الحلقه العاشره من اليوووووووم المفضووووووووح.....!!!!!!

صباح الخير ياناس يامشاهدين
عاملين ايه واخبارك قنوات تلفزيونكم ايه
و اهلا و سهلا بيكوا في برنامجكوا
اليووووووووووووووووم المفضوح
كله فضايح x فضايح
مع الاعلامي
فؤؤؤؤؤؤؤؤؤؤؤؤؤؤش الجيييييييييييل
و طبعا برنامجنا فضايح x فضايح
و طبعا كنا قولنا الحلقه اللي فاتت للي كانوا متابعينا ان الاستاذ انون تعبان شويه
بس الحمد لله هو قدامي اهه زي القرد يا خواتي
ايه الحلاوة دي قرد بيتنطط قدامي و الاستاذ انون معانا في فقرتين النهارده بمناسبه رجوعه لينا بالسلامه عشان يمتعنا بكلامه الجميل و خبرته العظيمه علي مر حياته
ازيك يا استاذ انون ازيك ياعم الشعرا يا فنان القرن
الحمد لله يا استاذ فؤش يا ابو الواجب كله
عامل ايه يا استاذ انون و ازي صحتك كدا
الحمد لله يا استاذ فؤش بس انا حاسس اني تعبان شويه
لا الف سلامه عليك يا فنان
(قال تعبان قال دا زي القرد اهه يا اخواتي ) هههههه الف سلامه عليك يا نجم
تسلم يا فؤش
النهارده يا جماعه معانا الاستاذ انون عشان يعرفنا ازاي نعرف ان الانسان اللي قدامك متربي في بيت مصري اصيل .....
ازاي يا استاذ انون نعرف ان كل واحد فينا اتربي في بيت مصري اصيل ولا لا
بص يا سيدي بيقولك في كتب علم النفس الحديثه ايه ..
على مدى سنوات الطفولة و المراهقة يقطع الابن منزل اسرته رايح جاى وهو يستمع للنصائح والتوجيهات نفسها و التوبيخ نفسه بأساليب وجمل ثابتة لا تتغير .. حتى اصبحنا بمرور الوقت نحفظها جيداً ونتوقعها ..

واسترجاع هذه المقولات " التى لا تسمعها الا فى البيت المصرى " يبعث فى الوجدان قشعريرة ما مصحوبة بالكوميديا

، و يعمق محبة اهالينا فى القلوب ، ويجعلنا نكتشف كم الهستيريا و القلق والمسئولية التى تكبدها الاهالى فى سبيل ان تقف فخوراً برأى الناس فيك "شكله ابن ناس .. ومتربي"
وفي الكتاب بيقولك ايه في جمل كتيييييييييييييييير بنسمعها في البيت الاصيل
بس اشهر 53 جملة بيقولها الاب و الام فى مصر ..
............ ......... ..

- مش عايزة اسمع صوت ..
وفى هذه الجملة تدريباً مبكراً على تقبل القمع و الديكتاتورية اللذين ستواجهمها طوال حياتك ..

- ماتردش عليا ..
وهى نصيحة اذا التزمت بها ستكسب مديرك فى العمل ..

- تقعد فى اول صف قدام السبورة ...
وهى جملة تعودك على ان تكون فى المقدمة دوماً ..

- لو مش فاهم حاجة ارفع ايدك وقول للاستاذ مش فاهم .. ماتتكسفش ..
فاكرين المدرسين زى اللى على ايامهم زمان ..

- ما تتأخرش بعد المدرسة وتقعد تصيع مع اصحابك ..
وهى نصيحة ستحقق لك قدراً من السعادة الزوجية فيما بعد اذا تعودت على ان تكون رجلاً من الشغل للبيت ..

- اللى بيشيل قربة مخرومة بتخر عليه لوحده ..

- ومالها الكتب بتاعة الوزارة ؟!

- بُص كويس وانت بتعدى الشارع ..

