منتديات ابن الدلتا
عزيزي الزائر! سجلاتنا تفيد انك لست عضو لدينا في المنتدى,في حال رغبتم بالاِنضمام الى أسرتنا في المنتدى ينبغي عليكم التسجيل وان كنت عضو منتسب لدينا فعليك بالدخول
المدير العام
محمد شريف

 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 زمن المضارع البسيط بطريقه سهله وشيقه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد طاهر
Admin
Admin
avatar

الابراج : الميزان
عدد المساهمات : 1936
تاريخ الميلاد : 25/09/1977
تاريخ التسجيل : 04/12/2009
العمر : 40
الموقع : http://ibneldelta.ahlamontada.com
العمل/الترفيه : الانترنت

مُساهمةموضوع: زمن المضارع البسيط بطريقه سهله وشيقه   الإثنين أبريل 25 2011, 00:08



السلام عليكم
اسجل اعجابى بالمنتدى والمجهودات الرائعة المبذولة به هذة اول مشاركة لى وهى منقولة فى الواقع لكنها اعجبتنى فنشرتها لتعم الفائدة وهو اسلوب مبسط لقاعدة المضارع البسيط وهو مناسب لطلبة الثانويه العامة عسى ان تعم الفائدةاسالكم الدعاء لى ولصاحب العمل


المضارع البسيط The Present Simple Tense
*انا سامع حد بيخبط على الباب. ميييييييييييين؟
= أنا
*معرفش حد بالاسم ده
=انا المضارع البسيط. افتح بقى
*ايش عرفنا انك المضارع البسيط؟
=تعرفنى من شكلى.
* طب ادينى أماره انك المضارع البسيط
= انا باتكون من التصريف الاول للفعل زى go / play …
الخ ومع الضمائر he/ she/ it او مايساويها بيضاف للفعل s
*اه. بس ايه حكايه الـ es دى؟
=دى معروفه جدا وواضحه خالص. ده بيحصل لو الفعل منتهى بـ o / sh/ ch/ ss/ x/ وكمان لو الفعل منتهى بـ y قبلها حرف ساكن زى try كده نقلب الـ y الى ies طبعا ده مع حبايبى الضمائر he/ she/ it او مايساويها
*عرفتك اتفضل ادخل ياباشا
.( اسمح لى اعرف الطلبه بيك اكتر من كده)
-------------------------------------------------------------------------
اهم حاجه فى دراسه اى زمن اننا نعرف استخدا إيه؟ استخداماته طبعا.
خد عندك
1- يستخدم المضارع البسيط للتعبير عن عاده متكرره الحدوث
يعنى حاجه بتحصل usually/ sometimes/ often/ always/ occasionally/ rarely/ generally/every day/ never/ seldom/ scarcely/ frequently/ normally/ How often….?/ once / twice /
امثله على السريع:
-We eat beans every day.
-I never get up late.
-Sarah always stays up late.
-He is always punctual.
خد بالك ان ظروف التكرار / rarely/ always/ usually/ often/ sometimes/ never/occasionally
توضع قبل الفعل العادى ولكن بعد verb to be زى الامثله اللى فوق دى
وكمان فى حته عندك فى كتاب المدرسه بتقول انك ممكن تبدأ الجمله ووممكن تنهيها ايضا بـ usually او sometimes
- Usually I walk to school.
- I cycle to school sometimes.
* اما بقى ظروف الزمان خليها فى اول الجمله او فى اخرها يا مان
Every day/ at night / in the afternoon, etc.
*We watch TV every night.
*Every night we watch TV.
--------------------------------------------------------------
*ممكن سؤال رفيع؟
هو فى الامتحان هيجى يقولى سمع المضارع البسيط بيتكون من ايه والحاجات دى؟ ولا ايه النظام بالظبط؟
# هههههههههههههههههههههههههههههه
• طبعا لا. السؤال بيجى بطريقتين فى سنه تانيه اختيارى وتعرف على الخطأ وصحح الجمله وفى سنه اولى بيجى برضه بالطريقتين اللى فاتوا ويزيد عليهم سؤال الـ Rewrite

