ست السيد..............!!!!!!!!!

إزييكم ياشباب عامليين ايه؟

طبعا الكل هايستغرب ويقولى يعنى اية ( ست السيد )

احنا سمعنا عن سى السيد والرواية الشهيرة للاستاذ نجيب محفوظ وشفنا المسلسل بتاع الرواية اللى هو فيلم

(بين القصرين )

الفيلم بيجسد صورة الرجل الشرقى اللى شخصيتة قوية اللى مسيطر على البيت فى كل الامور( سي السيد )

وعرض شخصية المراة الضعيفة المغلوبة على امرها اللى مسلوبة الارادة ( أمينه )

علي الرغم من انه من اعظم افلام السينما المصريه

الا ان الفيلم دة ربى عقدة عند كل البنات وبقت البنت وهى بتختار شريك حياتها علشان خايفة ليكون نسخة تانية من سى السيد

وبقت تبعد بكل الطرق عن الراجل اللى شخصيتة قوية لحسن يعمل منها نسخة تانية من

امينة

اكيد محدش لسه فهم يعنى اية ست السيد

طبعا مع اختلاف الزمان والتفكير والدنيا اللى احنا عايشنها بالمقلوب

وانتشار المساواة بين الرجل والمراة اللى كتير من الناس بيستخدمها غلط وفهمنها غلط

بقى دلوقتى فى بدل سى السيد بقى فى

ست السيد

ســت السيــد ( هى المراة اللى شخصيتها قوية جدا فى البيت وهى المسيطرة على اموار البيت بااكملة )

وهى الست اللى تزعق فى الرجل يترعب

ومن اول نظرة يفهم هى عايزة اية

وطبعا هو بيعمل كدة حفاظا على حياتة وكرامته

يأما بأقرب شبشب حمام وعلي راسه

الجيل الجديد من الستات (ستات البيوت ) وخدينها بلطجه في البيوت ومش كدا بس

بيقفوا ند لازواجهم ...

مفكره انها لما تعاند وتقف قصاده يبقي كدا بقت شخصيه ..؟!!

طيب هي دي الأنثي؟؟

هي دي اللي الرسول عليه الصلاة و السلام وصفها بالقوارير

وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآياتٍ لِقَوْمٍ يَتَفَكَّرُونَ) الروم:21

خد بالك من لتسكنوا دي

تفتكر دى نتيجة اية ، لية دلوقتى بقى الرجل ضعيف وجبان؟

او بلاش نقول ضعيف وجبان ... ليه الستات استرجلوا؟

- هو فكرة المساواه اللي مفهومه غلط دي هما شايفينها ان الراجل زي الست؟

يعني مثلا ماينفعش الراجل يربي العيال ليه؟؟ لان الراجل مافيهوش طابع الحنيه والصبر ومقومات

كتيره زي اللي في الست يعني الست متفوقه علي الراجل في المجال دا

زي مثلا الست ماينفغش تبقي رئيس جمهوريه ... ليه؟ مش هنقول علشان قوة التحمل والاعباء وكل دا ...

بالرغم ان العوامل دي لوحدها تكفي انها ماتصلحش للمناصب السياديه . بس الست مهما كانت قوة

صلابتها بكلمه حلوه بتحن ...

تخيل بقي ان دوله معاديه حاطه عنيها علي بلد رئيسها واحده ست يجي رئيس الدوله دا يقولها

كلمتين حلوين تقوم الست تحنله وتقوم مدياله مفاتيح البلد

وتقوله:- انا كفايه عليا شقه في التجمع ست السيد..............!!!!!!!!! Biggrin

ولا اقتناعا بما قالته سعاد حسني البنت زي الولد مش كمالة عدد؟؟

هو حد قال ان البنت كمالة عدد؟؟ ست السيد..............!!!!!!!!! Eek

بالعكس الست ليها دور محوري جدا في الحياه والبيت ...

سر نجاح الرجل المرأه

وحده تطلع تقولي سيبك من الشعارات دي .. شعارات ازاي بس؟؟ ست السيد..............!!!!!!!!! Eek

يعني مثلا الراجل لما يجي من شغله تعبان ومتبهدل وطالع عينه ويروح البيت يلاقي اللي بتقوله

كلمه حلوه وتخفف عنه همه وتشيل حمله ... اكيد هينسي كل الهم دا وهيروح الشغل تاني يوم

مبسوط ومرتاح هيقدر يدي في شغله وينجز حاجات كتير جدا ...

هيأدي من خلالها ان الشغل هينتظم ومصالح الناس هتخلص بدري ويؤدي لدوران عجله

المجتمع... شوفتوا بقي الست ممكن تعمل ايه؟؟ ممكن تغير المجتمع كله

غير صاحبنا اللي جاي من البيت .. اول ماصحي لقي امنا الغوله في وشه ...

يقولها : - صباح الخير ياحبيبتي ...

تقوله : - يادي الصباح اللي زي وشك ...

دا هيروح الشغل عامل ازاي؟؟

ولا مصالح خلصانه ولا في عجله مجتمع هتجري ولا اي حاجه ونقف محلك سر

النقطه التانيه؟

انا ملاحظ ان المراة القوية فى البيت المصرى هى المراة العاملة

خدوا بالكم ممكن حد يجي يقولي دلوقتي يعني هو انت مش عاوز الست تشتغل ؟؟

تشتغل علي عيني وعلي راسي بس فيه حاجه اسمها اولويااااااااااااااااااااااات

اولويات الست ايه؟ بيتها وزوجها واولادها لو خلصتهم ونجحت في اولوياتهم تشتغل علي عيني

وراسي والله

مش زعلانين بس البييييييييييييييييييييييييييييييييييييييت الأول.

يافرحتي بزوجتي تبقي وزيره وكل شويه اشوفها علي التلفزيون ومش بشوفها في البيت.

ولا هي عارفه حاجه عن اولادها ولا اي حاجه خالص .

بس استنوا بقي هنا فيه حاجه؟؟

- عاوزه تشتغلي من مبدأ المساواه ولا من مبدأ تحقيق الذات ولا من مبدأ العند ؟؟

لو اخدنا من مبدأ المساواه يبقي ماتفتكروش ان المساوه تبقي وزيره وسفيره زييك زي الراجل وبس؟

لا استني ياختي فيه برده ميكانيكي و كهربائي وسمكري وحداد وكل حاجه ولازم تشتغلوا ولا هي المساواه في الحاجات الكويسه والحاجات لأ؟؟

بلاش نصاحه ست السيد..............!!!!!!!!! Tongue

لو من تحقيق الذات وماله بس لو تحقيق ذاتك يبقي علي حساب بيتك يبقي ماتحقيقهوش

تيجي واحده تقولي مش هتجوز علشان احقق هدفي في الحياه واوصل لأعلي المناصب ... اقولها يبقي انتى كدا خالفتي

الهدف اللي ربنا خلق ليه البنت. هو انتي لو خلفتي ولد وعلمتيه دينه والصح والغلط .. دا مش نجاح؟؟

نرجع لموضوعنا

يعنى هى عشان بتشتغل تفتكر دى يبقى سبب عشان تلغى شخصية الزوج وتبقى هى صحابة القرار فى كل حاجة

حور بين زوج وزوجة ( من نوعية ست السيد )

الزوجة : قوم يامدهول على عينك قوم ياخويا مش فالح غير فى النوم وبس

الزوج : عايزة اية بس ماتسيبنى انام شويا لسة بدرى على الشغل

الزوجة : اصحي جاتك القرف فيه طلبات عاوزينها

الزوج : ياحبيبتى ماانا كل يوم بعمل كدة يعنى مافهاش حاجة اما تروحى انتى انهاردة

الزوجة : يانهارك ازرق مالوش ملامح انت عايزنى انا انزل اشترى الخضار واروح السوق واحضرك الفطار وانت نيام

الزوج : خلاص خلاص ياحبيتى انا اسف هاقوم اهو اجبلك اللى انتى عايزة

الزوجة : ايوه كدة ناس ماتجيش غير بضرب الشبشب

الزوج : ماشى وهو مغلوب على امرة ونزل دعاء على المدام بس طبعا فى سرة

الزوجة : اوعى تتاخر هاخلى ليلة اهلك سودة لون الفلانة اللى انت لبسها اللى بقالها شهر مااتغسلتش دى

شوفتو بقى ست السيد بتعمل اية ف زوجها ( ماهو اتقى شر الحليم اذا غضب )

وانا هسالكوا هنا شوية اسئلة

1_ اية الاسباب اللى ممكن تخلى المراة فى البيت هى ( ست السيد )؟؟؟

2_ اية الاسباب اللى ممكن تخلى الرجل يتخلى عن شخصيتة فى البيت ويصبح اسير للمراة؟؟؟

3_ لو اكتشفت بعد الزوج ان مراتك\جوزك عندها \ةحب السيطرة وعايزة تبقى هى المتصرفة الوحيدة فى اموار البيت هاتعمل اية؟؟؟

4_ تحب تكون انت سى السيد فى البيت ؟؟؟

5- اية الاسباب اللى ممكن تدفعك الي انك تتجوزى برجل شخصيتة ضعيفة؟؟؟

يالا يا شباب

الله عليك

تسلم ايديك

موضوع جميل

وكلامك في الصميم

تسلم يافؤش

thnxxxxxxxxxxxxxxxxxxxxx

mahoooooood

gam7l

gda

زائر

والله يافؤش انا من وجه نظري

انه بيرجع لضعف شخصيه الرجل

يعني يقول شمال مراته تقوله يمين

شكرا عالمرور يا جماعه
و اكيد طبعا علي رايك يا ايمان
دا تبع شخصيه الرجل

زائر

بص بقي يافؤاد انا معاك في كل اللي انت قلته
وان المرأه الاولويه عندها تكون بيتها
وانا عن نفسي لو جوزي وبيتي مش محتجين اني اشتغل
او بمعني ادق ان جوزي حالته الماديه كويسه ومش محتاج اني اساعده
هفضل اني اكون ست بيت واعيش لزوجي واولادي
وده هيكون هو النجاح الحقيقي اللي هشوفه بيكبر كل يوم قدامي
مش نجاحي في شغلي اللي مجرد ما سبته انتهي
انما اما اشوف ولادي وزوجي ناجحين
دي اهم حاجه
اما بالنسبه لشخصيه ست السيد فهي بترجع لشخصيه الزوج بس
وانا بحتقر الست اللي بتمشي زوجها علي مزاجها
ده رائيي ممكن تكون معايا وممكن لا بس ده اللي انا شايفاه
اسفه علي الاطاله
وشكرا علي الاطاله

» سي السيد و امينه 2010 ............!!!!!!
» ابتهالات الشيخ السيد النقشبندي