الحلقه الرابعه من اليوم المفضوح ...........!!!!!!!!

السلام عليكم و رحمه الله وبركاته
اهلا بيكوا يا ساده يا مشاهدين
عاملين ايه
طبعا انا بعتزر عن الغياب عن الحلقه اللي فاتت
معلش بقي اصل انا كنت في المصيف
انتوا طبعا عارفين ان الجو حر
ولازم الواحد يستجم
ولا ايه
المهم خلونا نبدا حلقتنا
ميه مسا عالناس الكويسه
و يا صباح الخير بالليل
ويا صباح الاصطباحه
و علي راي الشاعر اللي قال
صباح الاصطباحه
اضرب حشيش بالراحه
بس الريحه فواحه
و الحكومه دباحه
و الطبوبه جت في المعطوبه
و سلامتك يا دماغي
و سلامتك يا دماغي
و اييييييييييييييييييييييييييه
المهم
سريعا ندخل علي فقرات حلقتنا النهارده من
اليووووووووووووووووم المفضوووووووووووووووووووووووح
حلقتنا النهارده حلقه مش عاديه
و معانا اول فقره و هي تقرير
و نزلنا الشارع و قولنا نسال شويه ناس من الشارع اللي هما المواطنين و نشوف رايهم
نروح للتقرير و نرجع تاني


يقال إن87%من الشعب المصرى ساخطون على الحكومة المصرية ... ما تعليقك ؟

ــ ال 13% الباقيين معاهم جنسيات أخرى .



# تقرير :45% من الشعب المصرى مصابون بمرض السكر ما تعليقك ؟

ــ آدى اللى خدناه من" الحلوانى " اللى بنى مصر .



# ما أهم مظاهر الفهلوة عند المصريين ؟

ــ انهم يشكون فى الشحات ولا يشكون فى النصاب .



# ليه الحزب الوطنى بيعمل اعلانات لنفسه مع ان البلد كلها بتاعته ؟

ــ زى ما شبكة الأوربت بتعمل اعلانات لنفسها على شاشة الأوربت .



# ما الفرق الأهم بين مصر وأمريكا ؟

ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .



# ما أهم قاعدة موجودة فى مصر ؟

ــ ان مفيش قاعدة لأى حاجة



# ما وجه الشبه بين السد العالى وقانون الطوارىء ؟

ــ الأثنان مصدر " للكهرباء!!!" .



# لماذا يطلق المصريون على زوجاتهم لقب " الحكومة "؟

ــ لصعوبة تغييرها مهما تسببت فى كوارث .



# أين يمكنك أن تلاحظ سوء نية المصريين ؟

ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .



# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟

ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.



# امتى بتحس ان البلد حلوة ؟

ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)



# امتى هناكل جوافة من انتاج مزارع توشكى ؟

ــ لما نلاقى المشمش!!!!!



# هل لك أقارب استشهدوا فى الحرب ؟

ــ لأ عندى أقارب استشهدوا فى السلام ..... " السلام 98" . .



# ما الدليل على أن مصر بلد الامان ؟

ــ الدليل ان الواحد بيتردد كتير قبل ما يدخل أى قسم شرطة .



# ايه الكلمة اللى ما بتحبش تسمعها وانت فى أوضة العمليات ؟

ــ يا خسارة .



# ما الفرق بين الزوجة المصرية والزوجة اللبنانية ؟

ــ 40 كيلو جرام على الأقل .



# من المستفيد من الزحام الذى يسيطر على شوارع القاهرة ؟

ــ شركات المحمول ، كله واقف فى الاشارة ماسك الموبايل ، بيخلص شغل أو
بيعتذر عن التأخير أو بيسلى نفسه على الأقل ، وبالتالى تعتبر الادارة
العامة للمرور هى المستفيد الثانى " مخالفات استخدام المحمول أثناء القيادة
".

المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .



المستفيد الرابع هو الهيئة العامة للبترول حيث يتزايد حرق البنزين على
الفاضى اثناء الوقوف وهو الأمر الذى يبرر اختفاء البنزين من المحطات
وبالتالى يصبح المستفيد الخامس هم أطباء الأمراض الصدرية .



المستفيد السادس المعلنون على اذاعة نجوم fm وبالتالى يصبح المستفيد السابع
الشركة المصنعة للأدوية المهدئة بالتساوى مع صيدليات على على .



## ليه بيقدموا الساعة ساعة عندنا فى الصيف ؟

ــ علشان مصر تتقدم بينا .





### لماذا يقال عن الشعب المصرى انه شعب فوضوى ؟

ــ علشان بيكره " النظام . "

و طبعا بدون تعليق
*************************************************
و رجعنا تاني و بنستكمل فقرات برنامج
اليووووووووووم المفضووووووووووح
و تاني فقره معانا وهي
ان فيه طريقه تعرفك ان اللي قدامك دا مصري ولا لا
بص يا سيدي و بصي يا ستي

كيف تعرف المصرى؟

المصرى هو أللى:


- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد


- بيحط الريموت كونترول في كيس بلاستيك كعادة فرعونية


- يقف يتكلم على الباب نص ساعة بعد إنتهاء الزيارة والسلام


- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد


- ييجى بعد معاده بساعتين ويفتكر إن ده عادى


- لسه عنده إصرار إنه يتكلم بصوت عالي في التليفون لما تكون المكالمة دولية عشان التانى يسمعه


- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال


- بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش


- عنده صينية مكسرات متقسمة لتلات او أربع أقسام لزوم المزاج وعمره ماإستخدمها


- ممكن يعدي التلا تين ولسه عايش مع أمه وأبوه وماعندهومش مشكلة


- بيشترى قبل الفطار في رمضان مواد إستهلاكية أصلا موجود عنده في البيت لسه ماستخدمهاش


- بيكون عنده شواية لزوم الرحلات أقصى استخدام لها كان مرة واحدة فى العيد


- بيشيل طابع البريد من على الظرف لو الختم ماكانش عليه



- بيفتكر إن أي حد بيشتغل في الخليج بيغرف فلوس من غير حساب



- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه


- برده بيتخانق ساعة دفع الحساب بحرارة شديدة على إنه هو اللي لازم يدفع

- بيفرش ملاية سرير على طقم الأنتريه عشان يفضل نضيف لما ييجى ضيوف ومابيشيلهاش لما ييجوا
- والأهم إنه اللي بيحب يسخر من نفسه ومن بلده وحكامه بس مايطيقش حد تانى يسخر منهم .

و الله ممكن بردو
**************************
و الفقره الليس جايه معانا وهي
بيان من رئاسه ال ..........
خلونا نشوف احسن

احم احم





ايها الساده المستموعون





جاءنا البيان التالى

صدر اليوم بيان من رئاسه الجمهورية

يقول البيان




1- غلق جميع الطرق المؤدية الى قلوب الشباب من البنات وذلك لجعهلم عوانس



2- اعتقال اى بنت تفكر لو لحظه ان تلبس بنطلونا ضيقا محزقا ملزقا او تنكش شعرها زى المجنونه فى الشارع نظرا لمراعاة شعور الشباب



3- منع اى بنت من قيادة السيارت وذلك للحد من الكوارث المرورية التى يسببوها من هرج ومرج ولا مبالاة للاخرين



4- يمنع منعا باتا تجوال اى بنت فى الشارع بعد الساعة الثانية ظهرا يعنى ترجعو من الكليات تقعدو فى البيت ماتخرجوش



5- عدم ركوب البنات للمواصلات المدنية فعليهم الذهاب والاياب بوسيلة المشى على الاقدام



6- يمنع منعا باتا حمل اى بنت ادوات تجميل فى حقائبهم من مكياج وروج وميكب
وجبس ابيض واسمنت لزوم دهان الوش فعليهم بإستخدام باكين ويوتن لاهميتها
العاجله لهم



7- يمنع منعا باتا حمل البنات التليفون المحمول للحد من ظاهرة انتشار الفيروسات بالبلوتوث



8- يمنع لبس البنات للكعب العالى نظرا للحد من ظاهرة الضوضاء وتصديع الدماغ



9- يمنع توظيف البنات فى المؤسسات الحكومية والقطاع الخاص والعام بكافة محتوياته وذلك لخلق فرص عمل للشباب



10- عدم اشتراك البنات فى اى العاب رياضييه سوى رياضة المشى على الاقدام فى الشوارع وذلك للحد من ظاهرة التخن



11- على كل من تريد ان تتزوج التقدم الى مصلحة الجمارك ومعها نموزج 6 جند
وشهادة التخرج وموقفها من التجنيد ومبلغ 10 الاف جنيه وصورتين 4 فى 6 خلفية
بيضا ويكون الودان مقطوعه وحلاقة الذقن



واخيرا على المتضررين من القرار الذهاب الى مكتب الصحه وعمل شهادة صحية
تثبت عدم مرضها بمرض الغيبه والنميمه ومجايب سيرة الناس عمال على بطال
واحضار معها خطاب موجه الى السيد وزير التربيه والتعليم لاخطارة بسقوطها فى
مادة الزواج

واحضار مبلغ 10 الاف جنيه دمغات والذى منه وتجيب معاها حلتين وسكينه لتجهيز نفسها لطبخها على الغدا

مع السلامو عليكو
*******************************************
و طبعا بعد البيان اللي فات تكون انتهت حلقتنا

اعزائي المشاهدين من كل مكان
انتهت حلقتنا النهارده من برنامج اليوم المفضوح
و اشوفكوا ان شاء الله في حلقه جديده
كان معكم فؤؤؤؤؤؤؤؤؤؤؤؤؤش الجيييييييييييييييل
من برنامج اليوووووووووووووم المفضوووووووووووووووح
و يا رب تكون الحلقه عجبتكوا
و اسيبكوا بقي مع الاغنيه دي
سلاااااااااااااااااااااااااااااااااااااااااااام

************************************************
********** انزل بالتتر يا بني **********


بحبك كيف ما خابرش

وعلى فراجك ما جادرش

من كتر الشوج خسيت

وأن كنت تخين إبكرش

والحب يابوى بهدلنى

مرمطنى جوه وخرشمنى

وغرامك بيغرمنى

وماعدش معايا ولا جرش

شومة حبك بطحتنى

وجاموسة الشوج نطحتنى

والهوى جحشته رفستنى

ولجينى يا بوى ماصابرش

دورت عليك ياحبيبى

ع الفيس والجوجل سيرش

حبك غلبنى يا أبوووووووووووو...وووووى

وعلى فراجك ماجادرش

ههههههههههههههههههههههههههههههههههههههههههههههههه

ايه الجمال ده رااااااااااااااااائع يافؤش تسلم ايدك

يا ملك الضحك والفرفشة

بس زودتها مع البنات شوية على اساس ان الشباب دول زى الملايكة مش بيعملوا حوادث نهائى ومش بيجى فيرس من موبايلتهم ومش
بيعملوا ضوضاء خااااااااااالص كله كوم وموضة الخنافس دى كوم تانى وبعدين فين التكافؤ اللى بنادى بيه ولا نركب
مواصلات ولاعربيات ولا نشتغل كمان ده انت بهدلتنا خالص ياراجل

اما المصرى دى اللى حكاية وهو ده اللى بيحصل فعلا تسلم افكارك

اتمنالك المزيد من الابداع والتقدم

وكل سنة وانت طيب

وحمدالله بالسلامة يارب تكون استمتعت بالمصيف

فيه ايه ياعم فؤش انت مالك جاي علي البنات كده ليه

طب ما انا عندي فكره بقي نعدمهم احسن بدل ماتعمل فيهم ده كله

وعايزه اعرفك ان نسبه البنات في المنتدي كبيره وانت فاهم انا اقصد ايه

بس طبعا دا مايمنعش انها حلقه جنان ودا العادي بتاعك

وبجد انت عندك قدره انك تضحك الناس بطريقه فظيعه

ربنا يحميك يارب وفي انتظار باقي الحلقات

الحلقة جميلة جداااااااا تسلم ايدك

ومنتظرين باقى الحلقات


كل عام واعضاء المنتدى كلهم بخير