خد عندك اول سؤال:
Find the mistake in each of the following sentences, then write the sentence correctly:
Hamada studies always hard-
خد بالك من الغلط ؟ انت لسه بتفكر؟ ايوه صح مش تتردد بقى
ايوه طبعا always مكانها كده غلط مفروض نحطها قبل الفعل يبقى الحل:
-Hamada always studies hard.
مع نفسك حل الجمل دى اوجد الخطأ واكتب الجمل بشكل صح:
1- Totta never is late.
2- She play tennis very well.
3- We drinks tea every morning.
وده تانى سؤال الاختيارى:
Mona sometimes ……tea.
a) drinking b) drinks c) drink d) is drunk
طبعا انت عارف ان مع he/ she/ it ومايساويها الفعل اخره s او es
يبقى بدون تردد اختار drinks
وده السؤال التالت الـ Rewrite
1- I visit my uncle from time to time. (occasionally)
نحذف from time to time ونحط occasionally قبل الفعل
يعنى الفكره اننا بنشيل حاجه وبنحط اللى بيساويها
*I occasionally visit my uncle.
2- I study hard at all times. (always)
نشيل at all times ونحط always قبل الفعل
* I always study hard.
3- He is used to staying up late. (always)
* He always stays up late.
4- It is his habit to play football. (usually)
شوف من It لـ to شيلوه
ابدا بالضمير وبعدين حط الكلمه اللى طلبها والباقى كملوه
* He usually plays football.
5- I hardly ever go to the club. (rarely)
شيل hardly ever وحط اللى بيساويها rarely وخلاص
* I rarely go to the club.
6. He never comes late. (is)
* He is never late.
7. How many times do you go to the cinema? (often)
* How often do you go to the cinema?
2- يستخدم المضارع البسيط للتعبير عن حقيقه (طبعا الكلام ده انتوا عارفينه وحفظتوه عشروميه مره)
- The sun rises in the east and sets in the west.
- Water freezes at 0°C
- Baltimore is in the United States of America.
سؤال على الطاير :

Find the mistake :
- The sun give us heat and light.
- Geologists studies rocks.
3- يعبر عن حاله او موقف دائم اما لو الحدث يتم بشكل مؤقت بنستخدم المضارع المستمر
( واحد هيقول يانهار ازرق انا مش فاهم حاجه ايه الكلام ده؟)
ماتزعلش هات ودنك دقيقه واحده افهمك كل شيئ انت على طول ساكن فى الاسماعيليه فهتقول:
-I live in Ismailiya.
لكن لو ربنا كرمك ورحت تصيف فى اجمل بلد فى مصر (اسكندريه) هتقيم فى فندق لفتره مؤقته اسبوع مثلا . هتقول ايه :
-I am staying at a hotel in Alexandria nowadays.
4- المضارع البسيط كمان بيعبر عن المستقبل. تخيل !!! أه مش تستغرب كده.
مع جداوال المواعيد وبرامج الرحلات.
- The exam takes place on 20th June.
- The film stats at 9.30.
- You leave Cairo International Airport at 08.00 and arrive in Paris at 12.30.
5- المضارع البسيط كمان بيستخدم بدل من المضارع المستمر مع افعال معينه وهى افعال
- الحواس ( يشوف ويسمع see / hear) و الشعور ( يحب ويكره love / like / hate / dislike)
-والفهم والادراك ( understand / realize) والتذكر والنسيان ( remember / forget)
- والمعرفه والاراده ( know / want) والملكيه own / possess / belong
- وكذلك seem / mean / prefer/ recognize/ fear/ care/ consist of/ contain/ include
- I love my parents very much.
حل السؤال ده بسرعه عشان مفيش وقت :
- Find the mistake:
- I'm hating Nancy very much.
6- من اهم إ ستخدامات المضارع البسيط القاعده اللى جايه دى. بتبص فين؟!! تحت اهى
(الروابط الزمنيه)
مستقبل / أو جمله أمريه / أ وجمله فيها must
+ after / before / as soon as / the moment / when / till / until
+ جمله فى المضارع البسيط أو التام
** نستخدم القاعده دى عشان نرتب الأحداث فى المستقبل
على فكره ممكن الروابط دى تبجى فى أول الجمله وممكن تيجى فى النصف ايضا بس till / until
فى النص على طووووووووووووووووووول
- As soon as the plane takes off, we'll have a meal.
- I will wait here till you get the tickets.
- You must visit me when you come to Ettel El-Kabeer.
يلا نعرف ازاى بتيجى فى الامتحان



