمعنا الشرقى ده
يبأه تعرفى إنه حاجة من إتنين
يا إما بخيل وبراشوت، يا إما بيطفشك
وفى الحالتين مدة معرفتك بيه لازم
ماتتعداش الساعتين
اللى إنتى دفعتى تمنهم!

57
بلاش فى أول خروجة تنزلى عليه
بسيل الأسئلة اللى هتفطسى
وتعرفى إجابتها مرة واحدة،
واحدة واحدة على الراجل
علشان مايحسش
إنه قاعد على كرسى الإعتراف
أودام وكيل النيابة وفجأة بقدرة قادر
يترسم على وشك شنب يرعب شنبه.




الكتاب لسة مش موجود على النت اول ما هينزل هحطوا على طول



و على فكرة الكتاب لونين احمر و ازرق



الاحمر نصائح للبنات

الازرق نصائح للولاد

لكن الازرق لسة ما نزلش



عايزة اعرف رايكم فى فكرة الكتاب و المقتطفا

ههههههههههه

انا سمعت الحلقه بتاع دكتور امل علي قناه الحياه


بتقول كلام كويس

بس قالت احصائيه غريبه اوي ان

معدل الفتيات الغير متزوجات في مصر في عام 2009

13 مليون

فتاه غير متزوجه
ودا رقم كبير جدااااااااااااااااااااا

ربنا يقدم الي فيه الخير

ههههههههههههههههههههههههه

كلام حلو بس هى البنات فى الزمن اللى احنا فيه ده محتاجه كتب

دا الشباب همه اللى محتاجين الكتب دى

والله بقت حاجه تزهق

ههههههههههههههههه

ليه بس ياتوتي

حاجه تزهق

قول افكارك

وكل حد يدخل رايه

يعني زي شات كده

وموضوع كويس نتناقش فيه

الموضوع بس انا الحياه بقت

صعبه وكمان كل شئ بقي غالي

وطبعا الناس بتغالي في الطلبات

فالشاب يقولك اريح دماغي وخلاص

نسبه مواليد

البنات

اضعاف

الاولاد

انا اتفق مع مسك

بس برده


ممكن من كثره البنات

تلاقي الشباب

مش واخد الموضوع جد

يعني عاوز يتسلي زي مابيقولو

وخلاص

والله يا ايه من اللى بيحصل حوالينا وبنشوفه

لما حد بيجى يتقدم لواحده دلوقتى بتعد تتشرط عليه

انا عايزه زى كذا عايز بيت مش عارف فين

وعايزه وعايزه وعايزه

واساسا هى بتكون مش لاقيه حد يتقدم لها

وبعدين اساسا ظروف المعيشه ما عدتش مشجعه حد انه يشيل

مسؤلية زوجه وبعد فترة ممكن يكون فيه اولاد فكتير بيخاف يقدم على الخطوه دى

ربنا يستر الايام اللى جايه

فعلا يامحمود

المغالاه

في الطلبات من الزوج

وبقي للاسف مبدا معظم الناس

بدل ما يدور علي العريس

من الناحيه الاخلاقيه والدينيه

بقي يقوله

فيلتك وشقتك تشطيب لوكس

مش عارف عربيه

حساب في البنك

حاجه تنرفز