- مافيش مذاكرة على المزيكا .. او .. بتذاكر ازاى والبتاع ده شغال جنبك

- ماتمشيش حافى فى السقعة دى

- صليت العصر ؟!

- ربنا يهديك .. ربنا يهديك ، واحياناً .. انك لا تهدى من احببت

- اطفى التليفزيون وقوم ذاكر ..او .. اطفى التليفزيون وقوم خُش اوضتك

- اوعى تقول لحد هاتلى حاجة

- اقفل صدرك

- بلاش وقفة الشبابيك والبلكونات

- كُل على مهلك .. وامضغ كويس .. وماتكلش وانت واقف وكل من قدامك ماتحفش

- كفاية رغى فى التليفونات ..

- ماتقعدش قدام المروحة وانت مستحمى

- المسلسل مش هاينفعك ... قوم

- وانت فاكر احنا مستنين منك حاجة ؟!

- ماتعليش صوتك ..

- بلاش لعب فى الشارع

- يا ابنى اللى ذاكر ذاكر خلاص .. قوم نام

- بلاش لعب بالمقص .. بيجيب الفقر ..

- يابنى كلم خالتك العيانة اسأل عليها

- اوعى حد غريب يديلك حاجة تاكلها ولا تشربها وتاخدها منه

- النوم لحد الضهر بيجيب الفقر

- اوعى تكدب عليا تانى مرة

- لازم تاكل سلطة

- لو شفت خناقة مالكش دعوة بيها

- عيب .. لازم تحترم الاكبر منك

- كلمنا لما توصل

- مالكش دعوة بالسياسة

- بلاش اكل بره

- ماتلبسش القميص على اللحم زى العيال الصايعة

- يا ابنى انت مسطول ولا ايه ؟!

- انت فاكرنا نايمين على ودانا ؟!

- وطى المدعوق ده شويه

- قوم اقرالك كلمتين ينفعوك

- ايه اللامبالاه و الاستهتار اللى انت عايش فيهم دول

- انت فاكرنا لاقيين الفلوس دى فى الشارع

- والله مانت فالح .. وآدى دقنى اهه ..

- ماتتكلمش بصوت عالى فى الحمام

- ما تنامش غير لما تغسل سنانك

- ماتلزقش فى التليفزيون كده .. نظرك هيضيع
عظيم جدا يا استاذ انون طيب الكتاب دا بردو في بيطرح حاجه تانيه زياذه علي الكلام دا ولا ايه
اه طبعا يا فؤش الكتاب دا في الامثله اللي بتتقال في البيوت دي بردو زي مثلا بيقولك في صفحه 1120
- هناك امثلة تشجع على الكفاح واشهرها
" احد الاقارب اللى كان بيذاكر على لمبة جاز او على نور العامود فى الشارع ونجح وخد الدكتوراه وسافر امريكا "

- سّلم على عمك كويس يا ولد

- يابنى ماحدش بينفع حد

- ما تطلعش ايدك من شباك العربيه

- قصة الغريق الكاذب اللى كل مرة يقول الحقونى .. لحد ما غرق بجد

- التهديدات المخيفة شكلاً والكارتونية مضموناً .. مثل :
هاقطم رقبتك او هاقطع ايدك او هاقطعلك لسانك .. او هادبحك دبح

- ربنا يرزقك بعيل يوريك اللى ورتهونى ..

- ما تطلعش على الملايه النضيفه و رجليك متوسخه كده

- حول القناه دى بلاش قلة ادب ومسخرة

- نسيت تشرب ؟ نسيت تاكل ؟ نسيت تقول هاتوا المصروف؟ نسيت تعكنن عليا ؟

- طلع ايدك من جيبك وانت بتكلمنى ..

- يالا يا ابو كحكه حمرا .. انت فاكر نفسك هتاكل معانا؟

- عايز ابص الاقيك قدامى فوراً ..

- ماتتشقاش فى الفسحة وكُل سندوتشاتك كلها

- ادى اللى انت فالح فيه
و طبعا الكتاب دا فيه حجات تانيه كتيييييييييييير
بس انا مش عايز اطول عليكم كتير
شكرا يا استاذ انون و بكدا الاستاذ انون يكون قدملنا فكره مختصره جدا عن التربيه و طريقتها في البيوت الاصيله

شكرا استاذ انون و ناخد فاصل و نواصل
************************************************
ورجعنا تاني مع الاستاذ انون
و شربنا العصير و ظبطنا العمل
و النهارده الاستاذ انون كاتب نثر جميل جدا
و النثر دا من ديوان " مقتطفات من حيات امير الشعراء "
و هو بعنوان امير الشعراء يبووووس واوه هيفاااااااااااااااااااااا ااااااااااااااااء
سمعنا يا استاذ انون يا عسل انت
بص ياسيدي و ركز معايا كويس
و عايز المشاهدين يركزوا بردوا معايا
اكيد طبعا يا فنان سمعنا يا سيدي

امير الشعراء يبووووس واوه هيفاااااااااااااااااااااا ااااااااااااااااء
فى ليلة ليلاء،اتانى امير الشعراء، وقال: اريد مقابله هيفاء،فقلت:"يالهوى"هل تقصد هيفاء وهبى،
فقال: نعم.فقد تعلق بها قلبى،ولها معى قبله من جدها يوسف وهبى،فقلتك: من اخبرك عنها يا شوقى بك؟ قولى،الخديوى اسماعيل ام لاظوغلى؟! فقال:لا داعى للتريقة،والتهكم والمهزقة،فجميع الشعراء،
كالمتنبى وأبى العلاء، لا حديث لهم الا عن هيفاء،فاتصلت بمستر ابليس،فحدد موعدآ معها فى سميراميس،وهناك قابلتنا بشورت وقميص،فانبهر شوقى بطلعتها الساحرة،وانوثتها المتفجرة،
وكلمها عن روميو وقيس وعنترة،فضحكت ضحكة "اخر مسخرة"فقال: ماذا جرى؟! فقلت لا تفهمك لانها "مشفرة" وترجمت لها بلغة"الروشنة" ان امير الشعراء يحب "الدندنة"وحبذا لو اغنية(عواذلى قالوا لى) للست ألمظ وعبده الحامولى ،فقالت بشقاوة، لأ سأغنى لك أغنية(الواوا)،ثم رقصت بخلاعة
وغنت بمياعة.
"بوس الواوايح اوف"ف كاد عقل شوقى يتهف،ثم تضايق وقال "هف" انك تقتلين اللغة العربية،بهذه الكلمات السوقية،فقالت بدلال:"معلش"ارجوك ماتزعلش،وتعالى بوس"الواوا" فصاح: "ياحلاوة انا ابوس الواوا؟!"،فقالت:"بلاش هرتلة ياعديم الجنتلة"، ثم خطفت منه الطربوش، وجرت بشعرها المنكوش،فكانت مشاجرة،وذهب القسم ليعمل لها"محضرا" واتهمها بأنها قاتلة،اللغة العربية
الفاضلة،فتجاهلة السيد اللواء ،وقال:"تسمحى لى أبوس الواوا ياست هيفاء"،ثم لفق له قضية سوداء،وهى خدش حياء هيفاء، فاخرج شوقى"الموبايل"واستغاث،بافندينا الخديوى عباس ،فقال له:
"يا شوقى خللى عندك احساس، وبوس الواوا زى بقية الناس.............
الله الله يا استاذ انون ياجامد
و دي زي ما و عدناكوا كانت الفقره التانيه للاستاذ انون و امتعنا بكتاباته النثريه كما يمتعنا بكتاباته الشعريه
و شكرا يا استاذ انون و ماتحرمناش من الكلام الجامد دا
**********************************************
الفقره التالته
و طبعا مع بدء العام الدراسي الجديد معانا جواب مبعوت من احد الطلبه حبيت اعرضه عليكم عشان اعرف رايكوا بعد كدا الكلام دا مظبوط ولا لا
الجوا من الطالب ك . ك . ع
بيقول فيه
عزيزي فؤش الجيل
تحيه طيبه و بعد
اولا اريد ان تقرا هذا الخطاب الي اخره لكي تعرف مدا المعاناه التي يواجهها الطلبه في الامتحانات.
اكتب لك هذا الخطاب لكي اوضح لك مدا المعاناه اللي يعانيها الطلبه في المدارس و الجامعات
و في هذا الخطاب كاتب فيه زي مزكره لطالب و هو انا
الطالب اللي بيكتبلك دا طالب حاول يزاكر
مش هاطول عليك و هادخل في الموضوع علي طول
بص يا سيدي
اليوم الاول
حاولتُ ان افتح الكتاب ولكن شيئا غريبا دفعني الى اغلاق جميع الكتب قبل فتحها, فقلت لنفسي: انهض لاسترح قليلا ثم اعاود المذاكرة
استيقظت بعد فترة قصيرة جدا.. ست ساعات فقط.. فاكتشفت شيئا مهما جدا وهو انني لم اتناول طعامي فقمت بتحضيره, وبعد ذلك قلت يجب ان اقوم لاستذكر دروسي ولكني تذكرت انني لا اعرف ما هو المنهج ؟
اتصلت بزميل لي وتحدثنا ساعتين ونصف عن اخبار الاصدقاء, واغلقت التليفون دون ان اعلم ما هو المنهج.. ثم اكتشفت شيئا بالغ الاهمية اني استيقظت لمدة ثلاث ساعات متواصلة دون ان انام.. فكيف استطيع التركيز.. فقررت ان استريح قليلا لأبدأ من الصباح الباكر الاستذكار جيدا
*******
اليوم الثاني
اشعر بالنشاط والحيوية.. سأذاكر جميع المقررات دون ترك شيء, ولكن اولا لابد ان انتهي من قراءة جميع الجرائد اليومية والاسبوعية.. وبعد خمس ساعات اخيرا انتهيت.. ياااه نسيت موعد المسلسل.. سأعود قريبا الى المذاكرة.. لا داعي للقلق
*******
اليوم الثالث
فتحت الشباك, أشعر بدخول الهواء العليل الى غرفتي, فتحت الكتاب وبدات أقرأ في المقرر, وأخطط على اهم النقاط, وأضع اسئلة لنفسي, أشعر ان ذاكرتي منتعشة, يالسهولة المنهج.. هذا بفضل ذكائي.. انني أتمتع بذاكرة قوية
وفي آخر اليوم.. كنت قد انتهيت من قراءة فصلين بأكملهما عندها جاء اخي الصغير وقال لي انني أستذكر في كتابه
آه .. تشابه في أغلفة الكتب ليس ذنبي
*******
اليوم الرابع
اليوم سأحاول الرفع من روحي المعنوية وذلك نتيجة للمجهود المؤلم الذي بذلته أمس وضاع هباء.. يجب ان انسى الماضي بكل ما فيه من مآسي وأبدا بالأمل.. لا بد من الخروج من كابوس اليأس المفزع الذي أعيش فيه.. سأحاول أن انتصر على هذا اليأس.. يجب أن هاااااووم.. أناااام
*******
اليوم الخامس
ياإلهي ساعدني.. لم يبقى غير يوم واحد على الامتحان سأبدا بمادة الإمتحان
أولا : التأكد من الكتاب المقرر عليّ
ياللعجب العجاب.. ماهذا الكلام؟ هل هذه طلاسم أم ماذا؟
لا استطيع أن افهم شيئا.. آه ضاع اليوم مني ياللهول.. اني في مقدمة الكتاب
آه.. تعبت..
*******
اليوم الأخير
ماذا أفعل؟ غدا الإمتحان ولا أعرف شيئا عن المنهج, المقرر كبير, سألغي الفصل الأول والأخير والفصل قبل الأخير
الآن استطيع أن اذاكر ما تبقى.. انه فصل وقد الغى الدكتور نصفه.. سأذاكر الباقي, وان شاء الله يأتي الامتحان من الصفحات التي سأذاكرها في المساء, يجب ان اشرب قهوة كثيرا فالمنهج لم ينتهي بعد ولكني اشعر بأن قواي تضعف وتضعف
*******
يوم الامتحان
اليوم سأواجه الشبح الأسود.. ورقة الإمتحان في اللجنة ولكني سأنتصر
ولكن ماهذا؟.. ماهذه الاسئلة؟ انها من خارج المقرر.. لم تكن موجودة في المقرر.. ايه ده؟؟؟ّّّ!!!! همّ غلطوا في اسم المادة ولا انا اللي كنت باذاكره ده كله كانت كتب مادة تانية؟؟
انا لن اتذلل لكِ ايتها الورقة, سأواجه المصير بكل قوة ولن استسلم .......
و شكرا استاذ فؤش
الطالب
ك . ك . ع

ودا الجواب اللي مبعوتلي
و اعتقد ان دا حال الطلبه كلهم
ولا ايه
************************************************
اعزائي المشاهدين
و بكدا تكون انتهت حلقتنا من برنامكم
اليووووووووووم المفضوووووووووووووح
و كان معكم فؤؤؤؤؤؤؤؤؤؤش الجييييييييييييييل
و اسيبكوا بقي مع الاغنيه دي
انزل بالتتر يا بني

أكتر حاجة بحبها فيكى هوا ده .. اه هوا ده .... اه طبخك

و أكتر حاجة شدتنى ليكى هى دى ... اه هى دى حلاوت أكلك

و أكتر حاجة بتتجننى أكللك طول الوقت عاجبنى

لما بتعملى احلى بطاطس هيا و الملوخية

و اجمل حاجة و احلى ما فيكى طبخك أكلك كل مافيكى

عليكى أكل اللة يخليكى هطخن كده يا ولية

ياااه على الحمام لما الحمام يبقى معمول كده بالخلطه

و اااه يا سلام يا سلام ع البتنجان انا عمرى ما دوقتة من اى واحده

انا عارف انا السباكتى يا حبيبتى .. يا حبيبتى أحلى أكل

و ازاى كده أكلك

و احلى ما فحبى ليكى انى باكل اكل ... اه اكل و يا ريتنى ما بطخنش

حلقه تحفه اولا الف حمدالله على سلامه الاستاذ انون وشكرا ليه لتوضيحه النقط المهمه دى
وعن الطالب ك.ك.ع
بقوله متزعلش ده حال الطلبه كلهم وبعدين هو عمل اللى عليه يعنى يكفيه شرف المحاوله
وميرسي ليك يافؤش على الحلقه الجميله اوى دى
مستنيين الحلقه الجايه

ايه الحلقه الناريه دي

جميله جالص يافؤاد

ههههههههههههههههه

جميل جداااااااااا

يافؤش

والف سلامه عليك انون

هههههههههههههههههه

نايس يافؤش

تسلم ايدك

هههههههههههههههههههه

ماشي ياافؤش

والاستاذ الشاعر انون
كانتعبان عنده ايه بقي

ان شاء الله

ابقي سلملي عليه

تسلم ياواد

حلقه تجنن يافؤش
تسلم افكارك
ياعم الفنان وسلامي للاستاذ انون
وحمدلله علي سلامته

هههههههههههههههههههههه جامده جدا يا فؤش الحلقه بجد تسلم ايدك
ودائما للافضل يا كبير

شكرا عالمروريا احلي اعضاء في الدنيا
و الاستاذ انون بيسشلم عليكوا كلكوا
و ابيقولكوا استنوه في حلقات جايه كتير

» الحلقه 14 من اليووووووم المفضووووووووح ....!!
» الحلقه الحاديه عشر من برنامج اليوووووووم المفضوووووح..!!!
» الحلقه العاشره من مسابقه العضو كرومبو 00
» الحلقه التالته من اليوم المفضووووووووح
» الحلقه السابعه من اليووووووووووم المفضوووووووووووح.....!!!!!!