1. Choose the correct answer from a, b, c or d :
* After I ……….. the book, I will lend it to you.
a) had read b) reading c) reads d) read
طبعا فى طالب مبرمج اول مايشوف after يختار بعدها ماضى تام ده بقة اقول له اهدى شويه.
عشان تحل اى جمله اختيارى اقرأ الجمله لحد أخرها بيكون فيها جزء كامل وجزء ناقص. صح؟ قول صح. أيوه كده شاطر
تبص على الجزء الكامل تعرف ايه؟ تعرف الناقص طبعا.
فلو كان جزء من الجمله مستقبل أو جمله أمريه أو جمله فيها must أفهم ان الجزء التانى من الجمله هيكون مضارع. وبناء عليه قررنا نحن أختيار كلمه read انا سامع واحد بيقولى لا مفروض reads هتقولولوا ايه ؟
انتوا عارفين طبعا . ههههههههههه خليها فى سركم
انت مسمعتش الاغنيه الشهيره بتاعه مع he/ she/ it الفعل أخره s وهيييييييييييييه؟
الضمير هنا I هتحط s ليه ياعم الذكى؟!!
2. Find the mistake in each sentence :
1. I will phone Sarah when I finished my homework..
2. We wouldn't start the meeting until you arrive.
3. Stood up as soon as you see your father.
ومعانا كمان سؤال الأذكياء سؤال الـ Rewrite اما الحفيظه بقى يقعدوا على جنب :
1. I'll get a stick. Stand up. (till)
الجمله دى بقى هديه . ليه بقى؟
افهم واسمع كلامى : لو كانت احدى الجملتين جمله امريه او جمله فيها must ابدأ بها
وبعدين حط أداه الربط واكتب الجمله التانيه بدون will واضحه؟ ولا أقول تانى؟
* Stand up till I get a stick.
طب افرض كان الجملتين مستقبل؟ عادى نحل بالمعنى
2. I will kill her. I will buy a knife. ( As soon as)
ترجم الجملتين ( سوف اقتلها / سوف اشترى سكينه )
دخل اداه الربط على الجملتين واسال نفسك سؤال (بمجرد ايه هيحصل ايه؟)
بمجرد ان اشترى سكينه سوف اقتلها
الجمله اللى هتيجى بعد اداه الربط شيل منها الـ will والتانيه سيبها زى ماهى
* As soon as I buy a knife, I will kill her.
طب بص على الجمله الظريفه دى :
* I will leave when your father comes. (till)
* لو جابلك جمله بها اداه ربط زى دى كده وطلب till/until شيل اداه الربط وحط مكانها till/ until وانفى الـ will اقول تانى ( تحط الـ till تنفى الـ will)
7- يستخدم المضارع البسيط بعد If فى الحاله الاولى
* If + present simple + subject + will/ shall/ may/ must/ can + inf.
الحاله الاولى بتعبر عن شيئ ممكن يحصل فى الحاضر او المستقبل
*If you study hard, you will succeed.
*You may get indigestion if you eat rich food.
8- يستخدم مع if فى الحاله الصفريه وهى حاله الحقائق
* If + present simple + present simple
يعنى ممكن اسألك سؤال؟ ولا يعصبك؟ ولا ينرفزك؟ هو احنا لو غلينا الماء احتمال يتبخر ولا هيتبخر بالفعل؟
هيتبخر بالفعل طبعا. ليه؟ لان دى حقيقه علميه < غلى الماء بيخليه يتبخر>
* If we boil water, it evaporates.
* Metals expand if they are heated.
درب نفسك على اللى جاى ده :
* Choose the correct answer from a, b, c or d :
1. You will catch the train if you………up.
a) hurried b) hurries c) hurry d) hurrying
2. If the moon passes between the sun and the Earth, there …. a solar eclipse.
a) will be b) would be c) was d) is

* Find the mistake :
1. If water is heated to 100, it boiled.
2. If plants won't get enough water, they die.
3. If I earn some money, I would go abroad.
4. If we had enough time, we will visit Sonya.

