منتديات ابن الدلتا
عزيزي الزائر! سجلاتنا تفيد انك لست عضو لدينا في المنتدى,في حال رغبتم بالاِنضمام الى أسرتنا في المنتدى ينبغي عليكم التسجيل وان كنت عضو منتسب لدينا فعليك بالدخول
المدير العام
محمد شريف
منتديات ابن الدلتا
عزيزي الزائر! سجلاتنا تفيد انك لست عضو لدينا في المنتدى,في حال رغبتم بالاِنضمام الى أسرتنا في المنتدى ينبغي عليكم التسجيل وان كنت عضو منتسب لدينا فعليك بالدخول
المدير العام
محمد شريف
منتديات ابن الدلتا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

 
الرئيسيةأحدث الصورالتسجيلدخول

 

 ميدو بيتجوز عام 2050

اذهب الى الأسفل 
كاتب الموضوعرسالة
اميره الحب
عضو جديد
عضو جديد



عدد المساهمات : 38
تاريخ التسجيل : 04/08/2010

ميدو بيتجوز عام 2050 Empty
مُساهمةموضوع: ميدو بيتجوز عام 2050   ميدو بيتجوز عام 2050 Icon_minitimeالثلاثاء أغسطس 10 2010, 13:01

الزواج عام 2050



تخيل وانت قاعد كده بتقرا كتاب رومانسى
والا بتتفرج على فيلم عربى والا هندى رومانسى (يشيل )
وبتفكر وسرحان فى فارسه احلامك
اللى هتيجى تاخدك على الحمار البنفسجى
(اللى هيطير بيك ويوقعك راقبتك تتكسر )
تلقى الست الوالده داخله عليك وبتقولك عوزه اكلمك ياواد فى موضوع
وانت تتخض وتخاف وتقولها خير ياماما




تقولك خير ياحبيبى عندى ليك خبر يفرحك
وانت زى الاهبل
(تتنطط وترقص وتسال امك خير خير )
تقولك جارتنا ام برقوقه جايه تخطبك للبت برقوقه
بنتها وانت خلاص كبرت وحلويت
والبنات بقت تتحدف عليك
وانت بقى تتكسف وتوطىء راسك فى الارض
(مسكوف ياعين ماما -- سيد امه ياناس )
وتقول للحاجه الوالده اللى تشوفيه ياماما
تقولك مامتك البنت حلوه ومؤدبه
ووظيفه كويسه ومرتبها عالى
ومن عيله محترمه ومن الشغل للبيت
ومن البيت للشغل




ولا بتدخن ولا بتروح ولا بتيجى
وانت تقول للحاجه وانت مكسوف
طب هى شفتنى فين ياامى وانا دايما قاعد فى البيت
تقولك امك شفتك وانت بتشترى الخضار من السوق ياضنايا
(يلهوى على الجمال خضار كمان)




وجايه هى وامها يشوفوك يوم الخميس
طب ياماما وبابا ايه رايه ؟
ابوك يابنى محتس فى الطبخ وغسيل الصحون
الله يعينه سيبه فى حاله ( الله يرحمك يارجوله)




وتقول لمامتك الحاجه اللى تشوفيه ياماما اعمليه
انا تحت امرك وتطلع جرى على اوضتك تتنطط
تنطيط ادام المرايا وتلف نص لفه يمين ونص لفه شمال
وتغنى وتعملى فيها سعد الصغير
( هتجوز --- هتجوز)




ويجى يوم الخميس وتروح للكوافير الرجالى
وتضرب شعرك هاى لايت وتشيل حواجبك خالص
(نيولوك بقى ياجدعان )
وتروح بيتكم وتلبس القميص والبنطلون
اللى فصلتهم عند عمو عبده الترزى
وتلبس الجزمه الاجلسيه الملمعه
( يلهوى على الجمال -- ايه ده عريس اجمل من جون ترافولتا ياجدعان)




وتنزل بسرعه اول ماتعرف ان برقوقه والست والدتها
الحاجه فى صالون بيتكم وبابك يقولك خد العصير
وادخل سلم على عروستك وحماتك
وانت تتكسف وتقول لبابك انا مكسوف يابابا
(مكسوف -- مكسوف -- مكسوف)
وتاخد صينيه العصير وتدخل ترمى السلام
( ياسيدى مسى علينا )
واول ما العروسه تشوفك تعكسك بكلمتين حلوين
وانت ياحيني عليك تتكسف وتقدم العصير وتسيبهم وتطلع تجرى من الفرحه
( عروسه يابوى)




واخواتك بقى يسالوك شكلها ايه تقولهم حلوه حلوه
وعسل عسل عسل
واوحى اوحى اوحى خالص
وفجاه الست الحاجه والدتك تقراء معهم الفاتحه
وتسمع انت واخواتك صوت زغروطه تجنن من بابك
خارجه من المطبخ
(لووووووووووولى )
وفجاه وبدون مقدمات تتفاجىء بدخول اختك
اللى خارجه من قضيه سطو مسلح وتجاره هيروين
وبتقول فى ايه بيحصل من ورا ضهرى
(الجوازه هتتفركش ياحلو )




يقوم السيد الوالد شكر الله سعيه يهديها بكلمتين
ويقولها اخوكى بيتخطب تصرخ بصوتها اللى بيسمع
اول الشارع عندكم وشفت اخويا فين البت دى
هو اخويا بيخرج لوحده فى الشارع من ورايا
( مش بقولك الجوازه هتبوظ عوضك على الله )
والدك الغالى يحاول يهديها ويقولها لا يابنتى ده جايه
على السمع وسمعه اخوكى اللى زى الفل
( تخرس البت وتتكتم وتسكت خالص )
وتستعد بقى ياجميل للخطوبه والجواز
وتتجوز برقوقه وشهر والتانى برقوقه تغضبك
تلم هدومك وتروح غضبان فى بيت الست الوالده
والوالده تصلح بينكم
وتعيش باقى حياتك مع برقوقه فى تبات ونبات
الرجوع الى أعلى الصفحة اذهب الى الأسفل
 
ميدو بيتجوز عام 2050
الرجوع الى أعلى الصفحة 
صفحة 1 من اصل 1
 مواضيع مماثلة
-
» اخبار الرياضه عام 2050 علي ابن الدلتا
» ميدو يقود هجوم منتخب ( ابدن ) لاعبي العالم لكره القدم
» المحمدي يرتدي قميص ميدو والإعلان عن قائمة الزمالك لمباراة انبي الأحد

صلاحيات هذا المنتدى:لاتستطيع الرد على المواضيع في هذا المنتدى
منتديات ابن الدلتا :: المنتديات الترفيهية :: منتدي يوميات روشة معفرتة-
انتقل الى: