بنحب بعض أوي ♥ وعايزين نتجوز.. و الحكومة موفرة كل حاجة بس إحنا اللي مكسّلين

هو احنا بنحب بعض اوي و عايزين نتجوز


والحكومه موفرلنا كل حـــــــــــاجه يا جماعه
بس احنا مكسلين

النفس بقي هنقول ايه

هي النفس لما تيجي اكيد الناس هتتجوز علي طول

لكن الحكومه موفره كل شئ

اه هننكر ليــــــــــــه ؟؟

يعني عمللنا اسكان للشباب اللي عايزه تتجوز جديد
بس تيجي تسال علي الشقه يقلك 180 الف جنيه

ومقدم 30 الف جنيه

طيب ونبي لو الشاب معاه 30 الف ماكنش ده بقي حاله ..


بس اكيد الحكومه عملت اللي عليها واحنا اللي مكسلين ..



جت بقي الحكومه وعملتلنا شغل لكل شاب
وجت الاحصائيه في التلفزيون طبعا لازم نصدقها
وطلعوا بخطبه ومهرجان
ان 99 في الميه من الشباب بقوا بيشتغلوا
واننا قضينا علي نسبة البطاله خلاص مبقتش عندنا حاجه اسمها بطاله

(( ونبي ما عارفه بيجبلنا الاحصائيات دي منين .. ))

ونزللنا باعلانات بقي

يسالوا شوية ناس
بتشتغلي فين
بشتغل في عز الدخيله
وتلاقي قطر كده معدي متفهمش جه منين
واللي فاته القطر مش هيلحق اللي بعده


تحس انك قاعد كده وبقي عندك فجاه 90 سنه من كمية الاحباط والكدب اللي بتشوفه
لما 99 في الميه بيشتغلوا امال الخريجين اللي قاعدين علي القهاوي دول ايه



بس الحكومه طبعا عامله اللي عليها .. واحنا اللي مكسلين

بيان حكومـــــى

القضاء علي الواسطه
اي شاب ياخده السي في بتاعه ويتقدم بس لاي شغل ولو في محله هيتغل علي طول
ووداعا للواسطه ...

الله طيب الحمد لله ادينا قضينا علي حاجه اهو
تاخد نفسك بقي وتبقي فرحان اوي
ولابس بدله ومتشيك وحاطط برفان


مطوتك في جيبك سيفهك في ايدك


تروح تلاقي الابليكشن اول سؤال فيه
تعرف مين في مركز كويس في المكان ده ؟؟

وتلاقي اللي قاعد جنبك يبقي ابن اخو رئيس شؤؤن العاملين

بس عشان قضينا علي الواسطه
اكيد بقي هياخدوك

ابقي قابلنـــــــــي


بس بجد الحكومه عمله اللي عليها واحنا اللي مكسلين ..



نسبة الانتحار قلت في مصر

طب الحمد لله الناس نفسيتها بقت مرتاحه وراضيه وكله تمــــــــام
وطبعا مفيش اي حاجه تستدعي للانتحار


وده ليه انتحر يا تري ؟؟؟ اكيد عشان مرتاح نفسيا جوزوه اللي بيحبها والراجل معاه يجيب كل حاجه
ملقاش حاجه بقي يعملها تاني راح منتحر






بس برده الحكومه عمللنا كل حاجه .. واحنا اللي مكسلين




ودااعا لغلاء الاسعار

كيلو اللحمه بس ب 50 جنيه

يعني لو واحد عايز ياكل عياله ال9 لحمه
يشممهلهم بس

وحتي الفراخ غليت

والسمك بقي يعني هو الفراخ واللحمه احسن منه ولا ايه

والناس بتتنتحر حتي بسبب غلاء الاسعار


بس وداعا لغلاء الاسعار واهلا بالاسعار الرخيصه



وفي الاخر عايزه اقول حاجه مهمه جداااااااا

الحكومه عمللنا كل حاجه .. بس احنا اللي مكسلين (( ياربي علي كسلنا .. ))