* Rewrite :
1. Cooling iron causes it to contract. ( If )
2. Perhaps it will rain tomorrow, in this case I'll stay at home. ( If )

------------------------------------------------------------------------------------
يلا بقى نراجع القواعد اللى بناخدها من ايام kg 1
• كيف ننفى المضارع البسيط ؟
1- نحط don't أو doesn't قبل الفعل فى المصدر
- (I / We / You / They) don't smoke.
- (He / She / It) doesn't smoke.
2- وممكن نحط never قبل الفعل من غير اى حذف . لاحظ ان لو الفعل الاساسى فى الجمله v. to be
Never تتحط بعديه
- He never eats fish.
- He is never late.
3- لو الفعل الاصلى المستخدم فى الجمله verb to be اسهل طريقه تحط كلمه not بعد الـ am/is/are
- She is not ill.
الاسئله بتيجى ازاى؟
* Find the mistake :
1- Mona never play football. It is not her permanent habit to play football.
2- Shaimaa don't watch TV.
3- We never are ill.

* Rewrite :
1- Hala doesn't tell lies. (never)
2- I always go to bed after midnight. ( never )
-------------------------------------------------------------------------------------------------------------
كيف تحول جمله فى المضارع البسيط الى المبنى للمجهول passive؟
* We watch TV. (by)
عشان نحول اى جمله للمبنى للمجهول بنعمل خطوتين :
1- نقسم الجمله الى 3 فاعل وفعل ومفعول ( ولو فى حاجه بعد كده بتبقى تكمله )
2- نعمل بعد كده مقص ( يعنى المفعول هيبقى فى الاول والفاعل فى الاخر والفعل هيفضل فى النص بس فى التصريف الثالث) مش تستغرب انك هتبدأ الجمله بالمفعول لان المثل بيقول ايه ؟ (طول عمرك يامجهول تبدأ بالمفعول)
3- الفعل ده بقى اهم حاجه هيبقى بعده by وقبله am/ is/ are
* TV is watched by us.
وممكن يطلب منك العكس (يعنى تحول الجمله من المجهول passive الى المعلوم active voice)
خد مثال : My clothes are washed by my mother every day. (My mother)
• بص كل المطلوب منك
• تحذف الاضافات اللى بتكون زايده على الجمله (by و verb to be) وترجع الفعل الى اصله (تصريف اول يعنى)
• وبعدين ترتب الجمله صح (فاعل وبعدين فعل ومفعول)
• My mother washes my clothes every day.

خد بقى شويه اسئله عشان تدرب نفسك على المبنى للمجهول :
*Choose the correct answer from a, b, c or d:
1. Football …….by us every day.
a) play b) plays c) is played d) is playing
2. Tea ……….. by all Egyptians.
a) drink b) drinks c) is drinking d) is drunk

* Find the mistake :
1. Arabic speak in Egypt.
2. I am eaten meat once a year.

* Rewrite :
1. Mona plays chess every day. (is)
2. I clean my room once a month. (by)
3. English is studied by us. (We)
---------------------------------------------------------------------------------------------------------
تذكر كيفيه تكوين السؤال على المضارع البسيط:
• لو الاجابه بادئه بـ Yes او No او Sure او Certainly يبقى ابدأ سؤالى بفعل مساعد
• لو الاجابه فيها فعل مساعد زى am/ is/ are استخدمه (اعمل مقص يعنى اقدم الفعل المساعد على الفاعل)
• (ملحوظه بسيطه الفعل المساعد هنا بيكون استخدامه اسا سى مش هتلاقى فى فعل تانى مستخدم فى الجمله معاه)
A) Yes, he is ill.
Q) Is he ill?
لكن I او We فى الاجابه تتحول الى you فى السؤال
A) Yes, I am Egyptian.
Q) Are you Egyptian?
لو الاجابه مفيهاش فعل مساعد او ناقص يبقى استخدم احد افعال verb to do زى مثلا does او do
A) Yes, I speak English well.
Q) Do you speak English well?
اما لو الاجابه مش بادئه بـ Yes / No / Sure / Certainly ابدأ سؤالك باداه استفهام مناسبه ثم اكمل باقى الخطوات السابقه:
A) I get up at six o'clock.
Q) When do you get up

_________________

الرجوع الى أعلى الصفحة اذهب الى الأسفل
http://ibneldelta.ahlamontada.com
 
زمن المضارع البسيط بطريقه سهله وشيقه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابن الدلتا :: القسم التعليمي واللغات :: منتدي التعليم الثانوي-
انتقل الى: