العلبه دى فيها ايه ..؟؟ مافيهاش فيل ياعم ادخل وتعرف فيها ايه

فيها ايه ... ؟

مفيهاش حاجة ...

أما حاجة غريبة صحيح ...

لأ فيها بأه .. إيه رأيك ...

فيها إيه .. ؟

أكيد مش فيها فيل يعنى ...

طيب اقولك انا فيها ايه ...

تصدق يا راجل ...

انا نسيت انا مش عارف فيها ايه

فيها إيه لو نريح بعض ...

نحب بعض و نخاف ع بعض

لو واحد طلب حاجة بسيطة

حاجة تافهة من التاانى

خدمه او طلب مش هيأثر معاك كتير

وانت معصلجتش وعملتهاله

حتى لو ضايقتك مضايقة بسيطة

و إيه يعنى ...

فيها ايه اما تبتسم فى وشه

وتقول معلش وتعملهاله

اتضايقت طيب .. معلش

ضيعت شويه وقت

معلش يا عم المهم

بس لو فكرت شوية كده وانت متضايق

انت قد ايه أسعدت الشخص ده

ومتتصورش برده رغم تفاهة المطلوب اللى كان عاوزه

بس انت ريحته و عملتله طلبه

هو أكيد شايلهالك أما تطلب حجه

ولو مردهاش هتلاقيه عمال يدعيلك

فى كل خطوة

ولو مدعاااش يا عم و طلع غتيت

ذى واحد صاحبى كدا ...

يبقى كدا إنت أحسن منه

وجزائك عند ربنا

طيب برده فيها ايه لو تستحملنى خمس دقايق

وتكمل الموضوع للآخر

أما تقرأ ردى القصير جدا كالعاده و تناقشنى فيه

فيها ايه لو نساعد بعض

نشيل هم بعض

نخاف ع بعض ونحب بعض بجد

احنا برده مش ولاد بلد واحده ..

الله ده احنا جيران ..

يا خبر ده احنا اخوات ..

إيه دا ...

تخيل إننا كمان مسلمين ذى بعض

كل ده ومش عاوزين ليه نساعد بعض ؟

ليه بنقف لبعض ع الواحده ؟

كل واحد مستنى هفوه و غلطه للتانى ؟

فيها إيه أما نستقبل كل حجه

بصدر رحب

منقفشش و نبقى خلقيين

وروحنا فى مناخيرنا

نبقى دايما وشنا بشوش و بيبتسم

ونساعد الكل ..

وحتى لو حد عمل معانا حجه وحشه

نعديله مره و التانيه ..

عفا الله عما سلف

نلتمس الاعذار لبعض

و إلتمس لاخيك المسلم 70 عذرا

يااه يا جماعه 70 عذر !!

و إحنا بنقفش ف بعض ع الواحده

مهما كانت الصله و العلااقات

اللى بتربط بينا

بندى فرصه للشيطان

انه يلعب بينا

وبعدين مين مبيغلطش فينا

ده الرسول عليه أفضل الصلاة والسلام

بيقولك ايه .. ؟

من فرج عن مسلم كربة من كرب الدنيا

فرج الله عنه كربة من كرب يوم القيامة

الله فى عون العبد

ما دام العبد فى عون أخيه

شايف ربنا كريم ازاى معاك

لو انت طلعت كريم مع اخوك ...

وحالنا كلنا هينصلح من الحجه دى ..

اه هى حجه شايفها معظم الناس سهله

ومش مؤثره اوى يعنى

بس بجد هتفرق معانا كأسره

كأصحاب .. كمجتمع

كمسلمين جميعا ...

كل واحد يوقف نفسه كدا و يحاسبها..

ليه بذعل فلاان .. ؟

ليه بشتم دا .. ؟

ليه بكره دا .. ؟

ليه مبرداش أساعد دا .. ؟

لو لقيت إجابه قولى ..

عاوزين نساعد بعض ..

نحب بعض ..

نخاف على بعض ..

نفتكر أننا مسلمين

وكلنا إخوات مع بعض ...

والآن مع برنامج ما يطلبه المستمعون

الله لو نرضى ومحدش فينا

يخاصم حد .. يزعل حد .. يفارق حد

الله لو نرضى وإن ضاقت بينا

نحن لبعض .. نحس ببعض

و نخاف على بعض

ترتاح قلوبنا ويهون عذبنا

والخوف يسيبنا نرضا بنصيبنا

ونخاف على بعض

الله لو نرضى باللى جالنا

والى مقسوم لينا

الله لو نرضى باللى عدى

واللى جاى علينا

الله لو نرضى من قلوبنا

الله يرضى علينا

الله لو نصفى كلنا وبقلب تايب

نغلب غرورنا ويأسنا

نبقى حبايب

ونقول ما يرضى ربنا

فى حق اللى غايب

أسألتى لكل إخوااتشى ..

هابوسكم كلكم متقلقوش

إنت بتساااعد أى حد يطلب منك حجه

حتى لو الحجه دى هتعطلك شويه ؟

بتتسرع ف ذعلك او حكمك ع شخص

بحيث انك تكرهه بسرعه ؟

إنت من النوع الخلقى اللى روحه

فى مناخيره و بيقفش ع الناس ؟

رأيك إيه ف الكلاام دا ؟

بجد توبيك اكثر من رااااااائع
من انسانه اكثر روعه
تسلم ايدك يا اميره

بصراحة الموضوع جميل جدااااااااااا

تسلم ايدك ياقمر

» الناس تبكي علي الدنيا وقد علمت ان السلامه فيها ترك ما فيها ؟ابن الدلتا
» ياعم بالراحه علينا بس
» ماتبص ادامك ياعم ... دة انت رخم صحيح !!!!!!!
» الحياه وما فيها
» هل تعلم انك تموت فى كل مره تعطس فيها