للدرجه دي هي البجاحه وقله الادب وصلت لكده

طبعا للاسف بقينا بنشوف بلاوي وبنقول عادي
واحنا لسه شفنــــــــا حاجه

وفعلا كل يوم بيمر بيثبتلنا اكتر .. ان لسه يما هنشوف بلاوي اكتر واكتر

بس بجد اللي متوقعتوش
ان ممكن يوصل بينا الحال لدرجة الفجور

العادي ان الناس بقت بجحه لكن اللي مش طبيعي ان يبقي فيه وقاحه غير متناهيـــــــــــه

يمكن فقدنا قيم كتيـــــــــر اوي في حياتنا
فقدنا '' الصدق والتعاون و الوفاء والاخلاص '' وكمان الكارثه اننا فقدنا الحيـــــــــاء

مش الخجل بقي في الحاجات العاديه

لا فقدنا الحيـــــــــاء في اكبر الاشياء

موقف حصل قدام عين واحده صحبتــــــــــــى

راكبه ميكروباص عادي من الصغيرين اللي مفيهوش وقوف
وراكب جنبها بنتين شكلهم اعدادي ميعدوش السن ده لابسين لبس المدرسه
والمفروض انهم رايحين المدرسه يعني

طبعا الموبيل والصوت العالي والضحك وقلت الادب بقي عادي مفيهاش مشكله دلوقتي

لكن اللي مش طبيعي انهم يقفلوا الفون بعدين واحده تقول للتانيه دارينـــــى بس عشان الشباك

وفجاه تغير هدومها بالكامل بمعني كلمة بالكامل وتلبس لبس مختلف تماما

ويجي دور التانيه نفس الكلام تغير هدومها بالكامل بنفس الطريقـــــــــه وكل ده جوه الميكروباص

وفيه رجاله وفيه السواق اللي طبعا مشلش عينه من المرايه اكيــــــــد

صحبتي بتقلي بجد مبقتش عرفه اتصرف ازاي .. انزل ولا ااتكلم معاهم هما ولا عمل ايه مبقتش عرفه

بصراحه لو كنت في نفس الموقف ده كنت برده هقعد عاجزه مش هقدر اعمل اي حاجه في حاجه زي دي

الكارثه الحقيقيـــــــــه في انهم بنات لسه المفروض في سن البراءه ... فقدوا معني الحياء الحقيقي اللي بيكون عند اي بنت خصوصا في السن الصغيره دي
فقدوا ثقة اهلهم فيهم .... والعيب برده مش عليهم العيب هو علي اهلهم اللي ادوهم ثقه معدومه واتعدمت معاها الرقابه .. اللي المفروض تكون اشد في السن ده بذات

لما سمعت الموضوع ده حزنت اوي بجد

حزنت علي اللي وصلنا ليه .... قلت لنفسي ده الواحد بيتكثف يغير هدومه قدام مامته ولا قدام اخته الصغيره ..

ودول ازاي قدروا علي حركه زي دي .... ازاي اتنازلوا عن كل حاجه واي حاجه .. وهما مش صغيرين لدرجة ان عقلهم يكون ملغي لا اكيد فيه عقل وبيعرف يفكر

بس يمكن دي نماذج عشان نقدر احنا كجيل فهم كل الحاجات دي وشاف البلاوي اللي بتحصل دي .. نعرف ازاي نعلم ولادنا وبناتنا بعد كده قدام ان شاء الله وازاي نحافظ عليهم وازاي نتعامل عاهم وعاملهم


بجد مش هقدر اقول غير ربنـــــــــــــا يسترها علينا يارب في الايام اللي جايه

منقول